Month: January 2024

കാബൂള്‍: കിഴക്കൻ അഫ്ഗാനിസ്ഥാനിൽ നടന്ന വാഹനാപകടങ്ങളിൽ 33 പേർ മരിക്കുകയും 16 പേർക്ക് പരിക്കേൽക്കുകയും ചെയ്തതായി കാബൂൾ പോലീസ് മേധാവിയുടെ വക്താവ് ഖാലിദ് സദ്രാൻ പുറത്തിറക്കിയ പ്രസ്താവനയില്‍ പറയുന്നു. കാബൂൾ പ്രവിശ്യയിലെ സൊറാബി ജില്ലയിൽ, അഫ്ഗാൻ തലസ്ഥാനമായ കാബൂളിനെയും കിഴക്കൻ നംഗർഹാർ പ്രവിശ്യയെയും ബന്ധിപ്പിക്കുന്ന പ്രധാന ഹൈവേയിൽ പത്ത് കൂട്ടിയിടികളിൽ രണ്ട് കുട്ടികളും നാല് സ്ത്രീകളും ഉൾപ്പെടെ 17 പേർ കൊല്ലപ്പെട്ടതായി പ്രസ്താവനയില്‍ പറഞ്ഞു. അപകടത്തിൽ മറ്റ് പത്ത് പേർക്ക് പരിക്കേറ്റതായും അവരെ ചികിത്സയ്ക്കായി ആശുപത്രിയിൽ പ്രവേശിപ്പിച്ചതായും സദ്രാൻ പറഞ്ഞു. അതേസമയം, കിഴക്കൻ ലഗ്മാൻ പ്രവിശ്യയിൽ കാബൂളിനും നംഗർഹാറിനും ഇടയിൽ ഇതേ ഹൈവേയുടെ അവസാനത്തിനടുത്തായി നാല് കൂട്ടിയിടികൾ ഉണ്ടായി. അതില്‍ 15 പേർ കൊല്ലപ്പെട്ടതായി ലഗ്മാൻ പോലീസ് മേധാവിയുടെ പ്രസ്താവനയിൽ പറയുന്നു. ലാഗ്മാൻ പ്രവിശ്യയുടെ മറ്റ് ഭാഗങ്ങളിൽ ഒരാൾ കൊല്ലപ്പെടുകയും ആറ് പേർക്ക് പരിക്കേൽക്കുകയും ചെയ്തു. പരിക്കേറ്റവരെ…

റോം: സെൻ്റ് പീറ്റേഴ്‌സ് സ്‌ക്വയറിലേക്ക് പോകുന്നവരുടെ പതിവ് സെക്യൂരിറ്റി ചെക്കിംഗിനിടെ കത്തിയുമായി വന്ന ഒരാളെ ഞായറാഴ്ച അറസ്റ്റ് ചെയ്തതായി പോലീസ് വക്താവ് പറഞ്ഞു. വത്തിക്കാനിലെ സെൻ്റ് പീറ്റേഴ്‌സ് ബസിലിക്കയിലേക്കുള്ള റോഡായ വിയാ ഡെല്ല കോൺസിലിയാസിയോണിൽ രാവിലെയാണ് പരിശോധനയ്ക്ക് വിധേയനായ ഇറ്റാലിയൻ വംശജനായ 51 കാരനെ അറസ്റ്റു ചെയ്തതെന്ന് വക്താവ് പറഞ്ഞു. അയാളെ നിരായുധനാക്കാനുള്ള ശ്രമത്തിനിടയില്‍ ഒരു ഉദ്യോഗസ്ഥന് നിസാര പരിക്കേറ്റതായും പോലീസ് പറഞ്ഞു. തീവ്രവാദവുമായി ബന്ധപ്പെട്ട ആവശ്യങ്ങൾക്കായാണ് ഇയാൾ കത്തി കൈവശം വച്ചതെന്നതിന് തെളിവുകളൊന്നും ലഭിച്ചിട്ടില്ലെന്നും, ഒരു ഉദ്യോഗസ്ഥനെ പരിക്കേൽപ്പിക്കുകയും ചെറുത്തുനിൽക്കുകയും ചെയ്ത കുറ്റത്തിനാണ് അറസ്റ്റ് ചെയ്തതെന്നും വക്താവ് കൂട്ടിച്ചേർത്തു. അറസ്റ്റിലായയാൾ മാനസിക അസ്വാസ്ഥ്യമുള്ളയാളാണെന്നും സൂചനയുണ്ട്.

തിരുവനന്തപുരം : ജീവകാരുണ്യ പ്രവർത്തനത്തിൻ്റെ മറവിൽ പണപ്പിരിവ് നടത്തിയെന്നാരോപിച്ച് സ്വപ്നക്കൂട് ചാരിറ്റബിൾ സൊസൈറ്റി സെക്രട്ടറി ഹാരിസിനെതിരെ പരാതി. ജീവനക്കാരുടെ പേരിൽ അവരറിയാതെ ട്രസ്റ്റ് രൂപീകരിച്ചെന്നാണ് പരാതി. തിരുവനന്തപുരത്ത് പ്രവർത്തിക്കുന്ന സ്വപ്നക്കൂട് എന്ന സംഘടനയ്ക്ക് വേണ്ടി കോഴിക്കോട് ജില്ലയിൽ ഫണ്ട് സ്വരൂപിച്ചു എന്നാണ് ഹാരിസിനെതിരെയുള്ള കേസ്. കോഴിക്കോട് കൂത്താളിയിലാണ് പണപ്പിരിവ് പ്രവർത്തനങ്ങൾ നടന്നത്. കൂടാതെ നൻമണ്ടയിൽ നിന്നുള്ള ശ്രീജയെ സെക്രട്ടറിയായി നിയമിച്ച് ഹാരിസ് കൂത്താളിയിൽ ‘സ്നേഹതീരം കൂട്ടായ്മ’ എന്ന പേരിൽ മറ്റൊരു ട്രസ്റ്റ് ആരംഭിച്ചു. എന്നാൽ, ഇക്കാര്യം തനിക്ക് അറിയില്ലെന്ന് ശ്രീജ പോലീസിനെ അറിയിക്കുകയും ഹാരിസും ഭാര്യ സമീറയും തൻ്റെ വ്യാജ ഒപ്പ് ഉപയോഗിച്ചാണ് ട്രസ്റ്റ് രജിസ്റ്റർ ചെയ്തതെന്നും ആരോപിച്ചു. തുടർന്ന് ഹാരിസിനും സമീറയ്ക്കുമെതിരെ വ്യാജരേഖ ചമച്ചതിന് കേസെടുത്തു. സ്‌നേഹതീരം ചാരിറ്റബിൾ ട്രസ്റ്റിൻ്റെ രജിസ്‌ട്രേഷൻ റദ്ദാക്കണമെന്നാവശ്യപ്പെട്ട് ശ്രീജ കലക്ടർക്ക് പരാതി നൽകിയിട്ടുണ്ട്. എന്നാല്‍, ശ്രീജ തങ്ങളുമായി യോജിക്കുകയും തങ്ങളുടെ…

കൊച്ചി: മട്ടാഞ്ചേരിയിലെ ജ്യൂ ടൗണിലെ സിനഗോഗ് ലെയ്‌നിലേക്കുള്ള പ്രവേശന കവാടത്തിലുള്ള പൈതൃക കെട്ടിടത്തിൻ്റെ ടൈൽ പാകിയ മേൽക്കൂരയുടെ ഒരു ഭാഗം മെറ്റൽ ഷീറ്റുകൾ ഉപയോഗിച്ച് മാറ്റി സ്ഥാപിക്കാനുള്ള ശ്രമം പ്രശസ്ത പൈതൃക നഗരത്തിലെ കരകൗശല-വ്യാപാരി അസോസിയേഷൻ്റെയും മറ്റുള്ളവരുടെയും പ്രതിഷേധത്തെ തുടർന്ന് ശനിയാഴ്ച നിർത്തിവച്ചു. ഈ കെട്ടിടത്തിൽ കൊച്ചിൻ ഓയിൽ മർച്ചൻ്റ്സ് അസോസിയേഷൻ്റെ ഓഫീസും വാടകയ്ക്ക് എടുത്ത ഏതാനും കടകളും ഉണ്ട്. മുൻ മേയർ കെ.ജെ.സോഹൻ, കൊച്ചി കോർപറേഷൻ ആരോഗ്യ സ്റ്റാൻഡിങ് കമ്മിറ്റി ചെയർമാൻ ടി.കെ.അഷ്‌റഫ് എന്നിവരും പൈതൃക ചട്ടലംഘനം ചൂണ്ടിക്കാട്ടി കെട്ടിടത്തിനു മുന്നിൽ സമരം നടത്തിയവരിൽ ഉൾപ്പെടുന്നു. പൈതൃക ഘടനകൾ ഭാവിതലമുറയ്‌ക്കായി സംരക്ഷിക്കപ്പെടേണ്ടതാണെന്നും, അല്ലെങ്കിൽ മാനദണ്ഡങ്ങൾക്കനുസൃതമായി നവീകരിക്കണമെന്നും വാദിച്ച പ്രതിഷേധക്കാർ, പൈതൃക ഘടനകൾ, സിനഗോഗ്, ഡച്ച് കൊട്ടാരം എന്നിവ കാണാൻ ലോകമെമ്പാടുമുള്ള ആയിരക്കണക്കിന് വിനോദസഞ്ചാരികൾ ഈ പ്രദേശം സന്ദർശിക്കുന്നുണ്ടെന്ന് പറഞ്ഞു. പുരാവസ്തു വകുപ്പിൻ്റെ അറിവോടെയാണ് മേൽക്കൂരയുടെ ഒരു…