Month: August 2024

അറ്റ്‌ലാന്റ: ഡൊമിനിക്കൻ റിപ്പബ്ലിക്കളിലെ പുന്റക്കാനയിൽ നടത്തപ്പെട്ട ഫോമയുടെ എട്ടാമത്തെ അന്താരാഷ്ട്ര കൺവെൻഷനിൽ ആയിരത്തിലേറെ മലയാളികളുടെ സാന്നിദ്ധ്യത്തില്‍ നടത്തപ്പെട്ട “ബെസ്റ്റ് കപ്പിള്‍” മത്സരത്തിൽ, അറ്റ്‌ലാന്റയില്‍ നിന്നുള്ള കല്ലറക്കാണിയിൽ ജെയിംസും മെർലിനും വിജയികളായി. ജെയിംസ് കല്ലറക്കാണിയിൽ അറ്റ്‌ലാന്റ മെട്രോ മലയാളി അസ്സോസിയേഷന്റെ (AMMA) പ്രസിഡന്റായും ഫോമയുടെ നാഷണല്‍ കമ്മിറ്റി മെംബറായും സേവനമനുഷ്ഠിച്ചിട്ടുണ്ട്. മൂന്ന് റൗണ്ടുകളിലും നല്ല പെർഫോമൻസ് കാഴ്ച വെച്ച ജെയിംസിനെയും മെർലിനെയും ഫോമയുടെ സൗത്ത് ഈസ്റ്റ് വൈസ് പ്രസിഡന്റ് ഡോമിനിക്‌ ചാക്കോനാൽ അഭിനന്ദിക്കുകയും വരുംതലമുറക്ക് അവർ പ്രചോദനമാകുമെന്ന് അഭിപ്രായപ്പെടുകയും ചെയ്തു.

മിഷിഗൺ:6 വയസ്സുള്ള മിഷിഗൺ ജിയോവാനി “ചുലോ” ജെന്നിംഗ്‌സ്,എന്ന  ആൺകുട്ടിയെ ചുമരിനോട് ചേർത്ത് ചവിട്ടുകയും  ബിബി തോക്കുപയോഗിച്ച് വെടിവെച്ച് കൊല്ലുകയും ചെയ്ത. മാഡിസൺ ഹൈറ്റ്‌സിലെ എലൈന റോസ് ജെന്നിംഗ്‌സ്, 25, ഡാനിയൽ ജോൺ ഗിയച്ചിന, 32, എന്നിവരെ  ജെന്നിംഗ്‌സിൻ്റെ ജൂലൈയിലെ മരണവുമായി ബന്ധപ്പെട്ട് ഫസ്റ്റ് ഡിഗ്രി കൊലപാതകത്തിനും കുട്ടികളെ ദുരുപയോഗം ചെയ്തതിനും കുറ്റം ചുമത്തി. ഓക്ലാൻഡ് കൗണ്ടി പ്രോസിക്യൂട്ടർ കാരെൻ മക്ഡൊണാൾഡ് ഓഗസ്റ്റ് 9 വെള്ളിയാഴ്ച ഒരു പത്രസമ്മേളനത്തിൽ അറിയിച്ചു. ആൺകുട്ടിയെ ദമ്പതികൾ കഠിനമായി പീഡിപ്പിക്കുകയും പതിവായി മർദിക്കുകയും ചെയ്തുവെന്ന് മക്ഡൊണാൾഡ് ആരോപിച്ചു. തൻ്റെ മകന് ഗുരുതരമായി പരിക്കേറ്റതായി ജെന്നിംഗ്‌സിന് അറിയാമായിരുന്നുവെന്നും എന്നാൽ പീഡനം ആരോപിക്കപ്പെടുന്ന വിവരം മറ്റുള്ളവർ കണ്ടെത്തുമെന്ന് അവർ വിശ്വസിച്ചിരുന്നതിനാൽ വൈദ്യചികിത്സയ്ക്കായി കൊണ്ടുപോയില്ലെന്നും പ്രോസിക്യൂട്ടർ അവകാശപ്പെട്ടു. ജൂലൈ 30 ന്, ഏകദേശം 2:35 ന്, ജെന്നിംഗ്സ് തൻ്റെ മകൻ ശ്വസിക്കുന്നില്ലെന്ന് അറിയിക്കാൻ 911-ൽ വിളിച്ചു, മക്ഡൊണാൾഡ്…

ന്യൂയോർക്ക്: ഐക്യരാഷ്ട്രസഭയിലെ ഇന്ത്യയുടെ പ്രതിനിധി കൗൺസിലറായി ചെങ്ങന്നൂർ കല്ലിശ്ശേരി മഴുക്കീർ സ്വദേശി എൽദോസ് മാത്യൂ പുന്നൂസ് ഐ.എഫ്.സ് നിയമിതനായി. കുറ്റിയിൽ കെ.എം പുന്നൂസിന്റെയും സൂസമ്മ പുന്നൂസിന്റെയും മകനാണ്. ഇന്ത്യയുടെ പ്രതിനിധിയായി ശ്രീലങ്കയിലെ ഇൻഡ്യൻ ഹൈകമ്മീഷനിൽ ഫസ്റ്റ് സെക്രട്ടറിയായിട്ട് സേവനം ചെയ്ത് വരികയായിരുന്നു. 2010 ൽ ഭാരതത്തിന്റെ പരമോന്നത വിദ്യാഭാസ യോഗ്യതയായ I F S കരസ്തമാക്കി. ചെറു പ്രായത്തിൽ തന്നെ ഇൻഡ്യയുടെ ഡിപ്ലോമാറ്റായി മാറിയ എൽദോസ്, ഡൽഹിയിൽ വിദേശ കാര്യ മന്ത്രാലയത്തിൽ സേവനമനുഷ്ടിച്ചായിരുന്നു ഔദ്യോഗിക തുടക്കം. ഭാര്യ – മേഘ സൂസൻ

കാരോൾട്ടൻ (ഡാളസ് ):വ്യക്തികളും  ,കുടുംബങ്ങളും  ,സഭകളും  തമ്മിൽ ബന്ധങ്ങളുടെ  ഇടയിൽ സൃഷ്ടിക്കപ്പെട്ടിരിക്കുന്ന  അഗാഥ  ഗർത്തങ്ങൾ നികത്തപ്പെടേണ്ട  ഉത്തരവാദിത്വം  ഏറ്റെടുക്കുവാൻ നാം ഓരോരുത്തരും തയാറാകണമെന്ന് മലങ്കര യാക്കോബായ സുറിയാനി സഭ ഇടുക്കി ഭദ്രാസനാധിപൻ അഭിവന്ദ്യ സഖറിയാസ് മോർ ഫിലക്‌സീനോസ് മെത്രാപ്പോലീത്ത  ഉദ് ബോധിപ്പിച്ചു. ബന്ധങ്ങൾ പുനസ്ഥാപിക്കണമെങ്കിൽ ക്രിസ്തുവിന്റെ സ്നേഹത്തിന്റെ   ആഴവും, വീതിയും,തിരിച്ചറിയണമെന്നും തിരുമേനി കൂട്ടിച്ചേർത്തു . ലൂക്കോസ്  16 ന്റെ 26 -മത്  വാക്യത്തെ  ആധാരമാക്കി ജീവിതകാലം മുഴുവൻ സമ്പന്നതയുടെ നടുവിൽ ജീവിച്ചു ഭൂമിയിൽ സ്വർഗം തീർത്ത്‌  ഒടുവിൽ ഒരു തുള്ളി ദാഹ ജലത്തിനായി യാചിക്കേണ്ടി വന്ന ധനവാന്റെയും ,ജീവിതകാലം മുഴുവൻ ഭൂമിയിൽ നരക യാതനയാനുഭവ്ച്ച ദാരിദ്ര്യത്തിലും രോഗത്തിലും കഴിയേണ്ടിവന്ന ഒടുവിൽ അബ്രഹാമിന്റെ മടിയിൽ ഇരിക്കുവാൻ ഭാഗ്യം ലഭിക്കുകയും ചെയ്ത  ലാസറിന്റെയും  ജീവിതത്തെ കുറിച്ചും തിരുമേനി.പ്രതിപാദിച്ചു ഹൂസ്റ്റണ്‍ ആസ്‌ഥാനമായി പ്രവർത്തിച്ചുവരുന്ന ഇന്‍റർനാഷണൽ പ്രയർലെെൻ ആഗസ്റ്  13  ചൊവാഴ്ച…

ബ്രിട്ടീഷ് കാലത്ത് നിര്‍മ്മിച്ച മുല്ലപ്പെരിയാർ അണക്കെട്ടിൻ്റെ അനുവദനീയമായ ജലനിരപ്പ് 142 അടിയിൽ നിന്ന് 120 അടിയാക്കി താഴ്ത്തണമെന്നാവശ്യപ്പെട്ട് സുപ്രീം കോടതിയിൽ ഹർജി നല്‍കി. വയനാട്ടിൽ അടുത്തിടെയുണ്ടായ ഉരുൾപൊട്ടലിൽ 220-ലധികം പേർ മരിച്ചതും സമീപകാലത്തെ ഏറ്റവും വലിയ പ്രകൃതിദുരന്തങ്ങളിലൊന്നായി മാറിയതും ചൂണ്ടിക്കാട്ടി അഭിഭാഷകനായ മാത്യൂസ് ജെ.നെടുമ്പാറയാണ് ഹര്‍ജി സമര്‍പ്പിച്ചത്. വയനാട്ടിൽ അടുത്തിടെയുണ്ടായ ദുരന്തം കണക്കിലെടുത്ത്, പല വിദഗ്ധരും അഭിപ്രായപ്പെട്ടതുപോലെ അണക്കെട്ടിലെ ജലനിരപ്പ് 120 അടിയിൽ താഴെ കൊണ്ടുവരണമെന്നാണ് ഹര്‍ജിക്കാരന്റെ ആവശ്യം. മുല്ലപ്പെരിയാർ അണക്കെട്ട് തകർന്നാൽ കേരളത്തിലെ അഞ്ച് ദശലക്ഷം ആളുകളുടെ ജീവനും സ്വത്തിനും വലിയ അപകടസാധ്യതയുണ്ടാകുമെന്നാണ് അദ്ദേഹം ഹര്‍ജിയില്‍ പരാമര്‍ശിച്ചിരിക്കുന്നത്. ചുണ്ണാമ്പുകല്ലും സുർഖിയും കൊണ്ട് നിർമ്മിച്ച അണക്കെട്ട് 1895-ൽ കമ്മീഷൻ ചെയ്തതാണെന്നും, ഇതിന് 50 വർഷത്തോളമേ ആയുസ്സുള്ളൂ എന്നും ഹർജിയിൽ പറയുന്നു. അണക്കെട്ടിന് ഇപ്പോൾ 129 വർഷം പഴക്കമുണ്ട്, അതിൻ്റെ ആയുസ്സിന്റെ ഇരട്ടിയിലധികമാണിതെന്ന് ഹര്‍ജിയില്‍ ചൂണ്ടിക്കാട്ടി. “ദശലക്ഷക്കണക്കിന് കേരളീയർ…