Day: November 9, 2024

ചരിത്രമായി ജി.ഐ.ഒ മലപ്പുറം ജില്ല സമ്മേളനം മലപ്പുറം: കേരളത്തിലെ കമ്യൂണിസ്റ്റ് മാർക്സിസ്റ്റ് പാര്‍ട്ടി ഫാസിസത്തിനെതിരെ രൂപപ്പെട്ടു വന്ന ഇന്ത്യാ മുന്നണിയെ ശക്തിപ്പെടുത്തുന്നതിന് പകരം മുസ്ലിംങ്ങളെ തീവ്രവാദികളും ഭീകരവാദികളുമായി ചിത്രീകരിച്ച് സംഘ്പരിവാറിന് ഒത്താശ ചെയ്ത് കൊടുക്കുകയാണെന്ന് ജമാഅത്തെ ഇസ്ലാമി ഹിന്ദ് അഖിലേന്ത്യാ സെക്രട്ടറി ജനറൽ ടി. ആരിഫലി പ്രസ്താവിച്ചു. . ‘ഇസ്ലാം : വിമോചന പോരാട്ടങ്ങളുടെ നിത്യ പ്രചോദനം’ എന്ന പ്രമേയത്തില്‍ വാറങ്കോട് നടന്ന ജി. ഐ.ഒ ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിദ്യാഭ്യാസം, മനനം , ചിന്ത എന്നിവയാണ് വിമോചനത്തിന്റെ ആദ്യപടി. ജി ഐ ഒ നാൽപ്പത് വർഷം പിന്നിട്ടപ്പോൾ കേരളത്തിലെ മുസ്ലിം പെണ്‍കുട്ടികള്‍ അന്താരാഷ്ട്ര നിലവാരത്തിലുള്ള വിജ്ഞാനം സമ്പാദിക്കാന്‍ ശ്രമങ്ങൾ നടത്തുന്നത് ചേതോഹരമാണെന്ന് അദ്ദേഹം കൂട്ടിച്ചേര്‍ത്തു. മുഖ്യമന്ത്രി പറയുന്നതുപോലെ ജമാഅത്തെ ഇസ്ലാമി ഒരു ഭീകരസംഘടനയല്ല. രാജ്യത്ത് മാനുഷികവും ധാർമികവുമായ മൂല്യങ്ങളെ ഉയർത്തിപ്പിടിച്ച് സമൂഹത്തിന്റെ…

മലപ്പുറം: ‘ഇസ്‌ലാം വിമോചന പോരാട്ടങ്ങളുടെ നിത്യ പ്രചോദനം’ എന്ന തലക്കെട്ടിൽ ഗേൾസ് ഇസ്ലാമിക് ഓർഗനൈസേഷൻ്റെ ജില്ലാ സമ്മേളനത്തോടനുബന്ധിച്ച് നടന്ന പ്രകടനം ആകർഷകമായി. ഉച്ചക്ക് 3 മണിക്ക് കോട്ടപ്പടിയിൽ നിന്നാരംഭിച്ച് വാറങ്കോട്ടെ സമ്മേളന നഗരിയിൽ പര്യവസാനിച്ച പ്രകടനത്തിൽ പതിനായിരത്തോളം വിദ്യാർത്ഥിനികളും യുവതികളും അണിനിരന്നു. ഗേൾസ് ഇസ്ലാമിക് ഓർഗനൈസേഷൻ്റ നാൽപതാം വാർഷികത്തോടനുബന്ധിച്ച് നടക്കുന്ന സമ്മേളനത്തിൻ്റെ ഭാഗമായുള്ള പ്രകടനം കാണികളെ ആവേശഭരിതരാക്കി. ജി ഐ ഒ യുടെ ശക്തിയും ഔന്നത്യവും വിളിച്ചോതുന്ന പ്രകടനം നഗരത്തെ പ്രകമ്പനം കൊള്ളിച്ചു. വർണാഭവും വ്യാവസ്ഥാപിതവുമായ ജി. ഐ. ഒ റാലി വീക്ഷിക്കാൻ ആയിരങ്ങൾ തെരുവോരങ്ങളിൽ നില്ലുറപ്പിച്ചിരുന്നു. ലോകമൊട്ടുക്കും മാറാവ്യാധിയായി പടർന്നു പിടിച്ച ഇസ്ലാമോഫോബിയക്കെതിരെ റാലിയിൽ മുദ്രാവാക്യങ്ങൾ ഉയരുകയുണ്ടായി. ഇസ്രായേൽ ഭരണകൂടം ഫലസ്തീൻ സ്വാതന്ത്ര്യ പ്പോരാളികൾക്ക് നേരെ നടത്തുന്ന വംശഹത്യയെ റാലി ശക്തമായി അപലപിച്ചു. ദേശീയവും അന്തർദേശീയവുമായ അനീതികളെയും ആക്രമങ്ങളെയും ചോദ്യം ചെയ്തു കൊണ്ടുള്ള മുദ്രാവാക്യങ്ങൾ ജനശ്രദ്ധയാകർഷിച്ചു.…

മലപ്പുറം: ജി.ഐ.ഒ മലപ്പുറം ജില്ല സമ്മേളനാനുബന്ധിച്ച് നഗരിയിൽ പവലിയൻ ഉദ്ഘാടനം പ്രഥമ ജി ഐ ഒ സംസ്ഥാന പ്രസിഡന്റ് കെ.കെ ഫാത്തിമ സുഹ്റ ടീച്ചർ നിർവ്വഹിച്ചു. ജി ഐ ഒ സമ്മേളന ഉപഹാരങ്ങൾ, എക്സിബിഷൻ, ഐപിഎച്ച്, വിഷൻ, പീപ്പിൾ ഫൗണ്ടേഷൻ, പീസ് വില്ലേജ്, മക്തൂബ് മീഡിയ, ലാം തുടങ്ങിയ സ്റ്റാളുകൾ ഉൾക്കൊണ്ടതാണ് പവലിയൻ. ജമാഅത്തെ ഇസ്‌ലാമി വനിതാ വിഭാഗം ജില്ല പ്രസിഡൻറ് സാജിദ സി.ച്ച് ,ജി.ഐ.ഒ മലപ്പുറം ജില്ല പ്രസിഡൻ്റ് ജന്നത്ത് . ടി , ജനറൽ , വൈസ് പ്രസിഡൻ്റ് നഈമ നജീബ് , സമ്മേളന കൺവീനർ നസീഹ. പി എന്നിവർ സംബന്ധിച്ചു.