Month: September 2023

ന്യൂയോർക്ക് : ന്യൂയോർക്ക് ആസ്ഥാനമായി ഒരു ദശാബ്ദത്തിൽ ഏറെയായി വിജയകരമായി ട്രൈസ്റ്റേറ്റ് മേഖലയിൽ പ്രവർത്തിച്ചുവരുന്ന പ്രമുഖ സംഗീത വിദ്യാലയമായ സാധക സ്കൂൾ ഓഫ് മ്യൂസിക് ഒക്ടോബര്‍ ഏഴാം തീയതി (venue: 100 Fieldstone drive (Fieldstone Middle school) , Theills Newyork) പ്രശസ്ത മ്യൂസിഷ്യൻ ശ്രീ ജെറി അമൽദേവ് നയിക്കുന്ന ” സിങ് അമേരിക്ക വിത്ത് ജെറി അമൽദേവ് ” എന്ന സംഗീത പ്രോഗ്രാം സംഘടിപ്പിച്ചിരിക്കുന്നു. മലയാളത്തിന്റെ അഭിമാനമായ സംഗീത പ്രതിഭ ജെറി അമൽദേവിനെ സാധക സംഗീത പുരസ്‌കാരം നൽകി ആദരിക്കുന്നതാണ് പരിപാടിയുടെ പ്രധാന ആകർഷണം. പ്രോഗ്രാമിലേക്കു എല്ലാവരെയും സ്വാഗതം ചെയ്യുന്നതായി സാധക സ്കൂൾ ഓഫ് മ്യൂസിക് ഡയറക്ടർ കെ ഐ അലക്സാണ്ടർ അറിയിച്ചു. ശ്രീ ഗോപിനാഥ് മുതുകാട് നേതൃത്വം കൊടുക്കുന്ന ജീവകാരുണ്യ പ്രവർത്തനങ്ങൾക്കുള്ള സഹായ ഹസ്തം പരിപാടിയുടെ പ്രധാന ഉദ്ദേശ ലക്ഷ്യമാണെന്നു സംഘാടകർ അറിയിച്ചു.

എടത്വ: തലവടി എ ഡി യു പി സ്കൂളിന്റെ ആഭിമുഖ്യത്തിൽ വര ഉത്സവം സംഘടിപ്പിച്ചു. ഗ്രാമ പഞ്ചായത്ത് അംഗം ബിനു സുരേഷ് പരിപാടി ഉദ്ഘാടനം ചെയ്തു. ചടങ്ങിൽ ഹെഡ്മിസ്ട്രസ് ശ്രീമതി വിജയ ലേഖ സ്വാഗതം ആശംസിച്ചു. സ്കൂൾ മാനേജർ ജയകുമാർ ജി അദ്ധ്യക്ഷത വഹിച്ചു. 39 വർഷത്തെ അദ്ധ്യാപന ജീവിതത്തിൽ നിന്നും വിരമിച്ച ശ്രീമതി ബേബി ഗിരിജ ടീച്ചറെ പൊന്നാട അണിയിച്ചു ആദരിച്ചു. ചടങ്ങിൽ അദ്ധ്യാപകരായ ഗീത, സുനിത, രേഖ, മഞ്ജു, സൗമ്യ,കൃഷ്ണകുമാർ, ശരൺ എന്നിവർ പങ്കെടുത്തു.

സാധുക്കളായ വിധവകൾ നിയമപരമായി വിവാഹമോചനം നേടിയവർ എന്നിവരുടെ പുനർവിവാഹത്തിന് 25,000 രൂപ ധനസഹായം നൽകുന്ന ‘മംഗല്യ’  പദ്ധതി പ്രകാരം ഓൺലൈൻ ആയി അപേക്ഷ ക്ഷണിച്ചു. ബി.പി.എൽ/മുൻഗണനാ വിഭാഗത്തിൽപ്പെട്ട 18നും 50നും മധ്യേ പ്രായമുള്ള വിധവകളുടെ പുനർവിവാഹത്തിനാണ് ധനസഹായം അനുവദിക്കുന്നത്. www.schemes.wcd.kerala.gov.in എന്ന വെബ്സൈറ്റ് വഴി അപേക്ഷിക്കാം. കൂടുതൽ വിവരങ്ങൾക്ക് ബന്ധപ്പെട്ട അങ്കണവാടി/ശിശുവികസന പദ്ധതി ഓഫീസുകൾ സന്ദർശിക്കുക. അപേക്ഷ സമർപ്പിക്കേണ്ട അവസാന തീയതി ഡിസംബർ 15. കൂടുതൽ വിവരങ്ങൾക്ക്: 0471 2969101. പിആര്‍ഡി, കേരള സര്‍ക്കാര്‍

തിരുവനന്തപുരം: സർക്കാരിന്റെ നേട്ടങ്ങൾ ജനങ്ങൾക്ക് കൂടുതൽ അനുഭവവേദ്യമാക്കാനും സമയബന്ധിതമായ പദ്ധതി നിർവ്വഹണവും പ്രശ്ന പരിഹാരവും ഉറപ്പാക്കാനുമാണ് സംസ്ഥാനത്തെ നാലു മേഖലകളായി തിരിച്ചു മുഖ്യമന്ത്രിയുടേയും മന്ത്രിമാരുടേയും സാന്നിധ്യത്തിൽ മേഖലാതല അവലോകന യോഗങ്ങൾ സംഘടിപ്പിച്ചിരിക്കുന്നതെന്നും ഈ മേഖലാ യോഗങ്ങൾ തുടർ പ്രക്രിയയാക്കി മാറ്റുമെന്നും മുഖ്യമന്ത്രി പിണറായി വിജയൻ. തിരുവനന്തപുരം, കൊല്ലം, പത്തനംതിട്ട ജില്ലകൾക്കായി 26ന് ചേർന്ന തിരുവനന്തപുരം മേഖലാതല അവലോകന യോഗം വിജയകരമായിരുന്നെന്നും തൃശൂർ, എറണാകുളം, കോഴിക്കോട് എന്നിവിടങ്ങളിൽ വരും ദിവസങ്ങളിൽ മേഖലാതല അവലോകന യോഗം ചേരുമെന്നും മുഖ്യമന്ത്രി വാർത്താസമ്മേളനത്തിൽ പറഞ്ഞു. മന്ത്രിസഭ ആകെ നേരിട്ട് പങ്കെടുത്താണു മേഖലാതല അവലോകനം നടക്കുന്നതെന്നു മുഖ്യമന്ത്രി പറഞ്ഞു. ചീഫ് സെക്രട്ടറി അടക്കമുള്ള ഉന്നത ഉദ്യോഗസ്ഥരും വകുപ്പ് മേധാവികളും ബന്ധപ്പെട്ട ഉദ്യോഗസ്ഥരും പങ്കെടുക്കുന്നുണ്ട്. അതിദാരിദ്ര്യ നിർമാർജനം, ലൈഫ്, ആർദ്രം, വിദ്യാകിരണം, ഹരിത കേരള മിഷൻ എന്നീ മിഷനുകൾ, ദേശീയ പാത, മലയോര ഹൈവേ, തീരദേശ…

കണ്ണൂര്‍: മണിപ്പുരിലെ കലാപബാധിത ജനതയോടുള്ള ഐക്യദാർഢ്യമായി അവിടെനിന്നുള്ള വിദ്യാർഥികൾക്ക് കേരളത്തിൽ തുടർപഠനത്തിന് സൗകര്യം ഒരുക്കിയിട്ടുണ്ടെന്നു മുഖ്യമന്ത്രി പിണറായി വിജയൻ. കണ്ണൂർ സർവ്വകലാശാലയിലാണ് ഇതിന് സൗകര്യമൊരുക്കിയിട്ടുള്ളത്. നിയമ പഠനമടക്കമുള്ള ബിരുദ കോഴ്സുകളിലും ബിരുദാനന്തര കോഴ്സുകളിലും ഡോക്ടറൽ ഗവേഷണത്തിലും ഉൾപ്പെടെ 46 മണിപ്പൂരി വിദ്യാർഥികൾക്കാണ് കണ്ണൂർ സർവ്വകലാശാലയിലെ പഠന വിഭാഗങ്ങളിലും അഫിലിയേറ്റഡ് കോളേജുകളിലും സർവ്വകലാശാലയുടെ വിവിധ ക്യാമ്പസുകളിലുമായി പ്രവേശനം നൽകിയതെന്നും മുഖ്യമന്ത്രി പറഞ്ഞു. പാലയാട്, മാങ്ങാട്ടുപറമ്പ്, പയ്യന്നൂർ, മഞ്ചേശ്വരം ക്യാമ്പസുകളിലും തലശ്ശേരി ഗവ. ബ്രണ്ണൻ കോളേജിലുമാണ് വിദ്യാർഥികളെ പ്രവേശിപ്പിച്ചത്. വിവിധ യുജി, പിജി പ്രോഗ്രാമുകളിൽ അങ്ങാടിക്കടവ് ഡോൺ ബോസ്‌കോ, മാനന്തവാടി മേരി മാതാ ആർട്സ് ആൻഡ് സയൻസ് കോളേജ്, പിലാത്തറ സെന്റ് ജോസഫ് കോളേജ്, കാസർഗോഡ് മുന്നാട് പീപ്പിൾസ് കോളേജ്, തളിപ്പറമ്പ് സർ സയ്യിദ് കോളേജ്, തളിപ്പറമ്പ് കില ഇൻസ്റ്റിറ്റ്യൂട്ട് ഓഫ് പബ്ലിക് പോളിസി എന്നിവിടങ്ങളിലും വിദ്യാർഥികൾക്ക് പ്രവേശനം നൽകി.…

കോഴിക്കോട്: മതത്തിന്റെ അതിർവരമ്പുകൾ ഭേദിച്ച് മാപ്പിളപ്പാട്ടിന്റെയും കഥാപ്രസംഗത്തിന്റെയും (കഥ പറച്ചിൽ) രംഗത്തേക്ക് ചുവടുവെച്ച മുൻനിര മുസ്ലീം ഗായിക റംലാ ബീഗം 86-ാം വയസ്സിൽ നിര്യാതയായി. കോഴിക്കോട് പാറോപ്പടിയിലെ വീട്ടിലായിരുന്നു അന്ത്യം. എം എ റസാഖ് രചിച്ച “ജമീല” എന്ന റംലയുടെ കഥാപ്രസംഗം ലോകത്തേക്കുള്ള അവരുടെ അരങ്ങേറ്റമായിരുന്നു. തന്റെ കരിയറിന്റെ തുടക്കം മുതല്‍ കാര്യമായ എതിർപ്പുകളിൽ തളരാതെ, ഈ മേഖലയിൽ ഉറച്ചുനിൽക്കുകയും ശ്രദ്ധേയമായ നേട്ടങ്ങൾ കൈവരിക്കുകയും ചെയ്ത വനിതയാണ് റം‌ലാ ബീഗം. മാപ്പിളപ്പാട്ട്, കഥാപ്രസംഗം എന്നിവയിലൂടെ ശ്രദ്ധേയയായ റംലാ ബീഗം മതവിലക്കുകള്‍ മറികടന്ന് മാപ്പിളപ്പാട്ട് അവതരിപ്പിച്ച ആദ്യ മുസ്‌ലിം വനിതയാണ്. തന്‍റെ അവതരണത്തില്‍ മാപ്പിള കലയുടെ തനത് ശൈലി നിലനിര്‍ത്താന്‍ അവര്‍ പ്രത്യേകം ശ്രദ്ധിച്ചിരുന്നു. ആലപ്പുഴ സക്കറിയ ബസാറിൽ ഹുസൈൻ യൂസഫ് യമാന-മറിയം ബീവി (ഫറോക്ക് പേട്ട) ദമ്പതികളുടെ ഇളയമകളായി 1946 നവംബർ മൂന്നിനാണ് റംല ബീഗത്തിന്‍റെ ജനനം.…