Month: September 2023

ന്യൂയോര്‍ക്ക്: അമേരിക്കയിലെ ആദ്യ മലയാളി സംഘടനയായ കേരള സമാജം ഓഫ് ഗ്രെയ്റ്റർ ന്യൂയോർക്കിന്റെ ഓണാഘോഷ പരിപാടികൾ അതിവിപുലമായി സെപ്റ്റംബർ 16 ന് ശനിയാഴ്‌ച നടത്തുന്നു. ശനിയാഴ്‌ച രാവിലെ 11 മണിക്ക് ന്യൂയോർക്കിൽ എൽമോണ്ടിലുള്ള സെൻറ് വിൻസെൻറ് ഡി പോൾ ഓഡിറ്റോറിയത്തിൽ (1500 DePaul Street, Elmont, New York 11003) വച്ച് നടക്കുന്ന പരിപാടികളിൽ സുപ്രസിദ്ധ മജീഷ്യനും പ്രചോദന പ്രഭാഷകനുമായ ഗോപിനാഥ് മുതുകാട് മുഖ്യാതിഥിയായിരിക്കും. കേരളത്തനിമയാർന്ന പൂക്കളം, താലപ്പൊലി, ചെണ്ടമേളം, മാവേലി എഴുന്നള്ളത്തു, തിരുവാതിര, നൃത്തസംഗീത പരിപാടികൾ, ഇവയോടനുബന്ധിച്ചു പരമ്പരാഗതമായ ഓണസദ്യയും ഓണാഘോഷങ്ങൾക്ക് മാറ്റ് കൂട്ടും. സഹവർത്തിത്വന്റെയും, സാഹോദര്യത്തിന്റെയും, സമത്വത്തിന്റെയും, ഒരുമയുടെയും എല്ലാം പ്രതികമായ ഈ മഹോത്സവത്തിൽ വിവിധ സംഘടനകളിൽ നിന്നുള്ള നേതാക്കള്‍ പങ്കെടുക്കും. പ്രവേശന ഫീസ് ഇല്ലാതെ നടത്തുന്ന ഈ ഓണ പരിപാടിയിലേക്ക് ഏവരേയും സ്വാഗതം ചെയ്യുന്നതായി പ്രസിഡന്റ് ഫിലിപ്പോസ് ജോസഫ്, ചെയർമാൻ വർഗീസ് പോത്താനിക്കാട്,…

ഈ വര്‍ഷത്തെ ‘നാമം’ (North American Malayalee and Aossciated Members) എക്‌സലന്‍സ് അവാര്‍ഡ് പ്രഖ്യാപിച്ചു. ഡിസംബര്‍ രണ്ട് ശനിയാഴ്ച വൈകുന്നേരം നാല് മണിക്ക് ന്യൂയോര്‍ക്ക് ന്യൂ സിറ്റിയിലുള്ള ക്‌നാനായ കാത്തലിക് സെന്ററില്‍ വെച്ച് നാമം അവാര്‍ഡ് നൈറ്റ് നടത്തപ്പെടുമെന്ന് നാമം എക്സലന്‍സ് അവാര്‍ഡ് ചെയര്‍മാനും സെക്രട്ടറി ജനറലുമായ മാധവന്‍ ബി നായര്‍ അറിയിച്ചു. അമേരിക്കയില്‍ താമസിക്കുന്ന ഇന്ത്യന്‍ വംശജര്‍ക്കിടയില്‍ നിന്നും സ്വന്തം കര്‍മ്മ പഥങ്ങളില്‍ വെന്നിക്കൊടി നാട്ടി സമൂഹത്തിനു മുതല്‍ക്കൂട്ടായ ശ്രേഷ്ഠരെ ആദരിക്കുന്നതിനായാണ് നാമം എക്‌സലന്‍സ് അവാര്‍ഡ് സംഘടിപ്പിച്ചിട്ടുള്ളത്. കോവിഡിനു ശേഷം ഇതാദ്യമായാണ് അവാര്‍ഡ് ഫംഗ്ഷന്‍ ഒരുക്കുന്നത്. അതി വിപുലമായ രീതിയിലാണ് ഇത്തവണത്തെ നാമം നാമം എക്‌സലന്‍സ് അവാര്‍ഡ് സംഘടിപ്പിച്ചിരിക്കുന്നതെന്ന് പ്രസിഡന്റ് ഡോ. ആശ മേനോന്‍ അറിയിച്ചു. വളരെ പ്രൊഫഷണലായ, സ്പെഷ്യല്‍ പെര്‍ഫോമന്‍സോടു കൂടിയ അത്യാകര്‍ഷകമായ കലാ സാംസ്‌കാരിക വിരുന്നായിരിക്കും ക്ഷണിക്കപ്പെട്ട അതിഥികള്‍ക്കായി നാമം ഒരുക്കുക.…

കൊല്ലം: കഴുത്ത് മുറിഞ്ഞ നിലയില്‍ യുവതിയുടെ മൃതദേഹം വീടിന്റെ ടെറസില്‍ കണ്ടെത്തി. കൊല്ലം കുണ്ടറയില്‍ ഇളമ്പള്ളൂർ സ്വദേശിനി സൂര്യ എന്ന 22കാരിയെയാണ് മരിച്ച നിലയില്‍ കണ്ടെത്തിയത്. യുവതി വിഷാദ രോഗത്തിനടിമയായിരുന്നു എന്നും ആത്മഹത്യ ചെയ്തിരിക്കാനാണ് സാധ്യത എന്നുമാണ് പോലീസിന്റെ നിഗമനം. കുണ്ടറ വേലുത്തമ്പി നഗറിൽ നന്ദനം വീട്ടിൽ ജയകൃഷ്ണപിള്ളയുടെയും രമാദേവിയമ്മയുടെയും മകളാണ് മരിച്ച സൂര്യ. രാത്രി 8 മണിയോടെ അമ്മയും സഹോദരിയും വീട്ടിലുണ്ടായിരുന്ന സമയത്താണ് യുവതിയുടെ മരണം. വീട്ടിലുള്ളവര്‍ ടിവി കണ്ടുകൊണ്ടിരിക്കെ സൂര്യ ടെറസിന് മുകളിലേക്ക് കയറി പോകുന്നത് കണ്ടിരുന്നു. കുറെ കഴിഞ്ഞിട്ടും തിരികെ വരുന്നത് കാണാതിരുന്നതിനെത്തുടര്‍ന്ന് സഹോദരി അന്വേഷിച്ചു ചെന്നപ്പോഴാണ് ടെറസിൽ കഴുത്തറുത്ത നിലയിൽ മൃതദേഹം കണ്ടതെന്ന് പോലീസിനോട് പറഞ്ഞു. വീട്ടിൽ ഉപയോഗിക്കുന്ന കറിക്കത്തിയും മൃതദേഹത്തിനടുത്തു നിന്ന് കണ്ടെത്തിയിട്ടുണ്ട്. ബിരുദ സർട്ടിഫിക്കറ്റ് ലഭിക്കാൻ വൈകിയതിന്റെ പേരിൽ യുവതി മാനസിക സമ്മർദ്ദത്തിലായിരുന്നുവെന്നാണ് സൂചന. താൻ വിഷാദരോഗിയാണെന്നും ആത്മഹത്യ…

എറണാകുളം: പെരുമ്പാവൂരിൽ അയൽവാസിയുടെ വെട്ടേറ്റ് ചികിത്സയിലായിരുന്ന നഴ്‌സിംഗ് വിദ്യാർത്ഥിനി മരിച്ചു. രായമംഗലം മുരിങ്ങമ്പിള്ളിയിൽ അൽക്ക അന്ന ബിനു (19) ആണ് മരിച്ചത്. ഗുരുതരാവസ്ഥയിൽ ആലുവയിലെ സ്വകാര്യ ആശുപത്രിയിൽ ചികിത്സയിലിരിക്കെ ബുധനാഴ്ച ഉച്ചയോടെയാണ് പെൺകുട്ടി മരിച്ചത്. കഴിഞ്ഞ എട്ട് ദിവസമായി രാജഗിരി ആശുപത്രിയിൽ ഐസിയുവിൽ വെന്‍റിലേറ്ററില്‍ തുടരുകയായിരുന്നു അല്‍ക്ക. തലയ്ക്കേറ്റ മാരകമായ മുറിവും, അമിത രക്തസ്രാവവും, ന്യുമോണിയ ബാധിച്ചതുമാണ് മരണകാരണമായത്. അയല്‍‌വാസിയായ ബേസില്‍ എന്ന യുവാവാണ് പെണ്‍കുട്ടിയെ വീട്ടില്‍ കയറി ആക്രമിക്കുകയും വെട്ടിപരിക്കേല്‍പ്പിക്കുകയും ചെയ്തത്. പെൺകുട്ടിയെ വെട്ടിയശേഷം ബേസിൽ സ്വന്തം വീട്ടിലെത്തി ആത്മഹത്യ ചെയ്തിരുന്നു. പെണ്‍കുട്ടിയുടെ തലയ്ക്കും കഴുത്തിനുമായിരുന്നു പരിക്കേറ്റിരുന്നത്. വെന്റിലേറ്ററിന്റെ സഹായത്തോട് കൂടിയായിരുന്നു ഇത്രയും ദിവസം ജീവന്‍ നിലനിര്‍ത്തിയിരുന്നത്. വീടുകയറിയുള്ള ആക്രമണത്തിൽ രായമംഗലം കാണിയാട്ട് ഔസേപ്പ്, ഭാര്യ ചിന്നമ്മ, പേരക്കുട്ടിയും നഴ്‌സിംഗ് വിദ്യാർഥിനിയുമായ അൽക്ക എന്നിവർക്കാണ് പരിക്കേറ്റത്. ബേസിലിന്റെ പ്രണയാഭ്യർത്ഥന നിരസിച്ചതാണ് അൽക്കയെ വെട്ടിപരിക്കേൽപ്പിക്കാൻ കാരണമായതെന്നാണ് പോലീസ്…

ബെയ്ജിംഗും വിശുദ്ധ സിംഹാസനവും തമ്മിൽ ഔപചാരികമായ ഉഭയകക്ഷി ബന്ധമില്ലെങ്കിലും ഉക്രെയ്നിലെ സംഘർഷം പരിഹരിക്കുന്നതിനുള്ള ചർച്ചകൾക്കായി മാർപാപ്പയുടെ പ്രതിനിധി കർദിനാൾ മാറ്റിയോ സുപ്പി ചൈന സന്ദർശിക്കുമെന്ന് ചൈനീസ് വിദേശകാര്യ മന്ത്രാലയം സെപ്റ്റംബർ 13 ന് പുറത്തുവിട്ട പ്രസ്താവനയില്‍ പറഞ്ഞു. യുറേഷ്യൻ കാര്യങ്ങളുടെ ചൈനയുടെ പ്രത്യേക ദൂതൻ ലി ഹുയി സുപ്പിയുമായി കൂടിക്കാഴ്ച നടത്തുമെന്ന് വിദേശകാര്യ മന്ത്രാലയ വക്താവ് മാവോ നിംഗ് പതിവ് വാർത്താ സമ്മേളനത്തിൽ പറഞ്ഞു. “ഉക്രൈൻ വിഷയത്തിൽ, സമാധാന ചർച്ചകൾ പ്രോത്സാഹിപ്പിക്കുന്നതിൽ ചൈന എപ്പോഴും പ്രതിജ്ഞാബദ്ധമാണ്. എല്ലാ കക്ഷികളുമായും പ്രവർത്തിക്കാൻ ഞങ്ങൾ തയ്യാറാണ്, ഒപ്പം സ്ഥിതിഗതികൾ വർധിപ്പിക്കുന്നതിനും തണുപ്പിക്കുന്നതിനും പ്രോത്സാഹിപ്പിക്കുന്നതിൽ ക്രിയാത്മകമായ പങ്ക് വഹിക്കുന്നതിൽ തുടരുന്നു,” മാവോ പറഞ്ഞു. 2022 ഫെബ്രുവരിയിൽ ഉക്രെയ്ൻ യുദ്ധം പൊട്ടിപ്പുറപ്പെട്ടതുമുതൽ , ചൈന അതിന്റെ സഖ്യകക്ഷിയായ റഷ്യയെ അപലപിക്കുന്നതിൽനിന്ന് വിട്ടുനിൽക്കുകയാണ്. എന്നാല്‍, വെടിനിർത്തലിനും പ്രതിസന്ധിക്ക് രാഷ്ട്രീയ പരിഹാരത്തിനും വേണ്ടി ആവർത്തിച്ച് ആവശ്യപ്പെട്ടിരുന്നുമുണ്ട്.…

തിരുവനന്തപുരം: കഴിഞ്ഞ ദിവസങ്ങളിൽ നിപ ബാധിച്ച് രണ്ട് പേർ മരിച്ച കോഴിക്കോട് ജില്ലയിൽ നടത്തുന്ന നിരീക്ഷണവും നിയന്ത്രണ നടപടികളും നിരീക്ഷിക്കാൻ ആരോഗ്യവകുപ്പ് 16 പേരടങ്ങുന്ന കോർ ടീമിനെ രൂപീകരിച്ചു. കോഴിക്കോട് ജില്ലയിൽ ജാഗ്രതാ നിർദേശം നൽകിയിട്ടുണ്ടെന്നും സമീപ ജില്ലകളിലേക്കും ഇത് വ്യാപിപ്പിക്കുമെന്നും ആരോഗ്യമന്ത്രി വീണാ ജോർജ്ജ് മാധ്യമങ്ങളോട് പറഞ്ഞു. ഓഗസ്റ്റ് 30നും സെപ്തംബർ 11നും നിപ രോഗലക്ഷണങ്ങളോടെ രണ്ട് പേർ മരിച്ചതിനെ തുടർന്നാണ് കോഴിക്കോട് ജില്ലയിൽ ജാഗ്രതാ നിർദേശം നൽകിയത്. എന്നാൽ, ആദ്യം മരിച്ചയാളുടെ ശരീരദ്രവ സാമ്പിളുകൾ ലബോറട്ടറി പരിശോധനയ്ക്ക് അയക്കാനായില്ല. ആദ്യ രോഗിയുമായി സമ്പർക്കം പുലർത്തിയ ഒരാൾ കൂടി മരിക്കുകയും ആദ്യ രോഗിയുടെ ബന്ധുക്കൾ സമാനമായ രോഗലക്ഷണങ്ങളുമായി ചികിത്സ തേടുകയും ചെയ്തതോടെ നഗരത്തിലെ സ്വകാര്യ ആശുപത്രിയിലെ ഡോക്ടർമാർ നിപ ബാധയെ കുറിച്ച് മുന്നറിയിപ്പ് നൽകി. മരിച്ചവരിൽ ഒരാൾ മരുതോങ്കര സ്വദേശിയും മറ്റൊരാൾ ആയഞ്ചേരി സ്വദേശിയുമാണ്. കോഴിക്കോട്…

കോഴിക്കോട്: നിപ വൈറസ് പോലെയുള്ള മാരക രോഗങ്ങൾ വീണ്ടും വരുമ്പോഴും കേന്ദ്രസർക്കാർ അനുവദിച്ച വൈറോളജി ലാബ് പ്രവർത്തനക്ഷമമാക്കാൻ കഴിയാതെ കേരള ആരോഗ്യവകുപ്പ് ഇരുട്ടിൽ തപ്പുകയാണെന്ന് ബിജെപി സംസ്ഥാന വൈസ് പ്രസിഡന്റ് ശോഭാ സുരേന്ദ്രൻ ആരോപിച്ചു. കേരളത്തിന് രണ്ടോ മൂന്നോ വൈറോളജി ലാബുകൾ അനുവദിക്കാമെന്ന് കേന്ദ്ര ആരോഗ്യമന്ത്രി വ്യക്തമാക്കിയിട്ടും ആവശ്യമായ അടിസ്ഥാന സൗകര്യങ്ങൾ ഒരുക്കാൻ സംസ്ഥാന സർക്കാരിന് കഴിഞ്ഞിട്ടില്ല. തിരുവനന്തപുരം തോന്നയ്ക്കലില്‍ വൈറോളജി ലാബ് ഉദ്ഘാടനം ചെയ്ത് ഒരു വർഷം പിന്നിട്ടിട്ടും പ്രവർത്തനങ്ങളൊന്നും ആരംഭിച്ചിട്ടില്ല. കെഎസ്ഐഡിസിയുടെ ഓഫീസ് അവിടെ പ്രവർത്തിക്കുന്നുണ്ട്. ലാബിന്റെ പ്രവർത്തനം തുടങ്ങാൻ വൈകുന്നതിന്റെ കാരണം വ്യക്തമാക്കണമെന്നും ശോഭാ സുരേന്ദ്രൻ ആരോഗ്യമന്ത്രിയോട് ആവശ്യപ്പെട്ടു.

ആറ് വർഷം മുമ്പ് വാളയാറിന് സമീപം അട്ടപ്പള്ളത്ത് രണ്ട് പ്രായപൂർത്തിയാകാത്ത സഹോദരിമാരെ വീട്ടിൽ ദുരൂഹ സാഹചര്യത്തിൽ തൂങ്ങിമരിച്ച നിലയിൽ കണ്ടെത്തിയ കേസ് പുനരന്വേഷിക്കുന്ന സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സി.ബി.ഐ) സംഘം അംഗങ്ങൾക്ക് പകരം ഇതര സംസ്ഥാന ഉദ്യോഗസ്ഥരെ നിയമിച്ചു. അന്വേഷണത്തിന് പുത്തൻ കാഴ്‌ചപ്പാട് കൊണ്ടുവരുമെന്ന പ്രതീക്ഷയിലാണ് മറ്റ് സംസ്ഥാനങ്ങളിൽ നിന്നുള്ള ഉദ്യോഗസ്ഥരെ സിബിഐ ഉൾപ്പെടുത്തിയത്. അമ്മ ആരോപിച്ചത് പോലെയാണ് സഹോദരങ്ങളെ കൊലപ്പെടുത്തിയതെന്ന് തെളിയിക്കാൻ ശാസ്ത്രീയ തെളിവുകളുടെ അഭാവം മൂലം സംസ്ഥാന പോലീസും സിബിഐയും നേരത്തെ നടത്തിയ അന്വേഷണങ്ങൾ അവസാനിപ്പിച്ചു. സിബിഐ സംഘത്തെ നയിക്കുന്ന വനിതാ ഓഫീസർ തുടരും. പുനരന്വേഷണത്തിന് മലയാളികളല്ലാത്ത ഉദ്യോഗസ്ഥരെ നിയോഗിക്കണമെന്ന് ഇരകളുടെ അമ്മ ആവശ്യപ്പെട്ടിരുന്നു. നുണപരിശോധനയ്‌ക്കായി സിബിഐ കോടതിയിൽ നൽകിയ അപേക്ഷയെ പ്രതികൾ എതിർത്തതോടെ, നുണ പരിശോധനയ്‌ക്ക് തയ്യാറല്ലെന്ന് പ്രതികളുടെ അഭിഭാഷകൻ കോടതിയെ അറിയിച്ചിരുന്നു. നേരത്തെ അന്വേഷണ സംഘം നുണപരിശോധന ആവശ്യപ്പെട്ടപ്പോൾ കേസ്…