Month: September 2023

ദുബൈ: ഭക്ഷ്യ-കാർഷിക മേഖലകളിലെ സാമ്പത്തിക സംഭാവന 10 ബില്യൺ ഡോളർ (8,31,05,00,00,000 രൂപ) വർധിപ്പിക്കാനും അടുത്ത അഞ്ച് വർഷത്തിനുള്ളിൽ 20,000 തൊഴിലവസരങ്ങൾ സൃഷ്ടിക്കാനുമാണ് യു.എ.ഇ ലക്ഷ്യമിടുന്നതെന്ന് സാമ്പത്തിക മന്ത്രി പറഞ്ഞു. ദുബായിൽ നടന്ന അഞ്ചാമത് ഫ്യൂച്ചർ ഫുഡ് ഫോറത്തിൽ സംസാരിച്ച അബ്ദുല്ല ബിൻ തൗഖ് അൽ മാരി, രാജ്യത്ത് വളർന്നുവരുന്ന മേഖലയ്ക്കുള്ള പുതിയ തന്ത്രത്തിന്റെ ഏഴ് പ്രധാന തൂണുകളും വെളിപ്പെടുത്തിയതായി എമിറേറ്റ്സ് ന്യൂസ് ഏജൻസി (വാം) റിപ്പോർട്ട് ചെയ്തു . നവീകരണം, യുഎഇ-ആദ്യ സംസ്‌കാരവും ഭക്ഷ്യ വിതരണ ശൃംഖലയും പ്രാദേശികവൽക്കരിക്കുക, കാർഷിക സാങ്കേതികവിദ്യയിലും സുസ്ഥിരതയിലും രാജ്യത്തെ ലോകനേതൃത്വത്തിലാക്കാൻ കർഷകർക്ക് ആവശ്യമായ പിന്തുണയും വിഭവങ്ങളും നൽകുക എന്നിവയാണ് പ്രധാന തന്ത്രങ്ങൾ. മേഖലയിലും ആഗോളതലത്തിലും ഭക്ഷ്യ ഉൽപ്പാദനം, വിതരണം, ഉപഭോഗം എന്നിവയെ മാറ്റിമറിച്ച യുഎഇയുടെ എഫ് ആൻഡ് ബി മേഖലയുടെ നൈപുണ്യ വികസനത്തെയും ഡിജിറ്റൽ ഇൻഫ്രാസ്ട്രക്ചർ സംരംഭങ്ങളെയും ബിന്‍ തൗഖ്…

സൽമാനിയ ഹോസ്പിറ്റലിൽ ഹൃദയസംബദ്ധമായ അസുഖത്താൽ ചികിത്സയിലായിരുന്ന കെ.പി.എ റിഫാ ഏരിയ അംഗം ഉണ്ണി നാരായണൻ ആചാരിയ്ക്ക് തുടർചികിത്സയ്ക്ക് നാട്ടിലേക്ക് പോകാൻ കൊല്ലം പ്രവാസി അസ്സോസിയേഷൻ ചാരിറ്റി വിങ്ങിന്റെ നേതൃത്വത്തിൽ യാത്രടിക്കെറ്റ് കൈമാറി . റിഫ ഏരിയ -ഓർഡിനേറ്റർ മാരായ കോയിവിള മുഹമ്മദ്, അനിൽ കുമാർ ഏരിയ ഭാരവാഹികളായ സുരേഷ് കുമാർ, സാജൻ നായർ, മജു വർഗീസ് എന്നിവർ സന്നിഹിതരായിരുന്നു

ദോഹ: ഹ്രസ്വ സന്ദര്‍ശനാര്‍ത്ഥം ദോഹയിലെത്തിയ കേരള പ്രതിപക്ഷ നേതാവ് വി.ഡി. സതീശന് അല്‍ സുവൈദ് ഗ്രൂപ്പില്‍ സ്വീകരണം നല്‍കി. ഗ്രൂപ്പ് കോര്‍പറേറ്റ് ഓഫീസിലെത്തിയ നേതാവിനെ ഗ്രൂപ്പ് മാനേജിംഗ് ഡയറക്ടര്‍ ഡോ. വി.വി. ഹംസ, ഡയറക്ടര്‍ ശൈഖ ഹംസ എന്നിവര്‍ ബൊക്കെ നല്‍കി സ്വീകരിച്ചു. പ്രവാസി മലയാളികള്‍ അഭിമുഖീകരിക്കുന്ന, വിശിഷ്യാ തൊഴിലാളികള്‍ നേരിടുന്ന, വിവിധ വിഷയങ്ങള്‍ കൂടിക്കാഴ്ചയില്‍ ചര്‍ച്ച ചെയ്തു. അല്‍ സുവൈദ് ഗ്രൂപ്പിന്റെ സാമൂഹ്യ പ്രതിബദ്ധതയോടെയുള്ള പ്രവര്‍ത്തനങ്ങളെ പ്രതിപക്ഷ നേതാവ് പ്രത്യേകം അഭിനന്ദിച്ചു. പ്രവാസി സംരംഭകരായ ഡോ. അബ്ദുറഹിമാന്‍ കരിഞ്ചോല, അഷ്‌റഫ് വട്ടത്തറ, അല്‍ സുവൈദ് ഗ്രൂപ്പ് ജീവനക്കാര്‍ എന്നിവരും സ്വീകരണത്തില്‍ പങ്കെടുത്തു.