Month: February 2024

വാഷിംഗ്ടൺ: 3.99 ബില്യൺ യുഎസ് ഡോളര്‍ മൂല്യം വരുന്ന 31 MQ-9B സായുധ ഡ്രോണുകൾ ഇന്ത്യയ്ക്ക് വിൽക്കാൻ യുഎസ് വ്യാഴാഴ്ച അംഗീകാരം നൽകി. ഇത് കടൽ പാതകളിൽ ആളില്ലാ നിരീക്ഷണവും നിരീക്ഷണ പട്രോളിംഗും പ്രാപ്തമാക്കുന്നതിലൂടെ നിലവിലുള്ളതും ഭാവിയിലുള്ളതുമായ ഭീഷണികളെ നേരിടാനുള്ള ഇന്ത്യയുടെ കഴിവിനെ ശക്തിപ്പെടുത്തും. 2023 ജൂണിൽ പ്രധാനമന്ത്രി നരേന്ദ്ര മോദിയുടെ ചരിത്രപരമായ യു എസ് സന്ദർശന വേളയിലാണ് നിർദ്ദിഷ്ട മെഗാ ഡ്രോൺ കരാർ പ്രഖ്യാപിച്ചത്. 3.99 ബില്യൺ യുഎസ് ഡോളറിന് എംക്യു-9 ബി റിമോട്ട് പൈലറ്റഡ് എയർക്രാഫ്റ്റും അനുബന്ധ ഉപകരണങ്ങളും ഇന്ത്യൻ ഗവൺമെൻ്റിന് വില്‍ക്കാനുള്ള അനുമതി നല്‍കാന്‍ സ്റ്റേറ്റ് ഡിപ്പാർട്ട്മെൻ്റ് തീരുമാനിച്ചതായി ഡിഫൻസ് സെക്യൂരിറ്റി കോഓപ്പറേഷൻ ഏജൻസി (DSCA) ഒരു പ്രസ്താവനയില്‍ പറഞ്ഞു. ഈ വിൽപ്പനയെക്കുറിച്ച് കോൺഗ്രസിനെ അറിയിക്കുന്നതിന് ആവശ്യമായ സർട്ടിഫിക്കേഷൻ വ്യാഴാഴ്ച കൈമാറിയതായി ഏജൻസി അറിയിച്ചു. “ഈ നിർദിഷ്ട വിൽപ്പന യു.എസ്-ഇന്ത്യൻ തന്ത്രപരമായ ബന്ധം…

ഇസ്രായേലും ഹമാസും തമ്മിൽ നടന്നുകൊണ്ടിരിക്കുന്ന യുദ്ധത്തിൽ ഫലസ്തീനികളെ പിന്തുണച്ചതിനെത്തുടർന്ന് അനുഭവിച്ച പീഡനങ്ങളിൽ നിന്ന് മതിയായ സംരക്ഷണം നൽകുന്നതിൽ പരാജയപ്പെട്ടതിന് ഹാർവാർഡ് സർവകലാശാലയിലെ വിദ്യാർത്ഥികൾ സർവകലാശാലയ്‌ക്കെതിരെ പൗരാവകാശ ലംഘനത്തിന് പരാതി നൽകി. ജനുവരി 29 തിങ്കളാഴ്ചയാണ് മുസ്ലീം ലീഗൽ ഫണ്ട് ഓഫ് അമേരിക്ക (MLFA) വിദ്യാഭ്യാസ വകുപ്പിൻ്റെ പൗരാവകാശങ്ങൾക്കായുള്ള ഓഫീസിൽ പരാതി നൽകിയത്. ഫലസ്തീൻ അവകാശങ്ങളെ പിന്തുണയ്ക്കുന്നവരെയും, ഫലസ്തീന്‍, അറബ്, മുസ്ലീം വിദ്യാർത്ഥികളെയും ഉപദ്രവിക്കൽ, ഭീഷണിപ്പെടുത്തൽ എന്നിവയിൽ നിന്ന് സംരക്ഷിക്കുന്നതിൽ ഹാർവാർഡ് പരാജയപ്പെട്ടതിനെ കുറിച്ച് അടിയന്തര അന്വേഷണം ആവശ്യപ്പെട്ട് ഒരു ഡസനിലധികം വിദ്യാർത്ഥികൾക്ക് വേണ്ടിയാണ് പരാതി നൽകിയതെന്ന് MLFA ഒരു പ്രസ്താവനയിൽ പറഞ്ഞു . ഫലസ്തീനികൾ, മുസ്‌ലിംകൾ, ഫലസ്തീൻ അവകാശങ്ങളെ പിന്തുണയ്ക്കുന്നവർ എന്നീ കാരണങ്ങളാൽ വിദ്യാർത്ഥികളെ വ്യാപകമായ ഉപദ്രവവും ഡോക്‌സിംഗ്, പിന്തുടരൽ, ആക്രമണം എന്നിവയുൾപ്പെടെയുള്ള വംശീയ ആക്രമണങ്ങളും ലക്ഷ്യമിടുന്നതായി പരാതിയിൽ പറയുന്നു. കെഫിയ, പരമ്പരാഗത ഫലസ്തീൻ സ്കാർഫുകൾ മുതലായവ…

വാഷിംഗ്ടൺ: യുഎസ് വിമാനങ്ങള്‍ക്ക് ഭീഷണി ഉയർത്തിയ യെമനിലെ ഇറാൻ പിന്തുണയുള്ള ഹൂതി വിമതരുടെ മിസൈൽ അമേരിക്കൻ സേന ബുധനാഴ്ച തകർത്തതായി യുഎസ് സെൻട്രൽ കമാൻഡ് (CENTCOM) പ്രസ്താവനയിൽ പറഞ്ഞു. യുണൈറ്റഡ് സ്റ്റേറ്റ്സ് ബ്രിട്ടനുമായി ഏകപക്ഷീയമായും സംയുക്തമായും ഹൂതികൾക്കെതിരെ ആക്രമണം നടത്തിയിട്ടുണ്ട്. എന്നാൽ, മുൻകാല വ്യോമാക്രമണങ്ങൾക്ക് വിപരീതമായി അന്താരാഷ്ട്ര ഷിപ്പിംഗിനെ ലക്ഷ്യമിടാനുള്ള വിമതരുടെ കഴിവ് കുറയ്ക്കുന്നതിലാണ് ശ്രദ്ധ കേന്ദ്രീകരിക്കുന്നതെന്ന് പ്രസ്താവനയില്‍ പറഞ്ഞു. യുഎസ് വിമാനങ്ങൾക്ക് ആസന്നമായ ഭീഷണി ഉയർത്തുന്നു എന്ന് നിർണ്ണയിച്ചതിന് ശേഷമാണ് വിക്ഷേപിക്കാൻ തയ്യാറാക്കി നിര്‍ത്തിയിരുന്ന ഒരു ഹൂതി ഭൂതല മിസൈൽ അമേരിക്കൻ സേന തകർത്തതെന്ന് സെൻട്രൽ കമാൻഡ് പ്രസ്താവനയിൽ പറഞ്ഞു. ഏത് തരത്തിലുള്ള വിമാനമാണ് ഭീഷണി നേരിടുന്നതെന്നോ ആക്രമണം നടന്ന സ്ഥലത്തെക്കുറിച്ചോ CENTCOM പറഞ്ഞിട്ടില്ല. അത് നടന്നത് യെമനിലെ ഹൂതി നിയന്ത്രിത പ്രദേശങ്ങളിലാണെന്നു മാത്രമേ പറഞ്ഞുള്ളൂ. യുഎസിൻ്റെയും യുകെയുടെയും വിമാനങ്ങൾ വടക്കൻ നഗരമായ സാദയെ ലക്ഷ്യം…

കിഴക്കൻ ഉക്രെയ്‌നിൽ “ഭീകരവാദത്തിന്” റഷ്യ ധനസഹായം നൽകുന്നുവെന്ന ഉക്രെയ്‌നിൻ്റെ അവകാശവാദങ്ങൾ ഐക്യരാഷ്ട്രസഭയുടെ സുപ്രീം കോടതി ബുധനാഴ്ച മിക്കവാറും തള്ളി. കിഴക്കൻ ഉക്രെയ്‌നിലെ റഷ്യൻ അനുകൂല വിഘടനവാദികൾക്കുള്ള പിന്തുണ 2022-ലെ സമ്പൂർണ അധിനിവേശത്തിന് തുടക്കമിട്ട മോസ്കോ ഒരു “ഭീകര രാഷ്ട്രം” ആണെന്ന് കൈവ് ആരോപിച്ചിരുന്നു. സംഘർഷത്തിൽ കുടുങ്ങിയ എല്ലാ സിവിലിയൻമാർക്കും കിഴക്കൻ ഉക്രെയ്‌നിനു മുകളില്‍ വെച്ച് വെടിവച്ച് വീഴ്ത്തിയ മലേഷ്യൻ എയർലൈൻസ് ഫ്ലൈറ്റ് എംഎച്ച് 17 ൻ്റെ ഇരകൾക്കും നഷ്ടപരിഹാരം റഷ്യ നൽകണമെന്ന് അവര്‍ ആവശ്യപ്പെട്ടു. എന്നാൽ, അന്താരാഷ്ട്ര നീതിന്യായ കോടതി (ICJ) ഉക്രെയ്നിൻ്റെ ഭൂരിഭാഗം ഹർജികളും തള്ളിക്കളഞ്ഞു, “കുറ്റകൃത്യങ്ങൾ ചെയ്തുവെന്ന് ആരോപിക്കപ്പെടുന്ന വ്യക്തികളെ സംബന്ധിച്ച വസ്തുതകൾ അന്വേഷിക്കാൻ നടപടികൾ സ്വീകരിക്കുന്നതിൽ റഷ്യ പരാജയപ്പെട്ടു” എന്ന് മാത്രം വിധിയില്‍ എഴുതി. ഉക്രെയ്ൻ സമർപ്പിച്ച മറ്റെല്ലാ ഹര്‍ജികളും ICJ നിരസിക്കുന്നു എന്നും പ്രസ്താവനയിൽ പറഞ്ഞു. ഈ കേസ് 2022 ൽ…

ഇന്ത്യാന: ഇന്ത്യൻ വിദ്യാർത്ഥി നീൽ ആചാര്യയുടെ പോസ്റ്റ്‌മോർട്ടത്തിൽ ആഘാതത്തിൻ്റെയോ കാര്യമായ മുറിവോ ചതവോ മറ്റു പരിക്കുകളുടെയോ ലക്ഷണങ്ങൾ കണ്ടെത്തിയിട്ടില്ലെന്നും, പർഡ്യൂ യൂണിവേഴ്‌സിറ്റി വിദ്യാർത്ഥിയുടെ മരണത്തിൽ “ഫൗൾ പ്ലേ” സംശയിക്കുന്നില്ലെന്നും യുഎസ് കൗണ്ടി കൊറോണർ സ്ഥിരീകരിച്ചു. ആചാര്യയുടെ അടുത്ത ബന്ധുക്കളെ ചൊവ്വാഴ്ച കണ്ടുമുട്ടിയതായി ടിപ്പേനോ കൗണ്ടി കൊറോണർ കാരി കോസ്റ്റെല്ലോ പറഞ്ഞു. മരണത്തിൻ്റെ യഥാര്‍ത്ഥ കാരണത്തെക്കുറിച്ചുള്ള റിപ്പോർട്ട് ഇനിയും ലഭിക്കാനുണ്ടെന്നും അവർ പറഞ്ഞു. “ഇത് ടിപ്പേകാനോ കൗണ്ടി കൊറോണർ ഓഫീസും പർഡ്യൂ യൂണിവേഴ്സിറ്റി പോലീസ് ഡിപ്പാർട്ട്‌മെൻ്റുമായി നടന്നു കൊണ്ടിരിക്കുന്ന അന്വേഷണമാണ്,” കോസ്റ്റെല്ലോ കൂട്ടിച്ചേർത്തു. ആചാര്യയുടെ അടുത്ത ബന്ധുക്കളെ കണ്ട കോസ്റ്റെല്ലോ, “ദുഷ്‌കരമായ സമയ”ത്തിലൂടെ കടന്നുപോകുന്ന അവരോട് തൻ്റെ അഗാധമായ ദുഃഖവും അനുശോചനവും അറിയിച്ചു. പർഡ്യൂ യൂണിവേഴ്‌സിറ്റി കാമ്പസിലെ മൗറീസ് ജെ സുക്രോ ലബോറട്ടറിക്ക് പുറത്ത് ഇക്കഴിഞ്ഞ ഞായറാഴ്ച രാവിലെ 11.30 ഓടെയാണ് ആചാര്യയെ മരിച്ച നിലയില്‍ കണ്ടെത്തിയത്. ജോൺ…