ന്യൂഡൽഹി: ലോക്‌സഭാ തെരഞ്ഞെടുപ്പിൻ്റെ ആദ്യ നാല് ഘട്ടങ്ങളിലെ മൊത്തം പോളിങ് ഏകദേശം 66.95 ശതമാനം രേഖപ്പെടുത്തിയതായി തിരഞ്ഞെടുപ്പ് കമ്മീഷൻ വ്യാഴാഴ്ച അറിയിച്ചു. ഇതുവരെ 97 കോടി വോട്ടർമാരിൽ 45.10 കോടി പേർ വോട്ട് ചെയ്തതായും ഇ സി പ്രസ്താവനയില്‍ പറഞ്ഞു. വരും ഘട്ടങ്ങളിൽ വൻതോതിൽ വോട്ട് ചെയ്യാൻ വോട്ടർമാരോട് തിരഞ്ഞെടുപ്പ് പാനൽ പ്രസ്താവനയിൽ അഭ്യർത്ഥിച്ചു. പോൾ അതോറിറ്റിയുടെ കണക്കനുസരിച്ച്, മെയ് 13 ന് നടന്ന നാലാം ഘട്ട പോളിംഗിൽ പുതുക്കിയ വോട്ടിംഗ് ശതമാനം 69.16 ശതമാനമാണ്, 2019 ലെ പാർലമെൻ്റ് തെരഞ്ഞെടുപ്പിലെ അതേ ഘട്ടത്തേക്കാൾ 3.65 ശതമാനം കൂടുതലാണിത്. ലോക്‌സഭാ തെരഞ്ഞെടുപ്പിലെ മൂന്നാം ഘട്ട വോട്ടെടുപ്പിൽ പുതുക്കിയ വോട്ടർമാരുടെ കണക്ക് 65.68 ശതമാനമാണ്. 2019ലെ പൊതുതെരഞ്ഞെടുപ്പിൻ്റെ മൂന്നാം ഘട്ടത്തിൽ 68.4 ശതമാനമായിരുന്നു പോളിംഗ്. ഏപ്രിൽ 26ന് നടന്ന രണ്ടാം ഘട്ട തെരഞ്ഞെടുപ്പിൽ 66.71 ശതമാനമാണ് പോളിംഗ് രേഖപ്പെടുത്തിയത്.…
ലോക്‌സഭാ തെരഞ്ഞെടുപ്പ്: ആദ്യ നാല് ഘട്ടങ്ങളിൽ ഏകദേശം 67 ശതമാനം പോളിംഗ്
