Day: September 3, 2024

ഇംഗ്ലീഷ് ചാനലിൽ ഡസൻ കണക്കിന് കുടിയേറ്റക്കാരുമായി പോയ ബോട്ട് മറിഞ്ഞ് 10 പേരെങ്കിലും മരിച്ചതായി ചൊവാഴ്ച ഫ്രഞ്ച് വാര്‍ത്താ മാധ്യമങ്ങൾ റിപ്പോർട്ട് ചെയ്തു. 50-ലധികം ആളുകളെ രക്ഷപ്പെടുത്തിയെന്നും അവര്‍ക്ക് പ്രാഥമിക ചികിത്സ ആവശ്യമാണെന്നും ഫ്രഞ്ച് കോസ്റ്റ്ഗാർഡ് റിപ്പോർട്ട് ചെയ്തു. കലൈസിൽ നിന്ന് ഏകദേശം 28 മൈൽ (45 കിലോമീറ്റർ) തെക്കുപടിഞ്ഞാറായി ലെ പോർട്ടൽ തീരത്ത് ബോട്ട് അപകടത്തില്‍ പെട്ടതിനെത്തുടര്‍ന്ന് 10 പേരുടെ നില ഗുരുതരമാണെന്ന് തുടക്കത്തിൽ ഉദ്യോഗസ്ഥർ വ്യക്തമാക്കിയിരുന്നു. പ്രാദേശിക സമയം ചൊവാഴ്ച രാവിലെ 11:30 ന് (യുകെ സമയം 10:30 am) ഒരു ബോട്ട് ശ്രദ്ധയില്‍ പെട്ടിരുന്നു എന്നും, കുറഞ്ഞത് 100 കുടിയേറ്റക്കാരെങ്കിലും അതില്‍ ഉണ്ടായിരുന്നെന്നും റിപ്പോർട്ടുകൾ തുടക്കത്തിൽ പുറത്തുവന്നിരുന്നു. കൂടാതെ, തീരത്ത് നിരവധി വെള്ള ടാർപോളിനുകൾ കണ്ടതായും പറഞ്ഞു. അപകടത്തില്‍ പെട്ട ചിലരെ രക്ഷപ്പെടുത്തി വിമാനമാർഗം അടുത്തുള്ള ബൊലോൺ-സുർ-മെർ തുറമുഖത്തേക്ക് കൊണ്ടുപോയതായും റിപ്പോർട്ടുകൾ സൂചിപ്പിക്കുന്നു.…

തിങ്കളാഴ്ച രാത്രി ഉക്രെയിനിലെ പോൾട്ടാവ സൈനിക കോളേജിന് നേരെയുണ്ടായ റഷ്യൻ മിസൈല്‍/ഡ്രോണ്‍ ആക്രമണത്തില്‍ കുറഞ്ഞത് 41 പേര്‍ കൊല്ലപ്പെട്ടതായി റിപ്പോര്‍ട്ട്. ചൊവ്വാഴ്ച രാവിലെ തൻ്റെ ഔദ്യോഗിക ടെലിഗ്രാം ചാനലിലൂടെയാണ് പ്രസിഡൻ്റ് വോളോഡിമർ സെലെൻസ്‌കി ആക്രമണം സ്ഥിരീകരിച്ചത്. പ്രാഥമിക റിപ്പോർട്ടുകൾ പ്രകാരം, രണ്ട് ബാലിസ്റ്റിക് മിസൈലുകൾ പോൾട്ടാവ മിലിട്ടറി കമ്മ്യൂണിക്കേഷൻസ് ഇൻസ്റ്റിറ്റ്യൂട്ടിലും അടുത്തുള്ള ആശുപത്രിയിലും പതിച്ചതായും 41 പേരെങ്കിലും മരിക്കുകയും 180-ലധികം പേർക്ക് പരിക്കേൽക്കുകയും ചെയ്തതായി പറയുന്നു. സംഭവത്തിൻ്റെ സാഹചര്യങ്ങളെക്കുറിച്ച് സമഗ്രവും വേഗത്തിലുള്ളതുമായ അന്വേഷണത്തിന് ഉത്തരവിട്ടതായി സെലെൻസ്കി പ്രഖ്യാപിച്ചു. കെട്ടിടാവശിഷ്ടങ്ങൾക്കിടയിൽ നിന്ന് പുറത്തെടുത്ത 11 പേർ ഉൾപ്പെടെ 25 പേരെ ഇതുവരെ ആക്രമണസ്ഥലത്ത് നിന്ന് രക്ഷപ്പെടുത്തിയതായി ആഭ്യന്തര മന്ത്രി ഇഹോർ ക്ലൈമെൻകോ ടെലിഗ്രാമിൽ റിപ്പോർട്ട് ചെയ്തു. അധിനിവേശ ക്രിമിയയിൽ നിന്ന് മൂന്ന് ഇസ്‌കന്ദർ ബാലിസ്റ്റിക് മിസൈലുകളും റഷ്യയുടെ പടിഞ്ഞാറൻ കുർസ്ക് മേഖലയിൽ നിന്ന് Kh-59/69 വ്യോമ വിക്ഷേപണ മിസൈലുകളും…

തിരുവനന്തപുരം: മുഖ്യമന്ത്രി പിണറായി വിജയനുമായുള്ള കൂടിക്കാഴ്‌ചക്കു ശേഷം പിവി അൻവർ എംഎൽഎ മടങ്ങി. സംസ്ഥാനത്തെ ഉന്നത പോലീസ് ഉദ്യോഗസ്ഥരെക്കുറിച്ചുൾപ്പെടെ ഗുരുതര ആരോപണങ്ങളാണ് അൻവർ എംഎൽഎ ഉന്നയിച്ചത്. അതിന് ശേഷമാണ് മുഖ്യമന്ത്രിയുമായി അദ്ദേഹം കൂടിക്കാഴ്ച നടത്തിയത്. മുഖ്യമന്ത്രിയുമായുള്ള കൂടിക്കാഴ്ചയിൽ അൻവർ എം.എൽ.എ ഉന്നയിച്ച ആരോപണങ്ങളുമായി ബന്ധപ്പെട്ട എ.ഡി.ജി.പി.എം ആർ.അജിത് കുമാറിനെതിരെ ഉൾപ്പെടെയുള്ള നിർണായക തെളിവുകൾ അദ്ദേഹം മുഖ്യമന്ത്രിക്ക് കൈമാറിയെന്നാണ് ലഭ്യമായ വിവരം. കൂടിക്കാഴ്ച നടത്തിയ ശേഷം തിരിച്ചെത്തിയ ഉടൻ മാധ്യമങ്ങളെ കാണുമെന്നും അദ്ദേഹം അറിയിച്ചിട്ടുണ്ട്. നിർണായക തെളിവുകൾ മുഖ്യമന്ത്രിയ്ക്ക് അൻവർ എംഎൽഎ കൈമാറിയിട്ടുണ്ടെങ്കിൽ എം ആർ അജികുമാറിനും പൊളിറ്റിക്കൽ സെക്രട്ടറി പി ശശിക്കും എതിരെ മുഖ്യമന്ത്രി എന്ത് നടപടി എടുക്കും എന്നതും നിർണായകമാണ്. വളരെ ഗുരുതരമായ ആരോപണങ്ങൾ ഉന്നയിക്കപ്പെട്ടിട്ടും ക്രമ സമാധാന ചുമതലയിൽ നിന്ന് എഡിജിപി എം ആർ അജിത് കുമാറിനെ മാറ്റാത്തതിൽ അൻവർ എംഎൽഎക്ക് കടുത്ത അതൃപ്തിയും…

തൃശൂർ: തൃശ്ശൂര്‍ പൂരം കലക്കിയതില്‍ ജുഡീഷ്യല്‍ അന്വേഷണം വേണമെന്ന് കോൺഗ്രസ് നേതാവ് കെ മുരളീധരന്‍. എഡിജിപി എം ആര്‍ അജിത്ത് കുമാറിനെ സംരക്ഷിക്കുന്നത് മുഖ്യമന്ത്രിയാണെന്നും സുരേഷ് ഗോപിക്ക് വേണ്ടിയാണ് പൂരം അലങ്കോലമാക്കിയതെന്നും അദ്ദേഹം പറഞ്ഞു. ചത്തത് കീചകനെങ്കില്‍ കൊന്നത് ഭീമന്‍ തന്നെ എന്നതു പോലെ പൂരം കലക്കിയത് അജിത് കുമാര്‍ എങ്കില്‍ അതിന് പിന്നില്‍ പിണറായി വിജയന്‍ തന്നെയാണെന്നും മുരളീധരന്‍ പറഞ്ഞു. വിഷയത്തില്‍ മുഖ്യമന്ത്രിക്ക് പരാതി നല്‍കുമെന്നും കെ മുരളീധരന്‍ പറഞ്ഞു. അജിത് കുമാറിനെ പുറത്താക്കിയിട്ട് വേണം അന്വേഷണമെന്നും പ്രകാശ് ജാവഡേക്കര്‍ ഇ.പി.യുമായി കൂടി കാഴ്ച നടത്തിയതിന് പിന്നിലും പൂരം കലക്കുക എന്നതാണ് ലക്ഷ്യമെന്നും അദ്ദേഹം ആരോപിച്ചു. അതേസമയം, വ്യക്തമായ രാഷ്ട്രീയ ലക്ഷ്യത്തോടുകൂടി തൃശൂര്‍ പൂരം അലങ്കോലപ്പെടുത്താനുള്ള ഗൂഢാലോചന നടന്നിട്ടുണ്ടെന്ന് സിപിഐ നേതാവ് വിഎസ് സുനില്‍കുമാര്‍ ആരോപിച്ചു. പൂരം അലങ്കോലപ്പെടുത്താന്‍ നേതൃത്വം കൊടുത്തവര്‍ ആരെന്ന് പുറത്തുവരണം. അന്നുണ്ടായ…

തിരുവനന്തപുരം: തിരുവനന്തപുരം ജില്ലയിലെ പാപ്പനംകോടുള്ള ന്യൂ ഇന്ത്യ അഷ്വറന്‍സ് ഓഫീസിലുണ്ടായ അഗ്നിബാധയില്‍ രണ്ടു സ്ത്രീകള്‍ വെന്തു മരിച്ചു. മരിച്ചവരിൽ ഒരാൾ ഓഫീസിലെ ജീവനക്കാരി വൈഷ്ണ എന്ന സ്ത്രിയാണെന്നും, രണ്ടാമത്തെയാളെ തിരിച്ചറിഞ്ഞിട്ടില്ലെന്നും റിപ്പോര്‍ട്ടില്‍ പറയുന്നു. ഒരുപക്ഷെ ഇവർ ഇൻഷുറൻസ് ഇടപാടുകൾക്കായി വന്ന ഉപയോക്താവായിരിക്കാം എന്നാണ് നിഗമനം. മരണപ്പെട്ട വൈഷ്ണ ഇന്‍ഷ്വറന്‍സ് കമ്പനിയുടെ ഫ്രാഞ്ചൈസി ഏറ്റെടുത്ത് നടത്തുകയായിരുന്നു. തീ പടർന്നു പിടിക്കുന്നത് കണ്ടതിനെ തുടർന്ന് സ്ത്രീകൾ പുറകുവശത്തെ വാതിലിലൂടെ രക്ഷപ്പെടാൻ ശ്രമിച്ചിരുന്നുവെങ്കിലും സാധിച്ചില്ല. തീപിടുത്തത്തിൽ ഓഫീസ് പൂർണ്ണമായും കത്തി നശിച്ച നിലയിലാണ്. പാപ്പനംകോട് നഗര മധ്യത്തിൽ കടകൾക്ക് മുകളിലുള്ള കെട്ടിടത്തിലാണ് ഓഫീസ് പ്രവർത്തിക്കുന്നത്. തീപിടുത്തത്തെ തുടർന്ന് ഗുരുതരമായി പൊള്ളലേറ്റ രണ്ട് സ്ത്രീകളെയും മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നുവെങ്കിലും ജീവൻ രക്ഷിക്കാനായില്ല. എസി പൊട്ടിത്തെറിച്ചതാകാം തീപിടുത്തത്തിന് കാരണമായത് എന്നാണ് പ്രാഥമിക നിഗമനം. എസി പൊട്ടിത്തെറിച്ചതിന്റെ അടയാളങ്ങൾ കണ്ടെത്തിയിട്ടുണ്ടെന്നും, വിശദമായ പരിശോധന നടത്തുമെന്നും…