Month: July 2023

പെൻസിൽവാനിയ:പെൻസിൽവാനിയയിലെ ജയിലിൽ നിന്ന് രക്ഷപ്പെട്ട ശേഷം ജൂലൈ 6 മുതൽ ഒളിവിലായിരുന്ന  കൊലപാതക കേസിലെ പ്രതിയെ പോലീസ് കസ്റ്റഡിയിലെടുത്തു. 34 കാരനായ മൈക്കൽ ബർഹാമിനെ വാറന് സമീപമുള്ള വനമേഖലയിൽ നിന്ന് ശനിയാഴ്ച വൈകീട്ട്   5:50 നാണു പിടികൂടിയത് വാറൻ കൗണ്ടി ജയിലിൽ നിന്ന് വ്യായാമ ഉപകരണങ്ങളിൽ കയറിയും ജനലിലൂടെ കയറിയുമാണ് ബർഹാം രക്ഷപ്പെട്ടത്. ജനാലയിൽ നിന്ന് താഴേക്ക് കയറാൻ ഷീറ്റ് കൊണ്ട് നിർമ്മിച്ച കയർ ഉപയോഗിച്ചു. ബർഹാം തുറസ്സായ സ്ഥലത്തേക്ക് വന്ന് കണ്ടതായി പോലീസ് പറയുന്നു. അപ്പോഴും തന്റെ ജയിൽ പാന്റ് ധരിച്ചിരുന്നു, ബർഹാം ഇപ്പോൾ പെൻസിൽവാനിയ സ്റ്റേറ്റ് പോലീസ് വാറൻ സ്റ്റേഷനിൽ തടവിലാണ്.

അബുദാബി: പാലക്കാട് പ്രവാസി കൂട്ടായ്മ യുഎഇ ജില്ലയിലെ എസ്എസ്എൽസി പരീക്ഷ വിജയിച്ച കുട്ടികൾക്ക് ഉള്ള സ്നേഹ ആദരവ് അബൂദബിയിൽ വെച്ച് നൽകി. പ്രവാസി കൂട്ടായ്മയിലെ അംഗങ്ങളുടെ മക്കൾക്ക് ആണ് നാട്ടിലും യുഎഇ യിലുമായി 22 കുട്ടികൾക്ക് മൊമെന്റോ നൽകി ആദരിച്ചത്. ഭാരവാഹികളായ സീമ കൃഷ്ണൻ പാലക്കാട്, എംഡി ജംഷി മണ്ണാർക്കാട്, റഹീസ് പട്ടാമ്പി,റസിയ ഒറ്റപ്പാലം തുടങ്ങിയവർ പരിപാടിക്ക് നേതൃത്വം നൽകി .കൂട്ടായ്‌മ അംഗങ്ങളും കുട്ടികളും രക്ഷിതാക്കളും ചടങ്ങിൽ സംബന്ധിച്ചു. തുടർന്നും വിദ്യാഭ്യാസ കലാ സാംസ്കാരിക രംഗത്തും കൂട്ടായ്മയുടെ പ്രവാസി ക്ഷേമ പദ്ധതികളും പരിപാടികളും ആസൂത്രണം ചെയ്ത് മുന്നോട്ട് പോകുമെന്ന് ഭാരവാഹികൾ അറിയിച്ചു. കൂടാതെ പ്രവാസികളെ കൂടുതൽ ബാധിക്കുന്ന സീസൺ വിമാന ടിക്കറ്റ് ഉയർത്തുന്ന നടപടിക്ക് എതിരെ പ്രാവസികൾക്ക് ഇടയിൽ ബഹിഷ്കരണ കമ്പയിൽ ഉൾപെടെ ഉള്ള കാര്യങ്ങളുമായി മുന്നോട്ട് പോകുമെന്ന് ഭാരവാഹികൾ അറിയിച്ചു.

മങ്കട : പച്ചക്കറി, നിത്യോപയോഗ സാധനങ്ങളുടെ വലിയതോതിലുള്ള വിലക്കയറ്റം സർക്കാർ ഇടപെട്ട് നിയന്തിക്കണമെന്ന് വെൽഫെയർ പാർട്ടി മങ്കട മണ്ഡലം പ്രസിഡന്റ് ഫാറൂഖ് കെപി ആവശ്യപ്പെട്ടു. വിലക്കയറ്റം കൊണ്ട് പൊറുതിമുട്ടുന്ന ജനത്തെ കണ്ടില്ലെന്ന് നടിക്കാൻ എങ്ങനെയാണ് സർക്കാരിനാവുന്നതെന്നും ജനജീവിതത്തെ വലിയതോതിൽ ബാധിക്കുന്ന ഇത്തരം വിഷയങ്ങളിൽ സർക്കാർ മൗനത്തിലാവുകയാണെന്നും അദ്ദേഹം ആരോപിച്ചു. നികുതി ഭീകരത അടിച്ചേൽപ്പിച്ച് ജനങ്ങളെ കൊള്ളയടിക്കുന്ന സർക്കാർ നിത്യോപയോഗ വസ്തുക്കളുടെ വില കുതിച്ചുയരുമ്പോൾ നിഷ്ക്രിയരാണ്. അനിയന്ത്രിതമായ വില വർദ്ധനവിനെതിരെ വെൽഫെയർ പാർട്ടി ശക്തമായ ജനകീയ പ്രക്ഷോഭം സംഘടിപ്പിക്കുമെന്നും യോഗം അറിയിച്ചു. ജനറൽ സെക്രട്ടറി സി.എച്ച്. സലാം സ്വാഗതവും, ട്രഷറർ അഷ്റഫ് കുറുവ നന്ദിയും പറഞ്ഞു. ഡാനിഷ് മങ്കട, ജസീല കെപി,നസീമ സിഎച്,മുഖീമുദ്ദീൻ എന്നിവർ സംസാരിച്ചു.

മഹാരാഷ്ട്ര, ഛത്തീസ്ഗഡ്, മധ്യപ്രദേശ് എന്നീ സംസ്ഥാനങ്ങളിലേക്കുള്ള 100 ഓട്ടോകൾക്ക് ഓർഡർ നൽകി ഇന്ത്യയിൽ വിവിധ സംസ്ഥാനങ്ങളുടെ നിരത്തുകളിൽ കേരള സർക്കാർ പൊതുമേഖലാ വാഹന നിർമ്മാണ സ്ഥാപനമായ കേരള ഓട്ടോമൊബൈൽസ് ലിമിറ്റഡിന്റെ 100 ഇ ഓട്ടോകൾ വിതരണം ചെയ്യുന്നതിനായി ആരെൻഖ് ഓർഡർ നൽകി. മഹാരാഷ്ട്ര, ഛത്തീസ്ഗഡ്, മധ്യപ്രദേശ് എന്നീ സംസ്ഥാനങ്ങളിലേക്കാണ് നിലവിൽ ആരെൻഖ് ഓർഡർ നൽകിയിരിക്കുന്നത്. ആരെൻഖുമായുള്ള കെ എ എല്ലിന്റെ ധാരണാ പത്രത്തിന്റെ പുറത്താണ് ഇ ഓട്ടോകൾ വിതരണം ചെയ്യുന്നത്. പഞ്ചാബ്, ഗുജറാത്ത്, തമിഴ്നാട്, കർണാടക എന്നീ സംസ്ഥാനങ്ങളുടെ നിരത്തിലും വൈകാതെ കെ എ എല്ലിന്റെ ഇ ഓട്ടോകൾ ഓടിക്കാൻ സാധിക്കുമെന്നാണ് ആരെൻഖിന്റെ പ്രതീക്ഷ. ഈ സംസ്ഥാനങ്ങളുടെ അനുമതിക്കായുള്ള കാത്തിരിപ്പിലാണ് ആരെൻഖ്. അനുമതി കിട്ടുന്നതോടെ ആരെൻഖിന്റെ ബാറ്ററികളുമായി കെ എ എല്ലിന്റെ ഇ ഓട്ടോകൾ ഈ സംസ്ഥാനങ്ങളിലും ഓടിത്തുടങ്ങും. പൂനെ ആസ്ഥാനമായി ബാറ്ററി രംഗത്ത് പ്രവർത്തിക്കുന്ന കമ്പനിയായ…