Month: July 2023

ഏഥന്‍സ്: രണ്ട് വ്യത്യസ്ത കാട്ടുതീ തിങ്കളാഴ്ച ഏഥൻസിന്റെ തെക്കുകിഴക്കും പടിഞ്ഞാറും വീടുകൾക്ക് കേടുപാടുകൾ വരുത്തിയതിനാൽ ഗ്രാമവാസികളോട് വീടുകൾ വിടാൻ ഉത്തരവിടുകയും നൂറുകണക്കിന് കുട്ടികളെ വേനൽക്കാല ക്യാമ്പിൽ നിന്ന് ഒഴിപ്പിക്കുകയും ചെയ്‌തതായി അധികൃതർ മാധ്യമങ്ങളോട് പറഞ്ഞു. ഗ്രീക്ക് തലസ്ഥാനത്ത് നിന്ന് ഏകദേശം 27 കിലോമീറ്റർ (17 മൈൽ) അകലെയുള്ള കൂവാരസ് ഗ്രാമത്തിൽ പൊട്ടിപ്പുറപ്പെട്ട തീപിടുത്തം ക്രമരഹിതമായ കാറ്റിന് ഇടയിൽ അതിവേഗം പടർന്നതായി ഗ്രീക്ക് ഫയർ സർവീസ് ഉദ്യോഗസ്ഥര്‍ പറഞ്ഞു. 20 സൈനികരുടെയും 68 എഞ്ചിനുകളുടെയും 16 വിമാനങ്ങളുടെയും സഹായത്തോടെ 200 ഓളം അഗ്നിശമന സേനാംഗങ്ങൾ തീ നിയന്ത്രണവിധേയമാക്കാൻ ശ്രമിച്ചുകൊണ്ടിരിക്കുകയാണ്. തീപിടുത്തത്തിൽ നിരവധി വീടുകളും കാറുകളും കത്തിനശിച്ചതു കൂടാതെ കൃഷിയിടങ്ങളും കത്തി നശിച്ചു. ശക്തമായ കാറ്റ് കാരണം, രണ്ട് മണിക്കൂറിനുള്ളിൽ തീ 12 കിലോമീറ്ററോളം വ്യാപിച്ചതായി ഗ്രീക്ക് ഫയർ സർവീസ് വക്താവ് ഇയോന്നിസ് ആർട്ടോപോയോസ് ഒരു ടെലിവിഷൻ ചാനലിനു നല്‍കിയ…

ലണ്ടൻ: സ്‌കോട്ട്‌ലൻഡിൽ 50-ലധികം പൈലറ്റ് തിമിംഗലങ്ങൾ ചത്ത് കരയ്ക്കടിഞ്ഞു. ഞായറാഴ്ച രാവിലെ ഏകദേശം 6:00 മണിക്കാണ് സംഭവത്തെക്കുറിച്ച് അധികാരികള്‍ക്ക് വിവരം ലഭിച്ചത്. ഒരു ഡസനിലധികം ജീവനുള്ള തിമിംഗലങ്ങളെ വീണ്ടും കടലിലേക്ക് ഒഴുക്കാനുള്ള ശ്രമങ്ങൾ വിജയിച്ചില്ല. ഒറ്റപ്പെട്ടുപോയ ശേഷിക്കുന്ന തിമിംഗലങ്ങളെ ദയാവധം ചെയ്യാൻ രക്ഷാപ്രവർത്തകർ പിന്നീട് തീരുമാനിച്ചു. ആകെ 55 തിമിംഗലങ്ങൾ ചത്തു, ഒരെണ്ണം അതിജീവിച്ചതായി വിശ്വസിക്കപ്പെടുന്നു. ഒരു തിമിംഗലത്തിന് പ്രസവസമയത്ത് സങ്കീർണതകൾ അനുഭവപ്പെട്ടതിനെത്തുടർന്ന് മുഴുവൻ തിമിംഗലങ്ങളും കുടുങ്ങിപ്പോയതായി സംശയിക്കുന്നു എന്ന് ബ്രിട്ടീഷ് ഡൈവേഴ്‌സ് മറൈൻ ലൈഫ് റെസ്‌ക്യൂ (ബിഡിഎംഎൽആർ) പറഞ്ഞു. “പൈലറ്റ് തിമിംഗലങ്ങൾ അവരുടെ ശക്തമായ സാമൂഹിക ബന്ധങ്ങൾക്ക് കുപ്രസിദ്ധമാണ്, അതിനാൽ പലപ്പോഴും ഒരു തിമിംഗലം ബുദ്ധിമുട്ടിലും ഇഴകളിലും അകപ്പെടുമ്പോൾ ബാക്കിയുള്ളവ പിന്തുടരുന്നു,” BDMLR പറഞ്ഞു. സ്‌കോട്ടിഷ് മറൈൻ അനിമൽ സ്‌ട്രാൻഡിംഗ് സ്‌കീം (എസ്‌എംഎഎസ്‌എസ്) സസ്തനികളുടെ ശരീരഭാഗങ്ങൾ പരിശോധിച്ച് കടലിൽ കുടുങ്ങിയതിന്റെ കാരണം കണ്ടെത്തുമെന്ന് അറിയിച്ചു. “അടുത്ത…

കൊല്ലം: യുവാവിനെ ദുരൂഹ സാഹചര്യത്തിൽ വീടിനുള്ളില്‍ മരിച്ച നിലയില്‍ കണ്ടെത്തിയ സംഭവുമായി ബന്ധപ്പെട്ട് യുവാവിന്റെ മാതാപിതാക്കളേയും സഹോദരനെയും പോലീസ് അറസ്റ്റു ചെയ്തു. കൊല്ലം ചിതറയില്‍ 21 കാരനായ ആദർശിനെയാണ് മരിച്ച നിലയിൽ വീട്ടില്‍ കണ്ടെത്തിയത്. ഇന്ന് രാവിലെയാണ് വീടിനുള്ളിൽ അടുക്കളയോട് ചേർന്നുള്ള മുറിയിൽ മൃതദേഹം കണ്ടെത്തിയത്. ആദർശിന്റെ അമ്മയാണ് മൃതദേഹം കണ്ടത്. തുടർന്ന് നാട്ടുകാരിൽ ഒരാളെ വിവരമറിയിച്ചു. അയാളാണ് പോലീസിൽ അറിയിച്ചതെന്ന് പോലീസ് പറഞ്ഞു. പ്രാഥമിക പരിശോധനയിൽ തന്നെ സംഭവം കൊലപാതകം ആണെന്ന് പോലീസിന് വ്യക്തമായി. ഇതോടെയായിരുന്നു വീട്ടുകാരെ കസ്റ്റഡിയിൽ എടുത്തത്. ഇന്നലെ രാത്രി ആദർശ് മറ്റൊരു വീട്ടിൽചെന്ന് മദ്യപിച്ച് ബഹളം ഉണ്ടാക്കിയിരുന്നു. ഇതേ തുടർന്ന് വീട്ടുകാർ ചേർന്ന് കൂട്ടിക്കൊണ്ട് വരികയായിരുന്നു. വീട്ടിലെത്തിയ ശേഷം വീട്ടുകാരുമായി വഴക്കുണ്ടായി. ഇതിനിടെ വാക്കത്തിയെടുത്ത് കൈ ഞരമ്പ് മുറിയ്ക്കാന്‍ ശ്രമിച്ചു എന്നും പറയുന്നു. എന്നാല്‍, അതിനിടെ മരണം സംഭവിച്ചു എന്നാണ് നിഗമനം.…

മലപ്പുറം: മലപ്പുറം ജില്ലയിലെ മങ്കടയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് ഗർഭിണിയാക്കിയ സംഭവത്തില്‍ പെണ്‍കുട്ടിയുടെ സഹോദരനെയും ബന്ധുവിനെയും പോലീസ് അറസ്റ്റ് ചെയ്തു. പത്താം ക്ലാസ് വിദ്യാർഥിനിയാണ് പെൺകുട്ടി. പെൺകുട്ടി ഇപ്പോൾ അഞ്ച് മാസം ഗർഭിണിയാണ്. സംഭവത്തിൽ സഹോദരനെയും 24 കാരനായ ബന്ധുവിനെയുമാണ് അറസ്റ്റു ചെയ്തത്. അറസ്റ്റ് രേഖപ്പെടുത്തി ഇവരെ കോടതിയിൽ ഹാജരാക്കി. ശിശുക്ഷേമ സമിതിയുടെ കസ്റ്റഡിയിലാണ് പെൺകുട്ടി. പോക്‌സോ നിയമപ്രകാരമാണ് പോലീസ് കേസെടുത്തിരിക്കുന്നത്.

മലപ്പുറം : മനുഷ്യ മനസ്സിലെ നന്മകളെ പുറത്തെടുക്കലാകണം വിദ്യാഭ്യാസത്തിന്റെ ലക്ഷ്യമെന്നും നന്മയുടെ പ്രതീകങ്ങളായ സമൂഹങ്ങളെ വാർത്തെടുക്കാൻ സഹായകമായിരിക്കണം മദ്രസാ വിദ്യഭ്യാസമെന്നും പ്രൊഫ. കെ.കെ ആബിദ് ഹുസൈൻ തങ്ങൾ എം.എൽ.എ പറഞ്ഞു. കേരള മദ്രസ എജ്യുക്കേഷൻ ബോർഡ് 2022-23 അധ്യയന വർഷത്തിലെ പ്രൈമറി, സെക്കണ്ടറി മദ്രസ പൊതു പരീക്ഷകളിൽ റാങ്ക് നേടിയവർക്കുള്ള സംസ്ഥാനതല അവാർഡ് ദാനം മക്കരപ്പറമ്പിൽ നിർവഹിച്ച് സംസാരിക്കുകയായിരുന്നു അദ്ദേഹം. മദ്രസയിലൂടെ നേടിയെടുത്ത മൂല്യങ്ങൾ അവരുടെ തുടർ ജീവിതത്തിലും പ്രതിഫലക്കണമെന്നും മദ്രസ പഠനം പൂർത്തിയാക്കിയവരിൽ അതിനാവശ്യമായ തുടർ പരിപാടികൾ മഹല്ല് സംവിധാനങ്ങൾ ഉപയോഗപ്പെടുത്തി നടപ്പിലാക്കണമെന്നും അദ്ദേഹം പറഞ്ഞു. ആധുനിക കാലഘട്ടത്തിന്റെ അപചയങ്ങളെ വ്യവസ്ഥാപിത മതപഠനത്തിലൂടെ മറികടക്കാൻ സാധിക്കണം. കുട്ടികളുടെ പഠനം മദ്റസക്കും സ്കുളിനും വീടകത്തിനുമപ്പുറം ആധുനിക സാങ്കേതിക സംവിധാനങ്ങളിലേക്ക് മുന്നേറിയ കാലഘട്ടത്തിൽ ധാർമിക മ്യൂല്യങ്ങളിലധിഷ്ഠിതമായ ലോകത്തെ നയിക്കുന്ന ഏക സിവിൽ കോഡാണ് ദൈവം ഈ ലോകത്തിന് നൽകിയിട്ടുള്ളത്.…