Month: August 2023

തിരുവല്ല: ലോകത്തെ ഏറ്റവും വലിയ ബൈബിള്‍ കൈയ്യെഴുത്ത് പ്രതി ഒരുക്കിയ നാലംഗ പ്രവാസി മലയാളി കുടുംബം യു.ആർ.എഫ് വേൾഡ് റെക്കോര്‍ഡിന് അർഹരായി. ദുബായി മാർത്തോമ ഇടവക അംഗങ്ങളായ തിരുവല്ല അഴിയിടത്തുചിറ കുഴിക്കാട്ട് വീട്ടിൽ മനോജ്‌ എസ് വര്‍ഗീസും അദ്ദേഹത്തിന്റെ ഭാര്യ ഡോ. സൂസനും മക്കളായ കരുണും, കൃപയും ചേര്‍ന്ന് 417 ദിവസം കൊണ്ടാണ് ബൈബിളിന്റെ ലോകത്തെ ഏറ്റവും വലിയ മലയാളത്തിലുള്ള കൈയ്യെഴുത്തു പ്രതി തയ്യാറാക്കിയിരിക്കുന്നത്. ആഗസ്റ്റ് 18 വെള്ളിയാഴ്ച വൈകീട്ട് 5 മണിക്ക് തിരുവല്ല വേങ്ങൽ ശാലേം മാർത്തോമ പള്ളിയിൽ നടക്കുന്ന ചടങ്ങില്‍ വെച്ച് മാർത്തോമ സഭാ കുന്നംകുളം – മലബാർ ഭദ്രാസനാധിപൻ ഡോ. തോമസ് മാർ തീത്തോസ് എപ്പിസ്കോപ്പ പ്രകാശന കർമ്മം നിർവഹിക്കും. യു.ആർ.എഫ് വേൾഡ് റെക്കോര്‍ഡ് അന്താരാഷ്ട്ര ജൂറി ഗിന്നസ് ഡോ. സുനിൽ ജോസഫ് സർട്ടിഫിക്കറ്റും അംഗീകാര മുദ്രയും സമ്മാനിക്കും. 36 കിലോഗ്രാം ഭാരമുള്ള…

ചങ്ങനാശേരി: കേരളത്തിൽ ആദ്യം വിജയകരമായി ടോട്ടൽ ടാലസ് റീപ്ലേസ്മെൻ്റ് സർജറി നടത്തിയ മുട്ടു മാറ്റിവെയ്ക്കൽ ശസ്ത്രക്രിയ വിദഗ്ദ്ധൻ ഡോ. ജെഫേഴ്സൺ ജോർജ്ജ് യു.ആർ.ബി എക്സലൻസ് അവാർഡിന് അർഹനായി. ചങ്ങനാശ്ശേരി സമരിറ്റൻ മെഡിക്കൽ സെൻ്ററിൽ ആഗസ്റ്റ് 18ന് 3 മണിക്ക് നടക്കുന്ന ചടങ്ങിൽ യു.ആർ.എഫ് വേൾഡ് റിക്കോർഡ് അന്താരാഷ്ട്ര ജൂറി ഡോ. ഗിന്നസ് സുനിൽ ജോസഫ് അവാർഡ് സമ്മാനിക്കും. ജോബ് മൈക്കിൾ എംഎൽഎ സമ്മേളനം ഉദ്ഘാടനം ചെയ്യും. നഗരസഭാ അദ്ധ്യക്ഷ ബീന ജോബി അദ്ധ്യക്ഷത വഹിക്കും. ഐക്യരാഷ്ട്രസഭ സുസ്ഥിര വികസന ലക്ഷ്യങ്ങളുടെ അംബാസിഡർ ഡോ. ജോൺസൺ വി. ഇടിക്കുള മുഖ്യ സന്ദേശം നല്‍കു. ജോയിൻറ് റീപ്ലേസ്മെന്റ് ആൻറ് ആർത്രോസ്ക്കോപ്പിയിൽ ഫെലോഷിപ്പ് നേടിയിട്ടുള്ള ഡോ. ജെഫേഴ്സൺ ജോർജിന്റെ നേതൃത്വത്തിൽ രണ്ട് കാലിന്റെയും മുട്ട് മാറ്റി വെയ്ക്കൽ ശസ്ത്രക്രിയ ചുരുങ്ങിയ ചെലവിൽ സമരിറ്റൻ മെഡിക്കൽ സെന്ററിൽ നടന്നുവരുന്നു. ആലപ്പുഴ മെഡിക്കൽ കോളജ്…

തിരുവനന്തപുരം: ആഴ്ചകൾ നീണ്ട വാദപ്രതിവാദങ്ങൾക്കൊടുവിൽ അന്ത്യോദയ അന്ന യോജന റേഷൻ കാർഡ് (മഞ്ഞ കളർ കാർഡ്) ഉള്ളവർക്ക് മാത്രം ഈ വർഷം ഓണക്കിറ്റ് വിതരണം നടത്തിയാല്‍ മതിയെന്ന തീരുമാനത്തില്‍ സംസ്ഥാന സര്‍ക്കാര്‍. നിലവിൽ സർക്കാർ നേരിടുന്ന കടുത്ത സാമ്പത്തിക പ്രതിസന്ധിയിൽ നിന്നാണ് ഗുണഭോക്താക്കളെ പരിമിതപ്പെടുത്താനുള്ള ഈ തീരുമാനമെന്ന് സംസ്ഥാന സർക്കാർ വിശദീകരിച്ചു. സാമ്പത്തിക പരാധീനതകൾ കാരണം പിണറായി വിജയൻ സർക്കാർ ചെലവു ചുരുക്കലിന്റെ ഭാഗമായാണ് ഈ നടപടി. ബുധനാഴ്ച ചേർന്ന സംസ്ഥാന മന്ത്രിസഭാ യോഗത്തിൽ വിവിധ ക്ഷേമ സംഘടനകളിലെ താമസക്കാർക്ക് ഭക്ഷണ കിറ്റുകൾ നൽകാനും തീരുമാനിച്ചു. ഈ കിറ്റുകളിൽ ചായ, പച്ചക്കായ, സേമിയ പായസം മിക്സ്, നെയ്യ്, കശുവണ്ടിപ്പരിപ്പ്, ഭക്ഷ്യ എണ്ണ, സാമ്പാർ പൊടി, മുളകുപൊടി, മഞ്ഞൾപൊടി, മല്ലിപ്പൊടി, പച്ചമുളക്, ഉപ്പ്, തുവരപ്പരിപ്പ് എന്നീ ഭക്ഷ്യവസ്തുക്കൾ ഉൾപ്പെടും. ഓണക്കിറ്റ് വിതരണം ഉറപ്പാക്കാൻ സപ്ലൈകോയ്ക്ക് സർക്കാർ 32 കോടി…

ഇസ്‌ലാമാബാദ്: സാമ്പത്തിക നയങ്ങളുടെ തുടർച്ച സർക്കാർ ഉറപ്പാക്കുമെന്നും അവ കൂടുതൽ മെച്ചപ്പെടുത്തുമെന്നും പാക്കിസ്താന്‍ കാവൽ പ്രധാനമന്ത്രി അൻവാറുൽ ഹഖ് കാക്കർ പറഞ്ഞു. സ്‌പെഷ്യൽ ഇൻവെസ്റ്റ്‌മെന്റ് ഫെസിലിറ്റേഷൻ കൗൺസിലിന് (എസ്‌ഐഎഫ്‌സി) കീഴിൽ വിദേശ നിക്ഷേപം കൂടുതൽ മെച്ചപ്പെടുത്തുന്നത് കെയർടേക്കർ സജ്ജീകരണത്തിന്റെ മുൻ‌ഗണനകളിലൊന്നാണെന്ന് അദ്ദേഹം പറഞ്ഞു. പ്രധാനമന്ത്രിയുടെ അദ്ധ്യക്ഷതയിൽ ചേർന്ന യോഗത്തിൽ സാമ്പത്തിക സ്ഥിതിയെക്കുറിച്ച് വിശദമായ വിശദീകരണം നൽകിയതായി പ്രധാനമന്ത്രിയുടെ ഓഫീസ് മീഡിയ വിംഗ് വാർത്താക്കുറിപ്പിൽ അറിയിച്ചു. പൊതുജനക്ഷേമ പദ്ധതികളുടെ പ്രവർത്തനങ്ങൾ തുടരുമെന്നും ആരോഗ്യ, വിദ്യാഭ്യാസ മേഖലകളിൽ അന്താരാഷ്‌ട്ര നിലവാരമുള്ള സൗകര്യങ്ങൾ സർക്കാർ ഉറപ്പാക്കുമെന്നും യോഗത്തിൽ പ്രധാനമന്ത്രി പറഞ്ഞു. ഊർജമേഖലയിൽ നിലവിലുള്ള പരിഷ്‌കാരങ്ങൾ വേഗത്തിലാക്കാനും നികുതി വരുമാനം വർധിപ്പിക്കുന്നതിനുള്ള നടപടികൾ കർശനമായി നടപ്പാക്കാനും അദ്ദേഹം നിർദേശിച്ചു. സമ്പദ്‌വ്യവസ്ഥയുടെ കൂടുതൽ മെച്ചപ്പെടുത്തലിനായി, നിയന്ത്രണങ്ങൾ നീക്കുന്നതിലും ഉത്തരവാദിത്തമുള്ള സ്വയംഭരണത്തിലും കേന്ദ്ര സർക്കാർ ശ്രദ്ധ കേന്ദ്രീകരിക്കുമെന്നും തങ്ങളുടെ ഭരണകാലത്ത് സാമ്പത്തിക പരിഷ്‌കരണങ്ങളിൽ തങ്ങളുടെ ഊർജ്ജം…

പാലക്കാട്: മതിയായ മഴ ലഭിച്ചില്ലെങ്കിൽ വൈദ്യുതി നിരക്ക് വർധിപ്പിക്കാൻ സർക്കാർ ആലോചിക്കുന്നതായി വൈദ്യുതി മന്ത്രി കെ കൃഷ്ണൻകുട്ടി. ഡാമുകളിൽ ജലക്ഷാമമുണ്ടെന്നും അദ്ദേഹം കൂട്ടിച്ചേർത്തു. വൈദ്യുതി നിരക്ക് വർധിപ്പിക്കുന്ന കാര്യത്തിൽ ഇതുവരെ തീരുമാനമെടുത്തിട്ടില്ലെന്ന് മന്ത്രി വ്യക്തമാക്കി. നാളെ ചേരുന്ന വൈദ്യുതി ബോർഡ് യോഗത്തിലായിരിക്കും അന്തിമ തീരുമാനം. മഴ പെയ്താൽ ചാർജ് വർധിപ്പിക്കേണ്ടതില്ലെന്ന് മന്ത്രി കെ കൃഷ്ണൻകുട്ടി പറഞ്ഞു. എന്നാല്‍, മഴ പരാജയപ്പെട്ടാൽ ചാർജുകൾ ഉയർത്തണം. വാങ്ങുന്ന വിലയ്ക്ക് മാത്രമേ വൈദ്യുതി നൽകാനാകൂ. ഉപഭോക്താക്കൾക്കുമേൽ പരമാവധി ഭാരം ചുമത്താതിരിക്കാനുള്ള നടപടികളാണ് സ്വീകരിച്ചുവരുന്നതെന്നും അദ്ദേഹം പറഞ്ഞു. ഡാമുകളിൽ ആവശ്യത്തിന് വെള്ളമില്ലാത്തതിനാൽ അധിക വൈദ്യുതി വാങ്ങണമെന്നും മന്ത്രി പറഞ്ഞു. വൈദ്യുതി എന്ത് വിലയ്ക്ക് വാങ്ങണമെന്ന കാര്യത്തിൽ ബുധനാഴ്ചത്തെ യോഗത്തിൽ തീരുമാനമെടുക്കുമെന്നും അദ്ദേഹം പറഞ്ഞു. ഇതിനെ തുടർന്ന് വൈദ്യുതി റെഗുലേറ്ററി കമ്മീഷൻ സ്ഥിതിഗതികൾ വിലയിരുത്തിയ ശേഷമായിരിക്കും വില വർധിപ്പിക്കുന്ന കാര്യത്തിൽ തീരുമാനമെടുക്കുക.

തിരുവനന്തപുരം: തിരുവിതാംകൂർ ദേവസ്വം ബോർഡിന് കീഴിലുള്ള ശബരിമല ഒഴികെയുള്ള എല്ലാ ക്ഷേത്രങ്ങളിലും ചിങ്ങം ഒന്നിനും വിനായക ചതുർത്ഥിക്കും ഗണപതിഹോമം നിർബന്ധമായും നടത്തണമെന്ന് ദേവസ്വം ബോര്‍ഡ് ഉത്തരവിട്ടു. സ്പീക്കർ എഎൻ ഷംസീറിന്റെ ഗണപതി മിത്ത് വിവാദം കത്തിനില്‍ക്കുന്നതിനിടെയാണ് ദേവസ്വം ബോര്‍ഡിന്റെ ഉത്തരവ്. ചിങ്ങം ഒന്ന് വ്യാഴാഴ്ചയും വിനായക ചതുർത്ഥി ദിനമായ 20-നും വിശേഷാല്‍ ഗണപതി ഹോമം നിർബന്ധമാക്കിയിട്ടുണ്ട്. ബോർഡിന് കീഴിൽ 1254 ക്ഷേത്രങ്ങളുണ്ട്. പണ്ട് ഇവിടെ ഗണേശ ഹോമം നടത്തിയിരുന്നു. എന്നാൽ, ഇതിനായി പ്രത്യേക ഉത്തരവൊന്നും ബോർഡ് പുറപ്പെടുവിച്ചിട്ടില്ല. എന്നാൽ, ഇത്തവണ എല്ലാ ക്ഷേത്രങ്ങളിലും നടത്താനാണ് ദേവസ്വം ബോർഡ് ഉത്തരവിട്ടത്. രണ്ടുദിവസവും നടക്കുന്ന ഗണപതിഹോമത്തിന് വ്യാപക പ്രചാരണം നൽകണമെന്നും ബുക്കിങ് സൗകര്യം ഒരുക്കണമെന്നും ഉത്തരവിൽ പ്രത്യേകം പറയുന്നുണ്ട്. ഇതിനുള്ള ക്രമീകരണം ഒരുക്കേണ്ടത് അഡ്മിനിസ്ട്രേറ്റീവ് ഓഫീസർമാരും സബ്ഗ്രൂപ്പ് ഓഫീസർമാരുമാണ്. ബോർഡ് നിർദേശിച്ചതുപോലെ ഹോമം നടക്കുന്നുണ്ടോയെന്ന് പരിശോധനയുണ്ടാകും. ഇതിന് വിജിലൻസ് വിഭാഗത്തിനു…

ഫിലഡെൽഫിയ: മലയാളി അസോസിയേഷൻ ഓഫ് ഗ്രെയ്റ്റർ ഫിലഡെൽഫിയ യുടെ ഈ വർഷത്തെ ഓണാഘോഷം ഓഗസ്റ്റ് 26-ാം തീയതി  ശനിയാഴ്ച വൈകിട്ട് 4 മണി മുതൽ സെൻറ് തോമസ് സീറോ മലബാർ ചർച്ച് ഓഡിറ്റോറിയത്തിൽ വച്ച് നടക്കുന്നതാണ്. “ഒത്തൊരോണം ഒന്നിച്ചൊരോണം”എന്ന് നാമകരണം ചെയ്യപ്പെട്ട് നടത്തപ്പെടുന്ന ഓണാഘോഷത്തിൽ കേരളത്തിൻറെ തനതായ കലാരൂപങ്ങളുടെ പുനരാവിഷ്കാരം ഉണ്ടായിരിക്കുമെന്ന് പ്രോഗ്രാം കോഡിനേറ്റർ തോമസുകുട്ടി വർഗീസ് വാർത്താസമ്മേളനത്തിൽ പറഞ്ഞു. കഥകളി,ഓട്ടംതുള്ളൽ,മോഹിനിയാട്ടം,തെയ്യം,കളരിപ്പയറ്റ്,ഒപ്പന,മാർഗംകളി,തിരുവാതിരക്കളി, പുലികളി,ചെണ്ടമേളം എന്നിവയുടെ അകമ്പടിയോടെയാണ് ഈ വർഷത്തെ ഓണാഘോഷം അരങ്ങേറുന്നത്. കേരളത്തിന്റെ തനതു കലാരൂപങ്ങൾ ഒരു വേദിയിൽ കൊണ്ടുവന്നു ഗൃഹാതുരത്വം നിറയുന്ന ഒരു ഓണാഘോഷം ആണ് തയ്യാറായി വരുന്നതെന്ന് മാപ്പ് പ്രസിഡണ്ട് ശ്രീ ശ്രീജിത്ത് കോമത്ത് അഭിപ്രായപ്പെട്ടു. കേരളത്തിൽ തന്നെ അന്യംനിന്നുപോകുന്ന കലാരൂപങ്ങൾ ഓണക്കാലത്ത് പ്രവാസ മണ്ണിൽ പുനരാവിഷ്കരിക്കുന്നത് കൊണ്ട് മലയാളത്തിൻറെ തനിമ ഒട്ടും ചോരാതെ നമ്മുടെ അടുത്ത തലമുറയിലേക്ക് സംവേദനം ചെയ്യപ്പെടുക എന്നതാണ് ഉദ്ദേശിക്കുന്നത്…