Month: September 2023

ഷിക്കാഗോ: ഇന്ത്യന്‍ എന്‍ജിനീയര്‍മാരുടെ അംബ്രല്ലാ ഓര്‍ഗനൈസേഷനായ AAEIO യുടെ പ്രവര്‍ത്തനങ്ങള്‍ ഇന്ത്യയിലേക്ക് വ്യാപിക്കണമെന്ന് തെലങ്കാന വ്യവസായ – ഐ.ടി മന്ത്രി കെ.ടി. രാമറാവു ആവശ്യപ്പെട്ടു. എ.എ.ഇ.ഐ.ഒ പ്രസിഡന്റും ജി.ഇയുടെ ഡിവിഷണല്‍ ഡയറക്ടറുമായ ഗ്ലാഡ്‌സണ്‍ വര്‍ഗീസ്, എ.എ.ഇ.ഐ.ഒ ബോര്‍ഡ് ഓഫ് ഡയറക്ടര്‍മാരായ റെഡ്‌ബെറി കോര്‍പറേഷന്‍ ചെയര്‍മാന്‍ ഡോ. ദീപക് കാന്ത് വ്യാസ്, പ്രോബിസ് കോര്‍പറേഷന്‍ പ്രസിഡന്റ് ഡോ. പ്രമോദ് വോറ, പവര്‍വോള്‍ട്ട് സി.ഇ.ഒ ബ്രിജ്ജ് ശര്‍മ്മ, ഐയോണിക് കോര്‍പറേഷന്‍ ചെയര്‍മാന്‍ ഡോ. യോഗി ഭരത് വാജ്, ഇന്ത്യന്‍ കോണ്‍സല്‍ ജനറല്‍ സോമരാജ് ഘോഷ്, ടി- ഹബ്ബ് സി.ഇ.ഒ ശ്രീനിവാസ റാവു എന്നിവരുമായുള്ള ചര്‍ച്ചയിലാണ് മന്ത്രി ഇക്കാര്യം ഉന്നയിച്ചത്. അതിനുള്ള എല്ലാ സൗകര്യങ്ങളും ഒരുക്കാന്‍ തയറാണെന്നും അദ്ദേഹം അറിയിച്ചു. തെലങ്കാന ഗവണ്‍മെന്റിന്റെ ടെക്‌നിക്കല്‍ സ്ഥാപനമായ ടി- ഹബ്ബുമായി ചേര്‍ന്ന് നിരവധി പ്രവര്‍ത്തനങ്ങള്‍ ആരംഭിക്കുമെന്ന് ഗ്ലാഡ്‌സണ്‍ വര്‍ഗീസും, എ.എ.ഇ.ഐ.ഒ ബോര്‍ഡ് അംഗങ്ങളും…

കൊല്ലം: മൊബൈൽ ആപ്പ് വഴി ഓർഡർ ചെയ്ത ഭക്ഷണത്തിൽ നഖം കണ്ടെത്തിയതായി പരാതി. അഭിഭാഷകനും പൊതുപ്രവർത്തകനുമായ കൗശിക് എം ദാസാണ് പരാതിയുമായി രംഗത്തെത്തിയത്. ഊണും വറുത്ത മീനും മുട്ട പൊരിച്ചതുമായിരുന്നു ഓർഡർ നല്‍കിയത്. എന്നാൽ കിട്ടിയത് ഊണും ബീഫ് റോസ്റ്റും ആണെന്ന് കൗശിക് പറയുന്നു. ഭക്ഷണം മാറിയത് കാര്യമാക്കിയില്ലെന്നും എന്നാൽ ഭക്ഷണത്തില്‍ നഖം കണ്ടപ്പോഴാണ് പരാതി നൽകിയെന്നും പറയുന്നു. ചിന്നക്കടയിലെ ഗീതം റസ്റ്റോറന്റിൽ നിന്നാണ് ഭക്ഷണം ഓർഡർ ചെയ്തത്. പരാതിയെ തുടർന്ന് ഭക്ഷ്യസുരക്ഷാ വിഭാഗം ഹോട്ടല്‍ അടച്ചുപൂട്ടി.

തിരുവനന്തപുരം: തിരുവനന്തപുരം മെഡിക്കല്‍ കോളേജിലെ നഴ്സും അമ്പാറ സ്വദേശിയുമായ ആര്യമോള്‍ (27) മെഡിക്കല്‍ പ്രസവ ശേഷം മരണപ്പെട്ടു. ഇന്നലെ രാത്രി 11:30ഓടെയാണ് മരിച്ചത്. പ്രസവത്തെ തുടർന്ന് യുവതിയെ പാലാ ജനറൽ ആശുപത്രിയിൽ നിന്ന് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു. എന്നാല്‍, ചികിത്സയിലിരിക്കെയാണ് മരിച്ചത്. ആശുപത്രി അധികൃതരുടെ അനാസ്ഥയാണ് മരണത്തിലേക്ക് നയിച്ചതെന്ന് ആര്യമോളുടെ ബന്ധുക്കൾ ആരോപിക്കുന്നു. ഓഗസ്റ്റ് 22-ന് പാലാ ജനറൽ ആശുപത്രിയിൽ പ്രസവത്തിനായി പ്രവേശിപ്പിച്ച ആര്യമോൾ 23-ന് പ്രസവിച്ചു. എന്നാൽ, ആന്തരിക രക്തസ്രാവത്തെ തുടർന്ന് ആരോഗ്യനില വഷളായി. തുടര്‍ന്നാണ് 26ന് കോട്ടയം മെഡിക്കൽ കോളേജിലേക്ക് മാറ്റേണ്ടി വന്നതെന്ന് ബന്ധുക്കള്‍ പറഞ്ഞു.  

തൃശൂർ: തൃശൂർ കോർപറേഷൻ കേന്ദ്ര സർക്കാർ ഫണ്ട് ഉപയോഗിച്ച് നിര്‍മ്മിച്ച ആകാശപാതയുടെ ഉദ്ഘാടനത്തിന് കേന്ദ്ര സഹമന്ത്രി വി മുരളീധരനെ ക്ഷണിക്കാത്തതിനെ രൂക്ഷമായി വിമർശിച്ച് ബിജെപി നേതാവും നടനുമായ സുരേഷ് ഗോപി. കേന്ദ്ര മന്ത്രാലയം ആകാശപാതയുടെ പദ്ധതി അമൃത് പദ്ധതിയിൽ ഉൾപ്പെടുത്തിയതാണെന്നും അദ്ദേഹം പറഞ്ഞു. കേന്ദ്ര സർക്കാർ 2016ൽ 270 കോടി രൂപയും 2022ൽ 251 കോടി രൂപയുമാണ് കോർപ്പറേഷന് നൽകിയത്. അതിന് പിന്നിലെ രാഷ്ട്രീയം എന്തായാലും വി മുരളീധരനെ ക്ഷണിക്കാത്തത് മോശമായിപ്പോയി എന്നും സുരേഷ് ഗോപി പറഞ്ഞു. അപകടങ്ങൾ പതിവായ സ്ഥലമാണെന്നും കുട്ടികളും സ്ത്രീകളും പ്രായമായവരും ജനത്തിരക്കേറിയ സ്ഥലത്തുകൂടി സഞ്ചരിക്കാൻ ബുദ്ധിമുട്ടുകയാണെന്നും അദ്ദേഹം പറഞ്ഞു. സ്കൈവേ ജനങ്ങൾക്ക് സൗകര്യപ്രദമായ സംവിധാനമാണെന്നും ഇത്തരമൊരു പദ്ധതി സമർപ്പിച്ച കോർപ്പറേഷനെ അദ്ദേഹം അഭിനന്ദിക്കുകയും ചെയ്തു. കേന്ദ്ര ഫണ്ട് ഇത്തരത്തില്‍ ഉപയോഗിച്ചാല്‍ തൃശൂരിലുള്ളവര്‍ക്ക് ഗുണകരമാകുമെന്നും അദ്ദേഹം കൂട്ടിച്ചേര്‍ത്തു. കോർപ്പറേഷൻ വേണ്ടത് ചെയ്യട്ടെ, കേന്ദ്ര…

കണ്ണൂർ : സംസ്ഥാനത്തെ നെൽക്കൃഷി പ്രശ്‌നങ്ങളിൽ കേന്ദ്ര സർക്കാരിനെതിരെ സിപിഐ എം ഉന്നയിച്ച ആരോപണങ്ങൾ തള്ളി കേരള പ്രദേശ് കോൺഗ്രസ് കമ്മിറ്റി (കെപിസിസി) പ്രസിഡന്റ് കെ.സുധാകരൻ. കേന്ദ്ര സർക്കാരിന് ഫണ്ട് കുടിശ്ശികയുണ്ടെന്ന് കാണിച്ച് പിണറായി സർക്കാർ നടത്തുന്ന പ്രചാരണം തെറ്റിദ്ധരിപ്പിക്കുന്നതാണെന്ന് അദ്ദേഹം മാധ്യമങ്ങളോട് പറഞ്ഞു. കേരള സർക്കാർ നൽകിയ എസ്റ്റിമേറ്റിന്റെ അടിസ്ഥാനത്തിലാണ് കേന്ദ്ര സർക്കാർ ഫണ്ട് അനുവദിച്ചതെന്നും സുധാകരൻ പറയുന്നു. അതിനാൽ, സംസ്ഥാനത്തെ കർഷകരുടെ വിഷയത്തിൽ കേന്ദ്ര സർക്കാരിനെ കുറ്റപ്പെടുത്തുന്നതിൽ അടിസ്ഥാനമില്ലെന്നും അദ്ദേഹം വാദിച്ചു. നടൻ ജയസൂര്യയെ ലക്ഷ്യം വച്ചുള്ള വിമർശനത്തിന്റെ സാധുതയെ ചോദ്യം ചെയ്ത സുധാകരൻ, വസ്തുനിഷ്ഠമായ പ്രസ്താവനകൾ നടത്തിയ വ്യക്തിയുടെ പേരിൽ ആരോപണമുന്നയിക്കരുതെന്നും നിർദ്ദേശിച്ചു. ജയസൂര്യ പറഞ്ഞതുകൊണ്ട് മാത്രം തെറ്റാകുമോ? വസ്തുനിഷ്ഠമായ കാര്യങ്ങളാണ് ജയസൂര്യ പറഞ്ഞത്. രണ്ടര മാസത്തെ കാലതാമസത്തിന് ശേഷം കൃഷ്ണ പ്രസാദിന് ബാങ്ക് വായ്പയായി പണം നൽകിയതിന് കേരള സർക്കാർ കർഷകർക്ക്…

തിരുവനന്തപുരം: ആഗസ്റ്റ് മാസത്തിൽ മാത്രം യൂണിഫൈഡ് പേയ്‌മെന്റ് ഇന്റർഫേസ് (യുപിഐ) വഴി 10 ബില്ല്യണിലധികം ഇടപാടുകൾ നടത്തി ഡിജിറ്റൽ പേയ്‌മെന്റുകളുടെ മേഖലയിൽ ഇന്ത്യ ശ്രദ്ധേയമായ മുന്നേറ്റം നടത്തുകയാണ്. ഈ നാഴികക്കല്ല് നേട്ടം നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻ‌പി‌സി‌ഐ) ഔദ്യോഗികമായി സ്ഥിരീകരിച്ചു. ഒരു മാസത്തിനുള്ളിൽ ഇന്ത്യ 10 ബില്യൺ ഇടപാടുകള്‍ മറികടന്നത് ഇതാദ്യമായാണ്. ജൂലൈയിൽ 996.4 കോടി ഇടപാടുകൾ നടത്തി റെക്കോർഡ് രേഖപ്പെടുത്തിയതിനു പിന്നാലെയാണ് ആഗസ്റ്റിലെ നേട്ടം. ഡിജിറ്റൽ പേയ്‌മെന്റിലെ ശ്രദ്ധേയമായ കുതിപ്പ് വ്യാപകമായ ശ്രദ്ധ നേടുകയാണ്. കേരളത്തിലെ മുൻ ധനമന്ത്രിയും സിപിഐ (എം) നേതാവുമായ തോമസ് ഐസക്കിനെതിരെ സോഷ്യൽ മീഡിയ പ്ലാറ്റ്‌ഫോമുകളിൽ പരിഹാസം ചൊരിയുകയാണ്. ധനമന്ത്രിയായിരിക്കെ ഡിജിറ്റലൈസേഷൻ സ്വീകരിക്കാനുള്ള ഇന്ത്യയുടെ കഴിവിനെക്കുറിച്ച് തോമസ് ഐസക്ക് ഒരിക്കൽ സംശയം പ്രകടിപ്പിച്ചിരുന്നു. ജനസംഖ്യയുടെ ഒരു പ്രധാന ഭാഗം, പ്രത്യേകിച്ച് അസംഘടിത മേഖലയിലുള്ളവർ, ഡിജിറ്റൽ ഇടപാടുകളെ ആശ്രയിക്കാത്ത ഒരു…