Month: September 2023

തിരുവനന്തപുരം: സോളാർ കേസിലെ പരാതിക്കാരിക്കു വേണ്ടി ഹാജരായ അഭിഭാഷകൻ ഫെനി ബാലകൃഷ്ണന്റെ വാദങ്ങളെല്ലാം തള്ളി ഇടതു ജനാധിപത്യ മുന്നണി കൺവീനർ ഇപി ജയരാജൻ. ഫെനി ബാലകൃഷ്ണനുമായി തനിക്ക് പരിചയമില്ലെന്നും രാഷ്ട്രീയ ലാക്കോടെയാണ് അദ്ദേഹം പ്രവർത്തിക്കുന്നതെന്നും ജയരാജൻ പറഞ്ഞു. ആരുടെയെങ്കിലും പ്രസ്താവനകളുടെ അടിസ്ഥാനത്തിൽ മാധ്യമങ്ങൾ നേതൃത്വത്തിന്റെ നിലവാരത്തിൽ വിട്ടുവീഴ്ച ചെയ്യരുതെന്നും ഇപി ജയരാജൻ കൂട്ടിച്ചേർത്തു. ഡൽഹിയിൽ മാധ്യമങ്ങളോട് സംസാരിക്കവെയാണ് അദ്ദേഹം ഇക്കാര്യം പറഞ്ഞത്. ഇന്നലെ വാർത്താ സമ്മേളനത്തിൽ ഫെനി നടത്തിയ പ്രസ്താവനയിൽ, ഫെനി അവകാശപ്പെട്ടതു പോലെ തനിക്ക് പങ്കില്ലെന്ന് ജയരാജൻ പറഞ്ഞു. ഫെനിയുടെ ആരോപണത്തിന് പിന്നിൽ ആരെങ്കിലുമുണ്ടാകാമെന്നും അദ്ദേഹം അഭിപ്രായപ്പെട്ടു. അതേസമയം, കൊല്ലം ഗസ്റ്റ് ഹൗസുമായി ബന്ധപ്പെട്ട് ജയരാജൻ നടത്തിയ പ്രസ്താവനകളില്‍ ചില വൈരുദ്ധ്യങ്ങൾ ഉയർന്നിട്ടുണ്ട്. കൊല്ലം ഗസ്റ്റ് ഹൗസിൽ താമസിച്ചിട്ടില്ലെന്ന് ആദ്യം പറഞ്ഞ ജയരാജൻ പിന്നീട് രണ്ട് തവണ അവിടെ താമസിച്ചതായി സമ്മതിച്ചു. കേസിൽ ജയരാജനെ കുറ്റപ്പെടുത്താൻ…

നവാഗതനായ ബാസിൽ എഎൽ ചാലക്കൽ സംവിധാനം ചെയ്ത് ടി കെ ദയാനന്ദിന്റെ കഥയെ അവലംബിച്ച് രാജ് ബി. ഷെട്ടി രചന നിർവഹിച്ച ആക്ഷൻ ഡ്രാമ ചിത്രമാണ് ടോബി. മികച്ച നിരൂപക പ്രശംസയും പ്രേക്ഷക പിന്തുണയും മറ്റു സംസ്ഥാങ്ങളിൽ ലഭിച്ച ചിത്രം മലയാളത്തിൽ സെപ്റ്റംബർ 22 ന് കേരളത്തിലെ തിയേറ്ററുകളിൽ റിലീസാകും. രാജ് ബി ഷെട്ടി, സംയുക്ത ഹോർണാഡ്‌, ചൈത്ര ജെ ആചാർ,ഗോപാലകൃഷ്ണ ദേശ്പാണ്ഡെ, രാജ് ദീപക് ഷെട്ടി എന്നിവരാണ് ചിത്രത്തിലെ അഭിനേതാക്കൾ. വാണിജ്യപരമായും നിരൂപകപരമായും വിജയിച്ച ഗരുഡ ഗമന വൃഷഭ വാഹന എന്ന ചിത്രത്തിന് ശേഷം രാജ് ബി ഷെട്ടി നായകനാകുന്ന ചിത്രമാണ് ടോബി. രവി റായ് കലസ, ലൈറ്റർ ബുദ്ധാ ഫിലിംസ്, കോഫി ഗാങ് സ്റ്റുഡിയോസ്, ബാലകൃഷ്ണ അർവാങ്കർ എന്നിവരാണ് ചിത്രത്തിന്റെ നിർമ്മാണം. ദുൽഖർ സൽമാന്റെ വേഫേറെർ ഫിലിംസ് ആണ് ചിത്രം കേരളത്തിലെ തിയേറ്ററുകളിലേക്കെത്തിക്കുന്നത്. ടോബിയുടെ…

കോഴിക്കോട്: കോഴിക്കോട് നിപ വൈറസ് ബാധ തടയാൻ സ്വീകരിച്ച നടപടികൾ അവർ അവലോകനം ചെയ്ത ശേഷം, ബിഎസ്എൽ-3 ലബോറട്ടറികൾ ഘടിപ്പിച്ച മൊബൈൽ യൂണിറ്റുകളുമായി കേന്ദ്രത്തിന്റെയും ഐസിഎംആർ-എൻഐവിയുടെയും ഉന്നതതല സംഘങ്ങൾ കോഴിക്കോട്ടെത്തിയതായും അവര്‍ ഗ്രൗണ്ട് പരിശോധന നടത്തുമെന്നും കേന്ദ്ര ആരോഗ്യ കുടുംബക്ഷേമ സഹമന്ത്രി ഡോ. ഭാരതി പ്രവീൺ പവാർ പറഞ്ഞു. പൂനെയിലെ ഇന്ത്യൻ കൗൺസിൽ ഓഫ് മെഡിക്കൽ റിസർച്ച് – നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി (ICMR-NIV) ആണ് യോഗം സംഘടിപ്പിച്ചത്. കോഴിക്കോട്ട് ദുരിതബാധിത ഗ്രാമപഞ്ചായത്തുകളെ ക്വാറന്റൈൻ സോണുകളായി പ്രഖ്യാപിച്ചിട്ടുണ്ടെന്നും മന്ത്രി കൂട്ടിച്ചേർത്തു . ഈ പകർച്ചവ്യാധിയെ നേരിടുന്നതിനുള്ള പൊതുജനാരോഗ്യ നടപടികളിൽ സംസ്ഥാനത്തെ പിന്തുണയ്ക്കാൻ കേന്ദ്ര ആരോഗ്യ മന്ത്രാലയം നേതൃത്വം നൽകുന്ന ഒരു മൾട്ടി ഡിസിപ്ലിനറി ടീമിനെയും നിയോഗിച്ചിട്ടുണ്ട്. ആരോഗ്യ മന്ത്രാലയവും ഐസിഎംആർ-എൻഐവിയും ദിവസവും പ്രശ്നം നിരീക്ഷിച്ചു വരികയാണെന്നും വൈറസ് പൊട്ടിപ്പുറപ്പെടുന്നത് നേരിടാൻ സാധ്യമായ എല്ലാ ക്രമീകരണങ്ങളും ചെയ്തുവരികയുമാണെന്നും…

എറണാകുളം: അനധികൃതമായി സ്വത്ത് സമ്പാദിച്ചെന്ന പരാതിയിൽ കെപിസിസി പ്രസിഡന്റ് കെ സുധാകരന്റെ മൊഴി വിജിലൻസ് രേഖപ്പെടുത്തി. മുൻ ഡ്രൈവർ പ്രശാന്ത് ബാബുവാണ് പരാതി നൽകിയത്. മുൻ മുഖ്യമന്ത്രി കെ കരുണാകരന്റെ പേരില്‍ സ്മാരകം പണിയാൻ ഫണ്ട് പിരിവ് ഉൾപ്പെടെയുള്ള ഇടപാടുകളിൽ അഴിമതി നടത്തിയാണ് കെ സുധാകരൻ സ്വത്ത് സമ്പാദിച്ചതെന്നാണ് പരാതിയില്‍ പറയുന്നത്. സുധാകരൻ വനം മന്ത്രിയായിരുന്ന കാലത്തെ അഴിമതിയും കണ്ണൂർ ഡിസിസി ഓഫീസ് നിർമാണത്തിലെ ക്രമക്കേടും ഉൾപ്പെടുന്ന അഴിമതിയാണ് കോൺഗ്രസ് നേതാവിന് എതിരെ പ്രശാന്ത് ബാബു പരാതിയിൽ ആരോപിച്ചിരിക്കുന്നത്. 2021 ജൂൺ 7 ന് സുധാകരനെതിരെ പ്രശാന്ത് ബാബു നൽകിയ പരാതിയെ തുടർന്നാണ് വിജിലൻസ് വിശദമായ അന്വേഷണത്തിന് ഉത്തരവിട്ടത്. നേരത്തെ വിജിലൻസ് സെൽ എസ്പി കെപി അബ്ദുൾ റസാഖ് പ്രകാശ് ബാബുവിൽ നിന്ന് വിശദമായ മൊഴിയെടുത്തിരുന്നു. ആഭ്യന്തര മന്ത്രാലയത്തിലെ ഉന്നത ഉദ്യോഗസ്ഥരുമായുള്ള കോൺഗ്രസ് നേതാവിന്റെ അടുത്ത ബന്ധം…