ആലപ്പുഴ: ആര്‍ക്കും കൊട്ടാവുന്ന ചെണ്ടയല്ല അസംഘടിത കര്‍ഷകരെന്നും തെരഞ്ഞെടുപ്പില്‍ വോട്ടുചെയ്യാന്‍ മാത്രമുള്ള ഉപകരണങ്ങളും രാഷ്ട്രീയ അടിമകളുമായി കര്‍ഷകര്‍ അധഃപതിക്കരുതെന്നും രാഷ്ട്രീയ കിസാന്‍ മഹാസംഘ് സൗത്ത് ഇന്ത്യ കണ്‍വീനര്‍ അഡ്വ.വി.സി.സെബാസ്റ്റ്യന്‍. ആലപ്പുഴ കളക്ട്രേറ്റ് പടിക്കല്‍ കര്‍ഷക കരിദിന പ്രതിഷേധത്തോടനുബന്ധിച്ച് സംസ്ഥാനതല പട്ടിണിസമരം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സംഘടിച്ചുണര്‍ന്നില്ലെങ്കില്‍ കര്‍ഷകന്റെ നിലനില്‍പുതന്നെ ചോദ്യം ചെയ്യപ്പെടുന്ന ദയനീയ സ്ഥിതിയാണ് കേരളത്തിലുള്ളത്. ഉദ്യോഗസ്ഥര്‍ക്ക് ശമ്പളത്തിനുപുറമെ ബോണസും ക്ഷാമബത്തയും ക്ഷേമപദ്ധതികളും പ്രഖ്യാപിക്കുന്നവര്‍ മാസങ്ങള്‍ക്കുമുമ്പ് കര്‍ഷകരില്‍ നിന്നും വാങ്ങിയ നെല്ല് അരിയായി വിപണിയില്‍ വിറ്റിട്ടും പണം നല്‍കാത്തത് ക്രൂരതയല്ലേ. കേരളത്തിന്റെ പൊതുമനഃസാക്ഷി കര്‍ഷകര്‍ക്കായി ഉണരണം. കേരളത്തിലെ കര്‍ഷകരെ സംരക്ഷിക്കാത്ത സംസ്ഥാന സര്‍ക്കാര്‍ കേന്ദ്രസര്‍ക്കാരിനെതിരെ സമരം ചെയ്യുന്നത് വിരോധാഭാസമാണ്. കേന്ദ്രസര്‍ക്കാരാകട്ടെ കര്‍ഷകവിരുദ്ധ കരിനിയമങ്ങള്‍ അടിച്ചേല്‍പ്പിച്ച് ചെറുകിട കര്‍ഷകനെ വന്‍കിട കോര്‍പ്പറേറ്റുകള്‍ക്ക് തീറെഴുതുന്നു. കര്‍ഷക ആത്മഹത്യകള്‍ രാജ്യത്ത് കുതിച്ചുയരുകയാണ്. കൃഷിഭൂമിയിലെത്തിയുള്ള വന്യമൃഗങ്ങളുടെ ആക്രമങ്ങള്‍ കര്‍ഷകജീവനെടുക്കുന്നു. തീരദേശജനതയുടെ ജീവിതവും…
രാഷ്ട്രീയ കിസാന്‍ മഹാസംഘ് പട്ടിണി സമരം – ആര്‍ക്കും കൊട്ടാവുന്ന ചെണ്ടയല്ല അസംഘടിത കര്‍ഷകര്‍; രാഷ്ട്രീയ അടിമകളാകാന്‍ കര്‍ഷകരെ കിട്ടില്ല: അഡ്വ.വി.സി. സെബാസ്റ്റ്യൻ
