റാഞ്ചി: കള്ളപ്പണം വെളുപ്പിക്കൽ കേസുമായി ബന്ധപ്പെട്ട റെയ്ഡിനിടെ കഴിഞ്ഞ 12 മണിക്കൂറിനുള്ളിൽ ഝാര്‍ഖണ്ഡില്‍ നിന്ന് ഏകദേശം 30 കോടി രൂപ കണ്ടെടുത്തതായി അധികൃതര്‍. അന്തിമ കണക്കെടുപ്പ് ഇപ്പോഴും നടക്കുകയാണെന്നും അവര്‍ വ്യക്തമാക്കി. ഝാർഖണ്ഡ് ഗ്രാമവികസന മന്ത്രിയും കോൺഗ്രസ് നേതാവുമായ ആലംഗീർ ആലമിൻ്റെ പേഴ്‌സണൽ സെക്രട്ടറി സഞ്ജീവ് ലാലിൻ്റെ വീട്ടുജോലിക്കാരനായ ജഹാംഗീറിൻ്റെതാണ് വൻതുക കണ്ടെടുത്ത മുറി. ഝാർഖണ്ഡ് ഗ്രാമവികസന വകുപ്പിലെ മുൻ ചീഫ് എഞ്ചിനീയർ വീരേന്ദ്ര റാമുമായി ബന്ധപ്പെട്ട നിരവധി സ്ഥലങ്ങളിൽ നടത്തിയ റെയ്ഡിലാണ് എൻഫോഴ്സ്മെൻ്റ് ഡയറക്ടറേറ്റ് പണം കണ്ടെത്തിയത്. സർക്കാർ പദ്ധതികളുടെ നടത്തിപ്പിലെ ക്രമക്കേടുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ കഴിഞ്ഞ വർഷമാണ് റാം അറസ്റ്റിലായത്. ഝാർഖണ്ഡിലെ ലോക്‌സഭാ തിരഞ്ഞെടുപ്പിന് ദിവസങ്ങൾ മാത്രം ശേഷിക്കെ ഈ കണ്ടെത്തലിൻ്റെ സമയം രാഷ്ട്രീയ കോലാഹലങ്ങൾക്കിടയാക്കിയിട്ടുണ്ട്. പ്രതിപക്ഷ പാർട്ടിക്കെതിരെ അഴിമതി ആരോപിച്ച് കോൺഗ്രസ് മന്ത്രിയും വൻ പണമിടപാടും തമ്മിലുള്ള ബന്ധം ബിജെപി…
കള്ളപ്പണം വെളുപ്പിക്കൽ കേസ്: റാഞ്ചിയില്‍ 30 കോടിയിലധികം രൂപ കണ്ടെടുത്തു
