Month: February 2024

പാലക്കാട്: സംസ്ഥാനത്തെ ഇടതുപക്ഷ ജനാധിപത്യ മുന്നണി (എൽഡിഎഫ്) സർക്കാരിന് മുതലാളിത്ത മനോഭാവമാണെന്ന് ഭാരതീയ മസ്ദൂർ സംഘ് (ബിഎംഎസ്) ദേശീയ സെക്രട്ടറി വി.രാധാകൃഷ്ണൻ ആരോപിച്ചു. ക്ഷേമ പെൻഷൻ കിട്ടാതെ ആയിരക്കണക്കിന് ആളുകൾ കഷ്ടപ്പെടുമ്പോൾ മുഖ്യമന്ത്രി പിണറായി വിജയനും സംഘവും ഡൽഹിയിൽ സമര നാടകം സംഘടിപ്പിക്കുകയാണെന്ന് വെള്ളിയാഴ്ച ബിഎംഎസ് 20-ാമത് സംസ്ഥാന സമ്മേളനം ഉദ്ഘാടനം ചെയ്തുകൊണ്ട് രാധാകൃഷ്ണൻ പറഞ്ഞു. എല്ലാ രംഗത്തും പരാജയപ്പെട്ടപ്പോഴാണ് സംസ്ഥാന സർക്കാർ കേന്ദ്രത്തിനെതിരെ ഇറങ്ങിപ്പുറപ്പെട്ടതെന്നും അദ്ദേഹം പറഞ്ഞു. പൊതുമേഖലയുടെ സംരക്ഷണത്തിനായി മുറവിളി കൂട്ടുന്ന സി.പി.ഐ.എം നേതൃത്വത്തിലുള്ള സർക്കാർ ബജറ്റിൽ പൊതുമേഖലയുടെ സ്വകാര്യവൽക്കരണം പ്രഖ്യാപിച്ചിട്ടുണ്ട്. ഊരാലുങ്കലിന് (ഊരാലുങ്കല്‍ ലേബർ കോൺട്രാക്ട് കോഓപ്പറേറ്റീവ് സൊസൈറ്റി) കീഴടങ്ങാൻ കെഎസ്ആർടിസിയെ പ്രേരിപ്പിക്കാനാണ് ശ്രമിക്കുന്നതെന്നും രാധാകൃഷ്ണൻ പറഞ്ഞു. അഴിമതിയും വഞ്ചനയും കാര്യക്ഷമതയില്ലായ്മയും സ്വജനപക്ഷപാതവും കുപ്രചരണവുമെല്ലാം സംസ്ഥാന സർക്കാരിൻ്റെ പര്യായമായി മാറിയിരിക്കുകയാണെന്ന് യോഗത്തിൽ അദ്ധ്യക്ഷത വഹിച്ച ബിഎംഎസ് സംസ്ഥാന പ്രസിഡൻ്റ് സി. ഉണ്ണികൃഷ്ണൻ ഉണ്ണിത്താൻ…

എറണാകുളം: നാടെങ്ങും സ്ത്രീകൾക്ക് ആവേശം പകരുന്ന അതിജീവനത്തിൻ്റെ കഥയാണ് കൊല്ലം സ്വദേശി പ്രസീതയ്ക്ക് പറയാനുള്ളത്. മൂന്ന് വർഷമായി ക്യാൻസറുമായി മല്ലിട്ട പ്രസീത ഇപ്പോൾ ഒരു സംരംഭകയായി വിജയിക്കുകയാണിപ്പോള്‍. രോഗം ബാധിച്ച് ശാരീരികമായി അവശതയിലായപ്പോൾ മനക്കരുത്തും നിശ്ചയദാർഢ്യവും പ്രസീതയെ തൻ്റെ സംരംഭം കെട്ടിപ്പടുക്കാന്‍ പ്രചോദനം നല്‍കി. സ്‌കിൽ ഇന്ത്യ മിഷൻ്റെ ഭാഗമായ പ്രധാൻ മന്ത്രി കൗശൽ കേന്ദ്രയിൽ പിഎംകെവിവൈ സ്‌കീമിന് കീഴിലുള്ള അപ്പാരൽ കോഴ്‌സിന് ചേർന്നതോടെയാണ് പ്രസീതയുടെ ജീവിതം മാറിമറിഞ്ഞത്. ഇതോടെ സംരംഭകത്വമെന്ന സ്വപ്നത്തിലേക്ക് ഒരു ചുവടുകൂടി വയ്ക്കാൻ പ്രസീതയ്ക്ക് കഴിഞ്ഞു. വസ്ത്ര വ്യവസായത്തെക്കുറിച്ച് കൂടുതൽ മനസ്സിലാക്കാനും സാങ്കേതിക മേഖലകളിൽ ആഴത്തിലുള്ള അറിവ് നേടാനും ഈ പദ്ധതി പ്രസീതയെ സഹായിച്ചു. ഇതുകൂടാതെ ഉല്പന്നങ്ങൾക്ക് എങ്ങനെ വിപണി കണ്ടെത്താമെന്നും പരിശീലന പരിപാടിയിലൂടെ പ്രസീതയ്ക്ക് പഠിക്കാൻ കഴിഞ്ഞു. കോഴ്‌സ് പൂർത്തിയാക്കിയ ശേഷം പ്രസീത നൈപുണ്യ സർട്ടിഫിക്കറ്റ് നേടുകയും പ്രധാനമന്ത്രി തൊഴിലുറപ്പ് പദ്ധതിയിൽ…

പട്ടിണിയിലേക്കും ദാരിദ്ര്യത്തിലേക്കും നീങ്ങിയ നാടിനെ കാർഷിക സ്വയംപര്യാപ്തതയിലേക്ക് കൊണ്ടുവന്നത് എം എസ് സ്വാമിനാഥനാണ്. ഇന്ത്യൻ ഹരിതവിപ്ലവത്തിൻ്റെ പിതാവും പ്രമുഖ കാർഷിക ശാസ്ത്രജ്ഞനുമായ എം എസ് സ്വാമിനാഥന് ഭാരതരത്നം നല്‍കി ആദരിക്കുന്നത് ഏറ്റവും ഉചിതമായ തീരുമാനമാണ്. 1960കളില്‍ ദാരിദ്ര്യത്തിൻ്റെ ഏറ്റവും മോശമായ രൂപമായ പട്ടിണിയിലേക്ക് രാജ്യം നീങ്ങിയപ്പോള്‍ ദുരിതകാലത്തിന് അറുതി വരുത്തി, വിശപ്പിൻ്റെ കാഠിന്യത്തിൽ നിന്ന് കൈപിടിച്ചുയർത്തി രാജ്യത്തെ കാർഷിക സ്വയംപര്യാപ്തതയിലേക്ക് നയിച്ച ഹരിത വിപ്ലവ നായകനാണ് എം.എസ്.സ്വാമിനാഥൻ. നാടിന്‍റെ പട്ടിണി മാറ്റാന്‍ കൈമെയ് മറന്ന് അധ്വാനിക്കുന്ന കര്‍ഷകര്‍ക്ക് പട്ടിണിയില്‍ നിന്ന് മോചനം എങ്ങനെ സാധ്യമാക്കുമെന്ന് നിരന്തരം ചിന്തിച്ചു കൊണ്ടിരുന്ന ഗവേഷകനായിരുന്നു എം എസ് സ്വാമിനാഥന്‍. അതിന്‍റെ ഉത്തരമായിരുന്നു ഇന്ത്യയുടെ ഹരിത വിപ്ലവം. 1925 ഓഗസ്റ്റ് 7ന് തമിഴ്‌നാട്ടിലെ കുംഭകോണത്ത് ജനിച്ച് കേരളത്തിലെ കുട്ടനാട്ടില്‍ വളര്‍ന്ന സ്വാമിനാഥന്‍ ഇന്ത്യന്‍ അഗ്രിക്കള്‍ച്ചറല്‍ റിസര്‍ച്ച് ഇന്‍സ്റ്റിറ്റ്യൂട്ട് ഡയറക്‌ടറായിരുന്ന നാളുകളാണ് ഇന്ത്യന്‍ കാര്‍ഷിക…

തിരുവനന്തപുരം: ഹരിത വിപ്ലവത്തിൻ്റെ പിതാവായി വാഴ്ത്തപ്പെടുന്ന എംഎസ് സ്വാമിനാഥന് ഇന്ത്യയുടെ പരമോന്നത സിവിലിയൻ ബഹുമതിയായ ഭാരതരത്‌നം നൽകിയതിൽ ശ്രദ്ധാഞ്ജലിയര്‍പ്പിച്ച് നടൻ സുരേഷ് ഗോപി. “ഭാരതരത്‌ന ലഭിച്ചതിൽ ഇതിഹാസനായ എംഎസ് സ്വാമിനാഥൻ സാറിന് ഹൃദയംഗമമായ കൃതഞ്ജത! കൃഷിക്കും സുസ്ഥിര വികസനത്തിനും നിങ്ങൾ നൽകിയ സമാനതകളില്ലാത്ത സംഭാവനകൾ നമ്മുടെ രാജ്യത്ത് മായാത്ത മുദ്ര പതിപ്പിച്ചിട്ടുണ്ട്. ഒരു യഥാർത്ഥ ദർശനത്തിന് അർഹമായ ബഹുമതി! നമ്മുടെ മാതൃരാജ്യത്തോടുള്ള നിങ്ങളുടെ അചഞ്ചലമായ പ്രതിബദ്ധതയുടെ തെളിവാണ് ഈ ബഹുമതി. ജയ് ഹിന്ദ്!” സുരേഷ് ഗോപി ഫെയ്സ്ബുക്കില്‍ കുറിച്ചു. എം എസ് സ്വാമിനാഥൻ്റെ ജന്മനാടായ ആലപ്പുഴയിലെ മങ്കൊമ്പുമായുള്ള തൻ്റെ പൂർവിക ബന്ധം ചൂണ്ടിക്കാട്ടി മലയാളി എന്ന നിലയിലുള്ള അഭിമാനവും സുരേഷ് ഗോപി പ്രകടിപ്പിച്ചു. മങ്കൊമ്പ് സ്വദേശിയായ ഒരാൾക്ക് ഇത്തരമൊരു മഹത്തായ ബഹുമതി ലഭിച്ചതിൽ അദ്ദേഹം അതിയായ സന്തോഷവും അഭിമാനവും പ്രകടിപ്പിച്ചു. https://www.facebook.com/ActorSureshGopi/posts/930930085068676?ref=embed_post