Day: October 1, 2023

എടത്വ: പ്രധാനമന്ത്രിയുടെ ആഹ്വാന പ്രകാരം ‘സ്വച്ഛതാ ഹി സേവാ അഭിയാൻ’ ക്യാമ്പയിന്റെ ഭാഗമായി സൗഹൃദ വേദിയുടെയും ബാലമുരളി പൗരസമിതിയുടെയും നേതൃത്വത്തിൽ സൗഹൃദ നഗറിൽ വാലയിൽ ബെറാഖാ ഭവനിൽ പ്രത്യേക സമ്മേളനം നടന്നു.ഗ്രാമ പഞ്ചായത്ത് അംഗം ബിന്ദു ഏബ്രഹാം ഉദ്ഘാടനം ചെയ്തു. സൗഹൃദ വേദി ചെയർമാൻ ഡോ. ജോൺസൺ വി.ഇടിക്കുള അധ്യക്ഷത വഹിച്ചു. രക്ഷാധികാരി പി.വി. തോമസ്ക്കുട്ടി ബോധവത്ക്കരണ ക്ലാസ് നയിച്ചു. ബാലമുരളി പൗര സമിതി പ്രസിഡൻ്റ് പി.ഡി.സുരേഷ്, സെക്രട്ടറി മനോജ് മണക്കളം,വിൻസൻ പൊയ്യാലുമാലിൽ, കെ.വി റോഷ്മോൻ, കെ.കെ. എബി, പി.കെ രാജീവ്, സി.കെ സുരേന്ദ്രൻ എന്നിവർ പ്രസംഗിച്ചു. ഹരിത വിപ്ലവത്തിലൂടെ ഇന്ത്യയുടെ പട്ടിണിയകറ്റിയ കൃഷി ശാസ്ത്രജ്ഞൻ ഡോ. എം.എസ് സ്വാമിനാഥൻ്റെ നിര്യാണത്തിൽ അനുശോചനം രേഖപെടുത്തിയാണ് യോഗം ആരംഭിച്ചത്. താൻ ബാക്കി വെച്ച സ്വപ്നം യാഥാർത്ഥ്യമാക്കുവാൻ സമൂഹം തയ്യാറാകണമെന്ന് യോഗത്തിൽ ആവശ്യപെട്ടു.സൗഹൃദ നഗറിൽ നടപ്പിലാക്കുന്ന പദ്ധതികളുടെ രൂപരേഖ ചടങ്ങിൽ…

തൃശൂർ: നിർമ്മാണത്തിലിരുന്ന ഇരുനില വീട് തകർന്നു വീണ് ഉടമയും നിര്‍മ്മാണ തൊഴിലാളികളും ഉൾപ്പെടെ അഞ്ചു പേർക്ക് പരിക്കേറ്റു. പന്തല്ലൂർ സ്വദേശി അഭിലാഷിന്റെ ഉടമസ്ഥതയിലുള്ളതാണ് തകർന്ന വീട്. നിർമാണ ജോലികൾക്കിടെ രണ്ടാം നിലയിൽ അഭിലാഷും 15 തൊഴിലാളികളും ഉണ്ടായിരുന്ന സമയത്താണ് സംഭവം. ഭാഗ്യവശാൽ, ആ സമയത്ത് ഒന്നാം നിലയിൽ ആരും ഉണ്ടായിരുന്നില്ല. അതുകൊണ്ട് ദുരന്തത്തില്‍ കൂടുതല്‍ ആരും ഉള്‍പ്പെട്ടില്ല. മാസങ്ങൾക്ക് മുമ്പാണ് അഭിലാഷ് വീടിന്റെ നിർമ്മാണം ആരംഭിച്ചത്. രണ്ടാം നിലയിൽ കോൺക്രീറ്റ് ജോലികൾ നടക്കുകയായിരുന്നു. വീടിന്റെ പിന്‍‌ഭാഗത്ത് ഒരു ഭാഗം ഇടിഞ്ഞതാണ് വീട് പൂർണ്ണമായും തകരാൻ കാരണമായതെന്നു പറയുന്നു. അപകടത്തിൽപ്പെട്ടവർക്ക് ഗുരുതര പരിക്കുകളൊന്നും റിപ്പോർട്ട് ചെയ്തിട്ടില്ല.

അന്താരാഷ്ട്ര വയോജന ദിനാചരണ സംസ്ഥാന തല ഉദ്ഘാടനവും വയോസേവന അവാർഡ് വിതരണവും ഉന്നതവിദ്യാഭ്യാസ സാമൂഹിക നീതി വകുപ്പ് മന്ത്രി ഡോ.ആർ ബിന്ദു നിർവഹിച്ചു. വയോജനങ്ങൾ സമൂഹത്തിന് നൽകിയ സംഭാവനകളെ അനുസ്മരിക്കുകയും അവരുടെ ആവശ്യങ്ങൾ നിറവേറ്റുകയും ചെയ്യേണ്ടത് സമൂഹത്തിന്റെ കടമയാണെന്ന് മന്ത്രി പറഞ്ഞു. തങ്ങളുടെ അധ്വാനശേഷിയും സർഗാത്മകതയും ഉപയോഗിച്ച് വയോജനങ്ങൾ സമൂഹത്തിനും കുടുംബത്തിനും നൽകിയ സംഭാവനകൾ വളരെ വലുതാണ്. ഉപയോഗിക്കുക വലിച്ചെറിയുക എന്ന സംസ്‌കാരം സമൂഹത്തിൽ വർധിച്ചു വരുന്നു. അധ്വാനശേഷി തീരുമ്പോൾ നിരുപാധികം ഉപേക്ഷിക്കുന്ന പ്രവണത ഇല്ലാതാകണം. 2030 ഓടെ കേരളത്തിന്റെ ജനസംഖ്യയിൽ 25% വയോജനങ്ങളായിരിക്കും. ഇവർക്കുള്ള സംരക്ഷണ സംവിധാനങ്ങൾ ഒരുക്കുന്നതിന് ഗവൺമെന്റ് പ്രതിഞ്ജാബദ്ധമാണ്. 150ൽ പരം ഹോമുകൾക്ക് നിലവിൽ സർക്കാർ ഗ്രാന്റ് നൽകുന്നു. വയോജനങ്ങൾക്ക് സാമൂഹിക സുരക്ഷാ പെൻഷൻ അനുവദിക്കുന്ന പദ്ധതിയെ റിസർവ് ബാങ്ക് അഭിനന്ദിച്ചു. 49.84 ലക്ഷം ആളുകൾക്ക് പെൻഷൻ അനുവദിക്കാൻ സംസ്ഥാന സർക്കാരിനായി. 2021…

കടലാസിലും വേദിയിലും തന്റെ നർമ്മം ഒരുപോലെ ഉപയോഗിച്ച കാർട്ടൂണിസ്റ്റ് സുകുമാർ ശനിയാഴ്ച കൊച്ചിയിൽ അന്തരിച്ചു. 91 വയസ്സായിരുന്നു. കാർട്ടൂണുകളുടെ ലോകത്ത് തനതായ മുദ്ര പതിപ്പിച്ച മലയാളികളുടെ ഒരു നീണ്ട പരമ്പരയിലെ ആദ്യകാല വ്യക്തികളിൽ ഒരാളായ അദ്ദേഹം തന്റെ പ്രതാപകാലത്ത് പ്രമുഖ നേതാക്കളെ നിശിതമായി വിമർശിക്കുന്ന രാഷ്ട്രീയ കാർട്ടൂണുകൾക്ക് പേരുകേട്ടതാണ്. സംസ്ഥാനത്തുടനീളമുള്ള സ്റ്റേജുകളിൽ നിന്ന് ചിരി പടർത്തുന്ന ഒരാളെന്ന നിലയിൽ, അദ്ദേഹത്തിന്റെ ജീവിതത്തിലെ ഏറ്റവും അവിസ്മരണീയമായ സംഭവങ്ങളിലൊന്നാണ് 2012 ൽ അദ്ദേഹം നയിച്ച 12 മണിക്കൂർ ചിരി യജ്ഞം, അത് ഗിന്നസ് ബുക്കിൽ ഇടം നേടി. 1932ൽ തലസ്ഥാനത്തെ ആറ്റിങ്ങലിൽ ജനിച്ച സുകുമാറിന് കാർട്ടൂണിംഗിൽ ഔപചാരികമായ പരിശീലനമൊന്നും ഉണ്ടായിരുന്നില്ല. ദേശബന്ധുവിലും മലയാള മനോരമയിലും കാർട്ടൂണുകൾ വരച്ചിരുന്ന കെ എസ് പിള്ളയുടെ രാഷ്ട്രീയ കാർട്ടൂണുകൾ നിരന്തരം പിന്തുടർന്ന് കാർട്ടൂണുകളോടുള്ള അദ്ദേഹത്തിന്റെ താൽപര്യം ജ്വലിപ്പിച്ചു . അദ്ദേഹത്തിന്റെ ആദ്യത്തെ കാർട്ടൂൺ 18…