Day: March 28, 2024

കാബൂൾ: സ്ത്രീകള്‍ അവിഹിത ബന്ധത്തിൽ ഏർപ്പെട്ടാല്‍ അവരെ കല്ലെറിഞ്ഞു കൊല്ലുമെന്ന് അഫ്ഗാനിസ്ഥാനിലെ താലിബാൻ സർക്കാരിൻ്റെ പുതിയ ഉത്തരവ്. താലിബാന്‍ പരമോന്നത നേതാവ് മുല്ല ഹിബത്തുള്ള അഖുന്ദ്സാദയാണ് സ്ത്രീകൾക്കെതിരെ പുതിയ ഉത്തരവ് പുറപ്പെടുവിച്ചത്. ഒരു ഓഡിയോ സന്ദേശത്തിൽ, പാശ്ചാത്യ രാജ്യങ്ങളിലെ ജനാധിപത്യത്തെ വെല്ലുവിളിക്കുകയും ഇസ്‌ലാമിക നിയമം ശരീഅത്ത് കർശനമായി നടപ്പാക്കാൻ അഖ്ന്ദ്സാദ ഉത്തരവിടുകയും ചെയ്തു. “ഞങ്ങൾ കല്ലെറിഞ്ഞ് കൊല്ലുന്നത് സ്ത്രീകളുടെ അവകാശങ്ങളുടെ ലംഘനമാണെന്ന് നിങ്ങൾ പറയുന്നു. എന്നാൽ, വ്യഭിചാരത്തിന് ഈ ശിക്ഷയാണ് ഞങ്ങള്‍ നടപ്പിലാക്കുന്നത്. കുറ്റക്കാരായ സ്ത്രീകളെ പരസ്യമായി ചമ്മട്ടികൊണ്ട് അടിച്ചും കല്ലെറിഞ്ഞും കൊല്ലും,” അഖുന്ദ്‌സാദ പറഞ്ഞു. പാശ്ചാത്യ രാജ്യങ്ങൾ വാദിക്കുന്ന അവകാശങ്ങൾ സ്ത്രീകൾക്ക് വേണോ? അത്തരം അവകാശങ്ങളെല്ലാം ശരിയത്തിനും പുരോഹിതരുടെ അഭിപ്രായത്തിനും എതിരാണ്. പാശ്ചാത്യ ജനാധിപത്യത്തെ അട്ടിമറിച്ച അതേ പുരോഹിതന്മാർ. ഞങ്ങൾ 20 വർഷം പാശ്ചാത്യർക്കെതിരെ പോരാടി, ആവശ്യമെങ്കിൽ അടുത്ത 20 വർഷത്തേക്ക് ഞങ്ങൾ പോരാട്ടം തുടരും,…

മുംബൈ:  2024ലെ ലോക്‌സഭാ തിരഞ്ഞെടുപ്പിന് മുമ്പ് ബോളിവുഡ് താരം ഗോവിന്ദ വീണ്ടും രാഷ്ട്രീയത്തിലേക്ക് പ്രവേശിച്ചു. വ്യാഴാഴ്ച മുംബൈയിൽ മഹാരാഷ്ട്ര മുഖ്യമന്ത്രി ഏകനാഥ് ഷിൻഡെയുടെ സാന്നിധ്യത്തിൽ അദ്ദേഹം ശിവസേനയിൽ ചേർന്നു. നോർത്ത്-വെസ്റ്റ് മുംബൈ സീറ്റിൽ ശിവസേന (ഏകനാഥ് ഷിൻഡെ വിഭാഗം) ടിക്കറ്റിൽ ഗോവിന്ദ മത്സരിച്ചേക്കുമെന്നും അതിൽ ശിവസേന (യുബിടി) സ്ഥാനാർത്ഥി അമോൽ കീർത്തികറിനെ വെല്ലുവിളിക്കുമെന്നും ഊഹാപോഹമുണ്ട്. അടുത്തിടെ അദ്ദേഹം മഹാരാഷ്ട്ര മുഖ്യമന്ത്രി ഏകനാഥ് ഷിൻഡെയെ കണ്ടിരുന്നു. ഇവരുടെ കൂടിക്കാഴ്ച്ച മുതൽ ഗോവിന്ദയുടെ രാഷ്ട്രീയ പ്രവേശനത്തെക്കുറിച്ചുള്ള ഊഹാപോഹങ്ങൾക്ക് ആക്കം കൂടുകയും ചെയ്തിരുന്നു. കഴിഞ്ഞയാഴ്ച നടന്ന ഈ യോഗം ഗോവിന്ദയുടെ രാഷ്ട്രീയ തിരിച്ചുവരവിനെക്കുറിച്ചുള്ള അഭ്യൂഹങ്ങൾ ശക്തമാക്കിയിരുന്നു. ഗോവിന്ദ മുമ്പ് രാഷ്ട്രീയ രംഗത്ത് പ്രവർത്തിച്ചിട്ടുണ്ട്. 2004ൽ മുംബൈ നോർത്ത് ലോക്‌സഭാ സീറ്റിൽ കോൺഗ്രസിന് വേണ്ടി ഗോവിന്ദ മത്സരിച്ചിരുന്നു. മുതിർന്ന ബിജെപി നേതാവ് രാം നായിക്കിനെയാണ് അദ്ദേഹം പരാജയപ്പെടുത്തിയത്. എന്നാൽ, പിന്നീട് കോൺഗ്രസ് പാർട്ടിയിൽ…