Day: October 6, 2024

രണ്ടാം ലോക മഹായുദ്ധത്തിനു ശേഷം റോയൽ ന്യൂസിലൻഡ് നേവിക്ക് ആദ്യമായി ഒരു കപ്പൽ കടലിൽ നഷ്ടപ്പെട്ടു. ഡൈവിംഗ്, ഓഷ്യൻ ഇമേജിംഗ് എന്നിവയിൽ വൈദഗ്ദ്ധ്യം നേടിയ HMNZS Manawanui എന്ന കപ്പലാണ് സമോവയിലെ ഉപോലു ദ്വീപിന് സമീപം കടലിൽ മറിഞ്ഞത്. ശനിയാഴ്ച രാത്രി കപ്പൽ റീഫ് സർവേ നടത്തുന്നതിനിടെ തീരത്ത് നിന്ന് ഒരു നോട്ടിക്കൽ മൈൽ അകലെയാണ് സംഭവം നടന്നതെന്ന് ന്യൂസിലാന്റ് ഡിഫന്‍സ് ഫോഴ്സ് പ്രസ്താവനയില്‍ പറഞ്ഞു. “കപ്പൽ ശക്തമായ ഒഴുക്കും കാറ്റും നേരിട്ടു, തീ പിടിക്കുകയും ഒടുവിൽ മുങ്ങുകയും ചെയ്തു. ഭാഗ്യവശാൽ, ക്രൂ അംഗങ്ങൾ, ശാസ്ത്രജ്ഞർ, വിദേശ സൈനിക ഉദ്യോഗസ്ഥർ എന്നിവരുൾപ്പെടെ കപ്പലിലുണ്ടായിരുന്ന 75 ഉദ്യോഗസ്ഥരെയും വെല്ലുവിളി നിറഞ്ഞ സാഹചര്യങ്ങൾക്കിടയിൽ സുരക്ഷിതമായി ലൈഫ് ബോട്ടുകളിലേക്ക് മാറ്റുകയും പിന്നീട് രക്ഷപ്പെടുത്തുകയും ചെയ്തു,” പ്രസ്താവനയില്‍ പറഞ്ഞു. തകർച്ചയുടെ കാരണം അജ്ഞാതമാണെന്നും അന്വേഷണം പുരോഗമിക്കുകയാണെന്നും സൈനിക ഉദ്യോഗസ്ഥർ പറഞ്ഞു. 1987 മുതൽ…

പശ്ചിമാഫ്രിക്കയിൽ ഇസ്ലാമിക ഭീകരത രൂക്ഷമാകുന്നതിനിടെ, ബുർക്കിന ഫാസോയിൽ 2023 ഓഗസ്റ്റ് 24-ന് നടന്ന ക്രൂരമായ ആക്രമണത്തിൽ അൽ-ഖ്വയ്ദയുടെ അഫിലിയേറ്റ് ഗ്രൂപ്പായ ജമാഅത്ത് നുസ്രത്ത് അൽ-ഇസ്ലാം വൽ-മുസ്ലിമിനുമായി (ജെഎൻഐഎം) ബന്ധമുള്ള ഭീകരർ 600 സിവിലിയന്മാരെ വെടിവച്ചു കൊന്നു. ഫ്രഞ്ച് സുരക്ഷാ ഏജൻസികളുടെ ഒരു റിപ്പോർട്ടിലാണ് കൂട്ടക്കൊലയുടെ ഭയാനകമായ വിശദാംശങ്ങൾ വെളിപ്പെടുത്തിയത്. സമീപ ദശകങ്ങളിൽ ആഫ്രിക്കയിൽ നടന്ന ഏറ്റവും മാരകമായ ഒറ്റ ദിവസത്തെ ആക്രമണങ്ങളിലൊന്നാണ് ഇത്. സൈന്യത്തിൻ്റെ ഉത്തരവനുസരിച്ച് പ്രദേശവാസികൾ സംരക്ഷണത്തിനായി കിടങ്ങുകൾ കുഴിക്കുന്ന ബാർസലോഗോ നഗരത്തിലാണ് ആക്രമണം നടന്നത്. ജിഹാദി ഭീഷണികൾക്കെതിരെ പ്രതിരോധിക്കാനാണ് കിടങ്ങുകൾ ഉദ്ദേശിച്ചത്. എന്നാൽ, പ്രതിരോധം പൂർത്തിയാകുന്നതിന് മുമ്പ് ജെഎൻഐഎം തീവ്രവാദികൾ ആക്രമണം ആരംഭിച്ചു. കിടങ്ങ് കുഴിക്കുന്നതിൽ പങ്കെടുത്തതുകൊണ്ടാണ് സാധാരണക്കാരെ പോരാളികളെന്ന് ഭീകരർ ആരോപിച്ചതെന്ന് ദൃക്‌സാക്ഷികൾ റിപ്പോർട്ട് ചെയ്തു. സോഷ്യൽ മീഡിയയിൽ പ്രചരിക്കുന്ന ഗ്രാഫിക് വീഡിയോകൾ നൂറുകണക്കിന് ആളുകൾ അഴുക്കുചാലിൽ ചലനമറ്റ് കിടക്കുന്നതായി കാണിക്കുന്നു. കൊല്ലപ്പെട്ടവരിൽ…

എടത്വ: ഡൽഹി ആസ്ഥാനമായി പ്രവർത്തിക്കുന്ന ദേശീയ ആദ്ധ്യാത്മിക സാംസ്കാരിക കൂട്ടായ്മയായ പാഞ്ചജന്യം ഭാരതം ദേശീയ ചെയർമാനായി ബഹിരാകാശ ശാസ്ത്രജ്ഞനും പ്രഭാഷകനുമായ ഡോ.ടി.പി.ശശികുമാറിനെ തിരഞ്ഞെടുത്തു. ദേശീയ ഉപദേശക സമിതിയിലേക്ക് ഡോ.ജെ.എം.ദേവയെ (അക്ഷർധാം ഡൽഹി) ഉൾപ്പെടുത്തി. വർക്കിംഗ് ചെയർമാനായി ആർ.ആർ.നായർ, വൈസ് ചെയർമാനായി കുടശ്ശനാട് മുരളി, കോർ കമ്മറ്റിയംഗമായി ശ്രീകുമാർ ഇരുപ്പക്കാട്ട് എന്നിവരെയും നിയോഗിച്ചുകൊണ്ട് ഉന്നതാധികാര സമിതി പുനസംഘടിപ്പിച്ചു. പാഞ്ചജന്യം ഭാരതം അഞ്ചാമത് സ്ഥാപക ദിനത്തിനു (വിജയദശമി) മുന്നോടിയായി ഇന്ന് മുതൽ 13 വരെ പ്രഭാഷണ പരമ്പരകൾ സംഘടിപ്പിക്കുന്നതിനും ആർ.ആർ.നായരുടെ അദ്ധ്യക്ഷതയിൽ ചേർന്ന ദേശീയസമിതിയോഗം തീരുമാനിച്ചു. ഡോ.എൻ.ജി. മേനോൻ, ഡോ.ഇ.എം.ജി. നായർ, ഡോ.എം.വി. നടേശൻ, വിനോദ്കുമാർ കല്ലേത്ത്, അഡ്വ.കെ. ഗിരീഷ്കുമാർ, കെ.നന്ദകുമാർ, എം.കെ.ശശിയപ്പൻ, ശ്യാമളാ സോമൻ, ഡോ. ലക്ഷ്മി കാനത്ത്, ഡോ.അനിതാ ശങ്കർ, സതി സുനിൽ എന്നിവർ പ്രസംഗിച്ചു. ചെയർമാനായി തെരെഞ്ഞെടുക്കപ്പെട്ട ഡോ. ടിപി ശശികുമാർ 1989 മുതൽ രണ്ട്…

തെരഞ്ഞെടുപ്പുവേളയിൽ മത്സരാർത്ഥികൾ പല അവകാശവാദങ്ങളും ഉന്നയിക്കാറുണ്ട്. അവയിൽ നിന്നും മണിയും മങ്കും വേർതിരിക്കുക ദുഷ്ക്കരമാണ്. മാത്രമല്ല, പൊതുജനാഭിപ്രായം ധ്രൂവീകൃതമായിരിക്കുമ്പോൾ എതിരാളികളെ അവിശ്വസിക്കുക എന്നതാണ് രീതി. ആഴ്ചകളായി പത്രപംക്തികളിൽ ഇരുചേരികളെയും തുണക്കുന്നവർ ന്യായവാദങ്ങൾ ഉയർത്തിക്കൊണ്ടിരിക്കുന്നു. എന്നാൽ നമുക്കാർക്കും ഇരു മത്സരാർത്ഥികളുമായി പ്രവർത്തനപരിചയമോ വ്യക്തിപരമായി അടുത്ത പരിചയമോ ഇല്ലതാനും! ഈ സ്ഥിതിയിൽ കേട്ടുകേൾവികളും നമ്മുടെ മുൻവിധികളുമല്ലേ നമ്മെ നയിക്കുന്നത്? ഇത്തരുണത്തിൽ കരണീയമായിട്ടുള്ളത് മത്സരാർത്ഥികളുടെ കുടുംബാഗങ്ങളുടെയും, ചിരകാലസ്നേഹിതരുടെയും, സഹപ്രവർത്തകരുടെയും അഭിപ്രായത്തെ ആശ്രയിക്കുന്നതല്ലേ? ട്രമ്പ് കുടുംബത്തിൽനിന്നും തുടങ്ങാം. ഡൊണാൾഡ് ട്രമ്പിന്റെ സഹോദരപുത്രിയായ മേരി ട്രമ്പിന്റെ അഭിപ്രായത്തിൽ “ബഹുമാനം അർഹിക്കത്തക്കരീതിയിൽ പെരുമാറാൻ പഠിച്ചിട്ടില്ലാത്ത വ്യക്തിയാണ് ഡൊണാൾഡ്.” മരിയാൻ ട്രമ്പ് ബാരി, ഡൊണാൾഡ് ട്രമ്പിന്റെ മൂത്ത സഹോദരിയും ഫെഡറൽ ജഡ്ജിയുമായിരുന്നു. വളരെ വിഷമകരമായ പ്രശ്നനങ്ങളിലേക്ക്‌ സഹോദരൻ തന്നെ തള്ളിയിട്ടെന്ന് അവർ വേദനയോടെ പരിതപിക്കുന്നു. ഡൊണാൾഡ് ട്രമ്പിന്റെ സഹോദര പുത്രനാണ് ഫ്രെഡ് ട്രമ്പ് “എനിക്കിഷ്ടമുള്ളതു ഞാൻ ചെയ്യും;”…

ഒക്‌ടോബർ ഒന്നിന്, ഇറാൻ ഇസ്രയേലിനുനേരെ കാര്യമായ മിസൈൽ ആക്രമണം നടത്തിയതോടെ മിഡിൽ ഈസ്റ്റിലെ സംഘർഷം വർധിപ്പിച്ചു. 2000 കിലോമീറ്റർ ദൂരപരിധിയുള്ള ഇസ്രായേലിൻ്റെ എല്ലാ മേഖലകളിലും എത്തിച്ചേരാൻ ശേഷിയുള്ള ഷഹാബ്-3 ഉൾപ്പെടെ 200 ബാലിസ്റ്റിക് മിസൈലുകളാണ് ഇറാന്‍ തൊടുത്തുവിട്ടത്. തന്മൂലം ഏകദേശം 10 ദശലക്ഷത്തോളം ഇസ്രായേലികൾക്ക് ബോംബ് ഷെല്‍ട്ടറുകളില്‍ അഭയം തേടേണ്ടതായി വന്നു എന്ന് റിപ്പോര്‍ട്ടുകള്‍ സൂചിപ്പിക്കുന്നു. ഷഹാബ്-3 കൂടാതെ, ഷഹാബ്-1, ഫത്തേഹ്, ഷഹാബ്-2, സോൾഫഗർ, ഖിയാം-1 എന്നിങ്ങനെയുള്ള മറ്റനേകം മിസൈലുകൾ ഇറാൻ്റെ പക്കലുണ്ട്. എന്നാല്‍, ഇസ്രായേലില്‍ എവിടേയും ആഴത്തിൽ ആക്രമിക്കാൻ ശേഷിയുള്ള ഒരേയൊരു മിസൈലാണ് ഷഹാബ്-3. മാധ്യമങ്ങൾ മിസൈൽ വിക്ഷേപണങ്ങൾ കാണിക്കുന്ന വീഡിയോ ദൃശ്യങ്ങൾ പുറത്തുവിട്ടതില്‍ നിന്ന് മനസ്സിലാകുന്നത് അവ ടെൽ അവീവിനെ നേരിട്ട് ലക്ഷ്യമിടുന്നു എന്നാണ്. ഇതിന് മറുപടിയായി, ഇറാൻ പിന്തുണയുള്ള ഹിസ്ബുള്ള മിലിഷ്യയെ ലക്ഷ്യമിട്ട് ഇസ്രായേൽ ലെബനനിൽ പരിമിതമായ കര ഓപ്പറേഷൻ നടത്തി. യുഎസ്…

കൊച്ചി: നൂറിലധികം രാജ്യങ്ങളിൽ നിന്നുള്ള 1600ൽ പരം മലയാളികൾ പങ്കെടുക്കുന്ന ഗ്ലോബൽ മലയാളി ഫെസ്റ്റിവൽ 2025 ആഗസ്റ്റ് 14, 15, 16 തീയതികളിൽ കൊച്ചിയിൽ നടക്കും. 9 പ്രവർത്തനമേഖലകളിൽ നിന്നായി ഗ്ലോബൽ മലയാളി രത്നാ പുരസ്കാര ദാനവും ഗ്ലോബൽ മലയാളി സൗന്ദര്യ മത്സരവും മറ്റ് ആകർഷകമായ കലാപരിപാടികളുമാണ് മൂന്നുദിവസത്തെ സമ്മേളനത്തിൽ ഒരുക്കിയിട്ടുള്ളത്. ശാസ്ത്രം, സാങ്കേതികവിദ്യ, വൈദ്യശാസ്ത്രം, എൻജിനീയറിങ് , സാമ്പത്തിക ശാസ്ത്രം, കല, നാടകം, സാമൂഹ്യ സേവനം , രാഷ്ട്രീയ പ്രവർത്തനം എന്നീ മേഖലകളിലാണ് ഗ്ലോബൽ മലയാളി രത്ന പുരസ്കാരം നൽകുന്നത്. ഗ്ലോബൽ മലയാളി സൗന്ദര്യമത്സരത്തിൽ ഏത് രാജ്യത്ത് നിന്നുമുള്ള മലയാളി സുന്ദരികൾക്ക് പങ്കെടുക്കാവുന്നതാണ്. സ്വാതന്ത്ര്യ ദിനത്തോടനുബന്ധിച്ച് സ്വാതന്ത്ര്യദിന പരേഡ്, കലാപരിപാടികൾ, വിവിധ മത്സരങ്ങൾ തുടങ്ങിയവയും സംഘടിപ്പിക്കും. നൂറിലധികം രാജ്യങ്ങളിൽ നിന്നുള്ള മലയാളി സമൂഹത്തിന്റെ പരസ്പരമുള്ള കെട്ടുറപ്പ് വർദ്ധിപ്പിക്കാനും കേരളത്തിലെ , സാമൂഹ്യ സാമ്പത്തിക നിക്ഷേപകരംഗങ്ങളിൽ പ്രവാസിമലയാളികളുടെ…