Month: March 2024

വെല്ലിംഗ്ടൺ: പുണ്യമുള്ളതും എന്നാൽ ദുർബലവുമായ ജീവികളെ സംരക്ഷിക്കാനുള്ള ശ്രമത്തിൽ, തിമിംഗലങ്ങൾക്കും ആളുകൾക്ക് നൽകുന്ന അതേ നിയമപരമായ അവകാശങ്ങൾ നൽകണമെന്ന് ന്യൂസിലാൻ്റിലെ തദ്ദേശീയ മാവോറി ജനത ആഹ്വാനം ചെയ്തു. മഹത്തായ സമുദ്ര സസ്തനികൾക്ക് അവയുടെ ജനസംഖ്യ പുനഃസ്ഥാപിക്കാൻ അനുവദിക്കുന്നതിന് ആരോഗ്യകരമായ അന്തരീക്ഷം പോലുള്ള അന്തർലീനമായ അവകാശങ്ങൾ നൽകണമെന്ന് കിംഗി തുഹെയ്‌തിയ പൊട്ടാറ്റൗ ടെ വീറോഹീറോ VII (Kiingi Tuheitia Potatau te Wherowhero VII) പറഞ്ഞു. “ഞങ്ങളുടെ പൂർവ്വികരുടെ പാട്ടിൻ്റെ ശബ്ദം ദുർബലമായി, അവളുടെ ആവാസവ്യവസ്ഥ ഭീഷണിയിലാണ്, ഞങ്ങള്‍ പ്രവർത്തിക്കേണ്ട സമയമാണിത്,” തുഹെയ്തിയ രാജാവ് ഒരു അപൂർവ പൊതു പ്രസ്താവനയിൽ പറഞ്ഞു. മാവോറി ജനതയ്ക്ക് പ്രാധാന്യമുള്ള നദികളും മലകളും പോലുള്ള പ്രകൃതി സവിശേഷതകൾക്ക് നിയമപരമായ പദവി നൽകുന്ന നിയമങ്ങൾ ന്യൂസിലാൻഡ് മുമ്പ് പാസാക്കിയിട്ടുണ്ട്. ന്യൂസിലൻഡിലെ നോർത്ത് ഐലൻഡിലുള്ള മൗണ്ട് തരാനകി അഗ്നിപർവ്വതവും വാംഗനുയി നദിയും മാവോറികൾ പൂർവ്വികരും ആത്മീയ…

കണ്ണൂർ: രാജ്യത്ത് പൊതുവിതരണ സംവിധാനമില്ലാത്ത ഏക സംസ്ഥാനമാണ് പുതുച്ചേരി. റേഷൻ വിതരണത്തിൽ അഴിമതി നടന്നുവെന്നാരോപിച്ച് ഗവർണർ കിരൺ ബേദിയുടെ ഉത്തരവനുസരിച്ച് നാലുവർഷം മുമ്പ് പുതുച്ചേരിയിലും പുതുച്ചേരിയുടെ ഭാഗമായ മാഹിയിലും റേഷൻ വിതരണം നിർത്തിവച്ചിരുന്നു. ജനാധിപത്യ രാജ്യത്ത് കേട്ടുകേൾവിയില്ലാത്ത നടപടികളാണ് ഗവർണർ സ്വീകരിച്ചതെന്നാണ് ആരോപണം. റേഷൻ കാർഡ് ഉടമകൾക്ക് മാസംതോറും റേഷൻ തുക ബാങ്ക് അക്കൗണ്ട് വഴി നൽകുമെന്നായിരുന്നു വാഗ്ദാനം. ബിപിഎൽ വിഭാഗത്തിന് പ്രതിമാസം 600 രൂപയും എപിഎൽ വിഭാഗത്തിന് 300 രൂപയുമാണ് അരി ഉൾപ്പെടെ എട്ട് ധാന്യങ്ങൾക്ക് ലഭിക്കേണ്ടിയിരുന്നത്. എന്നാൽ ഈ തുക ലഭിക്കാറുണ്ടായിരുന്നില്ല. പൊതുതിരഞ്ഞെടുപ്പ് പ്രഖ്യാപിച്ചതോടെ കഴിഞ്ഞ ഫെബ്രുവരി മാസം വരെയുള്ള കുടിശ്ശിക ഉൾപ്പെടെയുള്ള തുക ലഭിച്ചു. റേഷൻ കടകൾ വഴി നല്ല രീതിയില്‍ അരിയും അനുബന്ധ ധാന്യങ്ങളും ലഭിച്ചിരുന്ന സ്ഥലമായിരുന്നു മാഹി. മാഹി എംപ്ലോയീസ് കോർപറേറ്റ് സൊസൈറ്റിക്ക് മാഹിയിലും പള്ളൂരിലുമായി പത്തിലധികം റേഷൻ കടകൾ…

എറണാകുളം: വാക്കുതര്‍ക്കത്തിനിടെ ആണ്‍സുഹൃത്തിന്റെ കുത്തേറ്റ് യുവതി ദാരുണമായി കൊല്ലപ്പെട്ടു. മൂവാറ്റുപുഴ ജനറൽ ആശുപത്രിയിലാണ് സംഭവം നടന്നത്. യുവതിയുടെ സുഹൃത്തായ പുന്നമറ്റം സ്വദേശി ഷാഹുൽ അലിയെ പൊലീസ് അറസ്റ്റ് ചെയ്തു. ഞായറാഴ്ച ഉച്ചകഴിഞ്ഞ് മൂന്ന് മണിയോടെയാണ് കേസിനാസ്പദമായ സംഭവം. മൂവാറ്റുപുഴ നിരപ്പ് സ്വദേശി സിംന ഷക്കീറാണ് മരിച്ചത്. സ്ത്രീകൾക്കും കുട്ടികൾക്കുമുള്ള പുതിയ വാർഡ് കെട്ടിടത്തില്‍ വെച്ചാണ് ആക്രമണം നടന്നത്. സിംനയും ഷാഹുലും സുഹൃത്തുക്കളായിരുന്നു. ജനറൽ ആശുപത്രിയിൽ ചികിത്സയില്‍ കഴിയുന്ന പിതാവിനെ കാണാനായിരുന്നു സിംന ആശുപത്രിയിലെത്തിയത്. ഇതേ സമയത്ത് ആശുപത്രിയിലെത്തിയ ഷാഹുല്‍ അലി സിംനയുമായി വാക്കുതർക്കത്തിൽ ഏർപ്പെടുകയും കൈയ്യിൽ കരുതിയിരുന്ന കത്തികൊണ്ട് സിംനയുടെ കഴുത്തിലും പുറത്തും കുത്തുകയായിരുന്നു എന്ന് പോലീസ് പറഞ്ഞു. ഇരുവരും നേരത്തേ അയൽവാസികളായിരുന്നു എന്നു പറയുന്നു. പ്രേമനൈരാശ്യമാണോ സിംനയെ ആക്രമിക്കാന്‍ യുവാവിനെ പ്രേരിപ്പിച്ചത് എന്ന് വ്യക്തമല്ല. ആക്രമണത്തിന് ശേഷം ബൈക്കിൽ രക്ഷപ്പെടാൻ ശ്രമിച്ച യുവാവിനെ പോലീസ് കൈയ്യോടെ…

കാസർകോട്: റിയാസ് മൗലവി വധക്കേസിൽ പ്രോസിക്യൂഷനും പോലീസിനും ഗുരുതര വീഴ്ചയുണ്ടായെന്ന് പ്രതിപക്ഷ നേതാവ് വി.ഡി.സതീശൻ. പ്രതികളെ രക്ഷിക്കാൻ ഭരണനേതൃത്വം ഗൂഢാലോചന നടത്തിയെന്നും സിപിഎമ്മിൻ്റെ നേതൃത്വത്തിൽ ആർഎസ്എസ് നേതാക്കളുമായി മുഖ്യമന്ത്രി നടത്തിയ ചർച്ചയുടെ ഫലമാണോ വിധിയെന്ന് വ്യക്തമാക്കണമെന്നും അദ്ദേഹം പറഞ്ഞു. ആർഎസ്എസും പിണറായിയും തമ്മിൽ ഊഷ്മള ബന്ധമാണുള്ളതെന്നും അദ്ദേഹം ആരോപിച്ചു. കേസ് അന്വേഷിച്ച രീതി ഏകപക്ഷീയമാണെന്ന് വിധിയില്‍ പറയുന്നു. സംഘർഷത്തിൽ ഉള്‍പ്പെടാത്ത വ്യക്തിയെ കൊലപ്പെടുത്തിയ പ്രതികൾക്ക് ശിക്ഷ ഉറപ്പാക്കേണ്ടത് പൊലീസിന്‍റെയും പ്രോസിക്യൂഷന്‍റെയും ചുമതലയായിരുന്നു. പ്രതികളുടെ ആർ എസ് എസ് ബന്ധം തെളിയിക്കുന്നതിനുള്ള ആറ് സാക്ഷികളിൽ ഒരാളെ മാത്രമാണ് വിസ്‌തരിച്ചത്. അഞ്ച് സാക്ഷികളെ വിസ്‌തരിക്കാതിരുന്നത് എന്തുകൊണ്ടെന്ന് വ്യക്തമാക്കണമെന്നും വിഡി സതീശൻ പറഞ്ഞു. മതപരമായ വിദ്വേഷത്താലാണ് നിരപരാധിയായ ഒരാളെ കൊല്ലാൻ പ്രതികൾ തയ്യാറായതെന്ന് തെളിയിക്കാൻ സാക്ഷികളുണ്ടായിട്ടും അവരെ വിസ്‌തരിച്ചില്ല എന്നത് വ്യക്തമാക്കുന്നത് ആർഎസ്എസ് പ്രവർത്തകരായ പ്രതികളെ സംരക്ഷിക്കാനുള്ള ഗൂഡാലോചന നടന്നതായാണ്. വണ്ടിപ്പെരിയാർ…