Month: August 2023

തിരുവനന്തപുരം: ഒരു ക്യാൻവാസിൽ ഗണപതിയുടെ പതിനായിരം രേഖാചിത്രങ്ങൾ തീർത്തതിനും നാലായിരത്തി അഞ്ഞൂറ് ആക്രലിക്ക് പെയ്ന്റിംഗ് പൂർത്തിയാക്കിയതിനും കണ്ണൂർ പയ്യന്നൂരിലെ മണിലാൽ ശബരിമലയ്ക്ക് യുആർ എഫ് ലോക റിക്കാർഡുകൾ സമ്മാനിച്ചു. യുആർഎഫ് അംബാസിഡർ ഗ്രാൻഡ് മാസ്റ്റർ ബർണാഡ് ഹോലെ (ജർമനി), സി.ഇ.ഒ ഗിന്നസ് സുവോദീപ് ചാറ്റർജി, ജൂറിയംഗം ഡോ. ജോൺസൺ വി. ഇടിക്കുള, ഡയറക്ടർ ഉദയൻ വിശ്വാസ് എന്നിവരടങ്ങിയ വിദഗ്ദ്ധ സമിതിയാണ് അപേക്ഷ പരിശോധിച്ച് റിക്കാർഡിന് അർഹമായ കലാസൃഷ്ടിയെന്ന് കണ്ടെത്തിയത്. 2023 ആഗസ്റ്റ് 20ന് തിരുവനന്തപുരം തൈക്കാട് ഗണേശത്തിൽ നടന്ന ചടങ്ങിൽ കേരള ഗവർണ്ണർ ആരിഫ് മുഹമ്മദ് ഖാൻ ഏറ്റവും കൂടുതൽ ഗണപതി ചിത്രങ്ങൾ വരച്ചതിനുള്ള യു.ആർ എഫ് ലോക റിക്കാർഡ് സർട്ടിഫിക്കറ്റ് മണിലാലിന് കൈമാറി.സൂര്യ കൃഷ്ണമൂർത്തി മെമൻറ്റോയും യുആർഎഫ് ചീഫ് എഡിറ്റർ ഗിന്നസ് സുനിൽ ജോസഫ് അംഗീകാരമുദ്രയും സമ്മാനിച്ചു. ആഗസ്റ്റ് 21 ന് തിരുവനന്തപുരം പ്രസ് ക്ലബിലെ…

തിരുവനന്തപുരം: യു പി മുഖ്യമന്ത്രി യോഗി ആദിത്യനാഥിന്റെ കാലിൽ തൊട്ട് വന്ദിച്ച തമിഴ് നടൻ രജനികാന്തിനെ പരിഹസിച്ച വിദ്യാഭ്യാസ മന്ത്രി വി ശിവൻകുട്ടിക്കെതിരെ സോഷ്യൽ മീഡിയ. പുതുപ്പള്ളിയിലെ എൽഡിഎഫ് സ്ഥാനാർത്ഥി ജെയ്ക്കിനെയാണോ മന്ത്രി മുഹമ്മദ് റിയാസിനെയാണോ മന്ത്രി പരിഹസിക്കുന്നതെന്ന് വ്യക്തമാക്കണമെന്നാണ് സോഷ്യൽ മീഡിയയില്‍ ചോദിക്കുന്നത്. വ്യക്തിസ്വാതന്ത്ര്യത്തെ മാനിക്കാൻ മന്ത്രി തയ്യാറാകണമെന്നും ഉപയോക്താക്കൾ പറയുന്നു. “കുനിയുന്നതും നിവരുന്നതും ആരോഗ്യത്തിന് നല്ലതാണെങ്കിലും ഇങ്ങനെ കുനിഞ്ഞാൽ ഒടിഞ്ഞു പോകും” എന്നായിരുന്നു ശിവൻകുട്ടിയുടെ പോസ്റ്റ്. തിരഞ്ഞെടുപ്പ് പ്രചാരണത്തിന്റെ ഭാഗമായി ജെയ്ക്ക് മതനേതാക്കളെ കണ്ട് അനുഗ്രഹം വാങ്ങിയിരുന്നു. ആ സമയത്തൊക്കെ ജെയ്ക് കുനിയുന്നതും മാധ്യമങ്ങളില്‍ വന്നിരുന്നു. ശിവൻകുട്ടിയെ സോഷ്യൽ മീഡിയ ഓർക്കുന്നത് ഇങ്ങനെയാണ്. ശിവൻകുട്ടിയുടെ കൈയ്യിൽ നിന്ന് പായസം വാങ്ങി കുടിക്കുന്ന മുഹമ്മദ് റിയാസിന്റെ ചിത്രമാണ് ഓണാഘോഷത്തിനിടെ പുറത്തുവന്നത്. ഇതാണോ മന്ത്രി ഉദ്ദേശിച്ചതെന്നും ചിലര്‍ ചോദിക്കുന്നുണ്ട്. കോൺഗ്രസ് സർക്കാരിന്റെ ബജറ്റ് അവതരണത്തിനിടെ ശിവന്‍‌കുട്ടി നിയമസഭയിലുണ്ടാക്കിയ…

മലപ്പുറം: സംസ്ഥാനത്ത് ട്രെയിനുകൾക്ക് നേരെ കല്ലേറ് തുടരുന്നു. വന്ദേ ഭാരത്, രാജധാനി എക്‌സ്പ്രസ് എന്നിവയ്ക്ക് നേരെയാണ് ഇത്തവണ കല്ലേറുണ്ടായത്. രണ്ട് സംഭവങ്ങളും നടന്നത് മലപ്പുറത്തും കാസർകോട്ടുമാണ്. മലപ്പുറം താനൂർ റെയിൽവേ സ്റ്റേഷന് സമീപത്ത് വെച്ചാണ് വന്ദേഭാരത് ട്രെയിനിന് നേരേ കല്ലേറുണ്ടായത്. ഇന്ന് വൈകീട്ട് ട്രെയിൻ സ്റ്റേഷന് തൊട്ടടുത്തുള്ള സിഗ്‌നൽ മറികടക്കുന്നതിനിടെയായിരുന്നു സംഭവം. ലോക്കോ പൈലറ്റ് ഉടൻ ഷൊർണൂർ സ്റ്റേഷനിൽ വിവരമറിയിച്ചെങ്കിലും കല്ലേറ് നടന്ന കൃത്യമായ സ്ഥലവും സ്വഭാവവും കണ്ടെത്താനായില്ല. കാസർകോട് കാഞ്ഞങ്ങാട്ടാണ് സമാനമായ മറ്റൊരു സംഭവം. ഉച്ച കഴിഞ്ഞ് 3.45ന് തിരുവനന്തപുരത്തേക്ക് പോകുകയായിരുന്ന രാജധാനി എക്‌സ്പ്രസിന് നേരെയാണ് കല്ലേറുണ്ടായത്. ഈ വിവരം യാത്രക്കാരൻ അധികൃതരെ അറിയിച്ചതിനെത്തുടര്‍ന്ന് ഹൊസ്ദുർഗ് പൊലീസ് സ്ഥലത്തെത്തി അന്വേഷണം നടത്തി.

തകഴി: ഗതാഗത തടസ്സം നിത്യസംഭവമായി മാറിയിരിക്കുന്ന തകഴി റെയിൽവെ ക്രോസിലെ യാത്ര ക്ലേശം ശാശ്വതമായി പരിഹരിക്കാൻ അടിയന്തിര നടപടി സ്വീകരിക്കണമെന്ന് ആവശ്യപ്പെട്ട് എടത്വ വികസന സമിതിയുടെ നേതൃത്വത്തിൽ വിവിധ സംഘടനകളെ ഏകോപിപ്പിച്ചു കൊണ്ട് തകഴി റെയിൽവെ ക്രോസ് മേൽപാലം സമ്പാദക സമിതി രൂപികരിച്ചു. എടത്വ വികസന സമിതി പ്രസിഡൻ്റ് ആൻ്റണി ഫ്രാൻസിസ് കട്ടപ്പുറം അധ്യക്ഷത വഹിച്ചു.ബ്രഹ്മശ്രീ നീലകണ്ഠരര് ആനന്ദ് പട്ടമന ഉദ്ഘാടനം ചെയ്തു.രക്ഷാധികാരി അഡ്വ.പി.കെ.സദാനന്ദൻ സീനിയർ വൈസ് പ്രസിഡന്റ് ജോർജ് തോമസ് കളപ്പുര, കുഞ്ഞുമോൻ പട്ടത്താനം,ജനറൽ സെക്രട്ടറി ഡോ.ജോൺസൺ വി ഇടിക്കുള, ട്രഷറാർ ഗോപകുമാർ തട്ടങ്ങാട്ട്,ഷാജി തോട്ടുക്കടവിൽ, ജോൺസൺ എം പോൾ, ടോമിച്ചൻ കളങ്ങര,ഫിലിപ്പ് ചെറിയാൻ,പിവിഎൻ മേനോൻ,ഷാജി മാധവൻ, വർഗ്ഗീസ് മാത്യൂ, കെ.ജിശശിധരൻ,കെ.ഡി സന്തോഷ്കുമാർ,പി.വി ചാക്കോ,സാബു തൈയ്യിൽകളം, ഫിലിപ്പ് ജോസ്, പി. ഡി.ജോർജ്, അജി കോശി,ഭരതൻ പട്ടരുമഠം,അജികുമാർ കലവറശ്ശേരിൽ എന്നിവർ പ്രസംഗിച്ചു.തുടർന്നുള്ള പ്രവർത്തനങ്ങൾ ഏകോപിപ്പിക്കുന്നതിന് തകഴി റെയിൽവേ…

തിരുവനന്തപുരം: രാജ്യത്തെ പ്രമുഖ ഓൺലൈൻ ഫുഡ് ഡെലിവറി പ്ലാറ്റ്ഫോമായ സ്വിഗി ഡെലിവറി പാർട്ണേഴ്‌സിനായി ഓണമത്സരം സംഘടിപ്പിക്കുന്നു. ഓണം – പൊന്നോണം എന്ന് പേരിൽ സംഘടിപ്പിക്കുന്ന മത്സരത്തിൽ വിജയികൾക്കായി നിരവധി സമ്മാനങ്ങളാണ് ഒരുക്കിയിരിക്കുന്നത്. റഫ്രിജറേറ്റർ, വാഷിംഗ് മെഷീൻ, മിക്‌സർ ഗ്രൈൻഡറുകൾ, ഡിന്നർ സെറ്റുകൾ, ഹെൽമെറ്റുകൾ, പവർ ബാങ്ക്, ഗിഫ്റ്റ് വൗച്ചർ തുടങ്ങി ഒട്ടനവധി സമ്മാനങ്ങളാണ് ഈ ഓണക്കാലത്ത് വിജയികളെ കാത്തിരിക്കുന്നത്. നേരത്തെ ഐപിഎൽ മത്സരത്തിനോട് അനുബന്ധിച്ച് സ്വിഗി തങ്ങളുടെ ഡെലിവറി പാർട്ണേഴ്സിനായി മത്സരം സംഘടിപ്പിച്ചിരുന്നു. ദേശിയ തലത്തിൽ നടന്ന മത്സരത്തിൽ ഒന്നാം സമ്മാനമായ മോട്ടോർ സൈക്കിൾ മൊഹമ്മദ് ഷഫീക് കരസ്ഥമാക്കി. രണ്ടാം സമ്മാനമായ എച്ച് ഡി എൽ ഇ ഡി ടിവി തിരുവനന്തപുരം തമ്പാനൂർ മേഖലയിലെ ഡെലിവെറി പാർട്ണറായ മനോജ് വി.കെ യും നേടി. ഈ ഓണക്കാലത്ത് ഡെലിവറി പങ്കാളികളോട് ഒപ്പം ഓണം ആഘോഷിക്കാനുള്ള ഞങ്ങളുടെ മാർഗമാണ് പൊന്നോണം…

ലണ്ടൻ: വടക്കൻ ഇംഗ്ലണ്ടിലെ ഒരു ആശുപത്രിയിൽ നിയോനേറ്റൽ നഴ്‌സായി ജോലി ചെയ്യുന്നതിനിടെ ഏഴ് കുഞ്ഞുങ്ങളെ കൊലപ്പെടുത്തുകയും മറ്റ് ആറ് പേരെ കൊല്ലാൻ ശ്രമിക്കുകയും ചെയ്തതിന് നഴ്സ് ലൂസി ലെറ്റ്ബിക്ക് ജീവപര്യന്തം ശിക്ഷ വിധിച്ചു. ബ്രിട്ടീഷ് നിയമപ്രകാരം സാധ്യമായ ഏറ്റവും കഠിനമായ ശിക്ഷയാണ് ജഡ്ജി ജെയിംസ് ഗോസ് വിധിച്ചത്. ലെറ്റ്ബി തന്റെ ജീവിതകാലം മുഴുവൻ കാരാഗൃഹത്തില്‍ ചെലവഴിക്കുന്നുവെന്ന് ഉറപ്പാക്കാൻ ആജീവനാന്ത ഉത്തരവാണ് ജഡ്ജി നല്‍കിയത്. യുകെയിൽ വധശിക്ഷയില്ല. 22 ദിവസത്തെ വിചാരണയ്ക്കൊടുവിലാണ് മാഞ്ചസ്റ്റർ ക്രൗൺ കോടതിയിലെ ഒരു ജൂറി, 33 വയസ്സുകാരി ലെറ്റ്ബി, ഒരു വർഷം നീണ്ടുനിന്ന കാലഘട്ടത്തില്‍ കുഞ്ഞുങ്ങളെ കൊന്നതിന് കുറ്റക്കാരിയാണെന്ന് വിധിച്ചത്. 2015 ജൂണിനും 2016 ജൂണിനും ഇടയിൽ വടക്കുപടിഞ്ഞാറൻ ഇംഗ്ലണ്ടിലെ കൗണ്ടസ് ഓഫ് ചെസ്റ്റർ ഹോസ്പിറ്റലിലെ നവജാതശിശു വിഭാഗത്തിലാണ് കുഞ്ഞുങ്ങള്‍ മരിച്ചത്. താൻ ജീവനെടുത്ത കുഞ്ഞുങ്ങളുടെയോ മുറിവേറ്റവരുടെയോ മാതാപിതാക്കളിൽ നിന്നുള്ള ദേഷ്യവും വേദനയും പ്രതികരണവും…