ന്യൂഡല്‍ഹി: ഉത്തരാഖണ്ഡിലെ ഹൽദ്വാനിയിൽ ഇസ്‌ലാമിക് സെമിനാരി തകർത്തതിൻ്റെ പേരിൽ നടന്ന അക്രമത്തെത്തുടർന്ന് ബുർഖ ധരിച്ച സ്ത്രീകൾ ഡ്യൂട്ടിയിലായിരുന്ന ഉദ്യോഗസ്ഥർക്ക് നേരെ കല്ലെറിയുകയായിരുന്നുവെന്ന് പോലീസ് അവകാശപ്പെട്ടു. ബൻഭൂൽപുര അക്രമത്തിൽ കോളിളക്കം സൃഷ്ടിച്ച സ്ത്രീകളെ നിയമം കൊണ്ട് നേരിടാൻ തയ്യാറാകുകയാണെന്ന് ഔദ്യോഗിക വൃത്തങ്ങൾ അറിയിച്ചു. നൈനിറ്റാൾ പോലീസ് സൂപ്രണ്ട് പ്രഹ്ലാദ് നാരായൺ മീണയാണ് കൈയ്യേറ്റ വിരുദ്ധ സമരത്തിനിടെ ബുർഖ ധരിച്ച സ്ത്രീകൾ പോലീസുകാരെ കല്ലെറിഞ്ഞ് ആക്രമിച്ചതെന്ന് ആരോപിച്ചത്. ദൃശ്യങ്ങളുടെ അടിസ്ഥാനത്തിൽ പ്രതികളെ തിരിച്ചറിഞ്ഞു വരികയാണെന്നും അദ്ദേഹം പറഞ്ഞു. ന്യൂനപക്ഷങ്ങളെ നിരാശരാക്കി, ഫെബ്രുവരി 8 വ്യാഴാഴ്ച അധികാരികൾ സർക്കാർ ഭൂമി കൈയ്യേറി നിർമ്മിച്ചതാണെന്ന് ആരോപിച്ച് ഹൽദ്വാനിയിലെ ഭ്ൻഭൂൽപുരയില്‍ സ്ഥിതി ചെയ്യുന്ന ഒരു മദ്രസയും ഒരു പള്ളിയും തകർത്തു. അപ്രതീക്ഷിതമായ ഈ നടപടിയില്‍ പ്രദേശത്ത് സംഘര്‍ഷം പൊട്ടിപ്പുറപ്പെടുകയും, അക്രമത്തില്‍ ആറ് പേര്‍ കൊല്ലപ്പെടുകയും, 60 ലധികം പേർക്ക് പരിക്കേൽക്കുകയും ചെയ്തു. കൂടാതെ 300-ലധികം…
ഹൽദ്വാനി ആക്രമണം: പ്രദേശവാസികളായ മുസ്ലീങ്ങള്‍ ആക്രമണം ഒഴിവാക്കാൻ പ്രദേശത്തു നിന്ന് പലായനം ചെയ്യുന്നു
