Day: November 12, 2024

തിരുവനന്തപുരം: സംസ്ഥാനത്ത് ഉപതെരഞ്ഞെടുപ്പ് നടക്കുന്നതിനാല്‍ നാളെ (2024 നവംബര്‍ 13) നടത്താനിരുന്ന മുഴുവന്‍ പരീക്ഷകളും മാറ്റി വെച്ചതായി കേരള സര്‍വകലാശാല അറിയിച്ചു. തിയറി, പ്രാക്റ്റിക്കല്‍ പരീക്ഷകളുള്‍പ്പടെ എല്ലാ പരീക്ഷകളും മാറ്റി വെച്ചെന്നും, പുതുക്കിയ തീയതികള്‍ സര്‍വകലാശാല വെബ്‌സൈറ്റില്‍ പ്രസിദ്ധീകരിച്ചിട്ടുണ്ടെന്നും അറിയിപ്പില്‍ പറഞ്ഞു. പരീക്ഷ കേന്ദ്രത്തിനോ സമയത്തിനോ മറ്റു ദിവസങ്ങളിലെ പരീക്ഷകള്‍ക്കോ മാറ്റമില്ല. ഉപതെരഞ്ഞെടുപ്പ് നടക്കുന്നതിനാല്‍ നവംബര്‍ 20 ന് പാലക്കാട് നിയോജക മണ്ഡലത്തില്‍ അവധി പ്രഖ്യാപിച്ചു. മണ്ഡലത്തിലെ വിദ്യാഭ്യാസ സ്ഥാപനങ്ങള്‍ക്കും സര്‍ക്കാര്‍ ഓഫീസുകള്‍ക്കും അവധി ബാധകമാണ്. നിയോജക മണ്ഡലത്തിലെ എല്ലാ സര്‍ക്കാര്‍, അര്‍ദ്ധസര്‍ക്കാര്‍, സ്വകാര്യ സ്ഥാപനങ്ങള്‍ക്കും ബാങ്കുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പൊതുമേഖലാ സ്ഥാപനങ്ങള്‍ക്കും വേതനത്തോടുകൂടിയുള്ള പൊതു അവധിയായിരിക്കും. മണ്ഡലത്തില്‍ വോട്ടുള്ളവര്‍ക്കും മണ്ഡലത്തിന് പുറത്ത് ജോലി ചെയ്യുന്നവരുമായ എല്ലാ സര്‍ക്കാര്‍- സ്വകാര്യ സ്ഥാപനങ്ങളിലെ ജീവനക്കാര്‍ക്കും ഈ ദിവസം ശമ്പളത്തോട് കൂടിയ അവധി നല്‍കണമെന്നാണ് നിര്‍ദേശം. വയനാട് ലോക്‌സഭാ ഉപതെരഞ്ഞെടുപ്പ്…

തൻ്റെ രണ്ടാനമ്മയായ ഇഷ വർമ്മയുടെ ആരോപണങ്ങളിലും തെറ്റായ അവകാശവാദങ്ങളിലും മനംനൊന്ത് നടി രൂപാലി ഗാംഗുലി 50 കോടി രൂപ നഷ്ടപരിഹാരം ആവശ്യപ്പെട്ട് കേസ് കൊടുത്തു. ‘അനുപമ’ ഫെയിം രൂപാലി ഗാംഗുലി തൻ്റെ രണ്ടാനമ്മ ഇഷ വർമ്മയ്‌ക്കെതിരെ മാനനഷ്ടക്കേസ് ഫയൽ ചെയ്തു. മാതാപിതാക്കളുടെ വിവാഹബന്ധം രൂപാലി തകർത്തുവെന്നാണ് ഇഷയുടെ ആരോപണം. രൂപാലിയുടെ ഭർത്താവ് അശ്വിൻ കെ വർമയുടെയും ആദ്യ ഭാര്യയുടെയും മകളാണ് ഇഷ. രൂപാലി തന്നെയും അമ്മയെയും മാനസികമായും വൈകാരികമായും ശാരീരികമായും പീഡിപ്പിച്ചുവെന്നാണ് ഇഷയുടെ ആരോപണം. ഈ ആരോപണങ്ങള്‍ക്കെല്ലാം രൂപാലി ആദ്യം മൗനം പാലിച്ചു. ഇക്കാര്യം വ്യക്തമാക്കി ഭർത്താവ് അശ്വിൻ പ്രസ്താവന ഇറക്കിയതോടെ രൂപാലി മൗനം വെടിഞ്ഞു. തൻ്റെ രണ്ടാനമ്മയായ ഇഷ വർമ്മയ്‌ക്കെതിരെ നടി മാനനഷ്ടത്തിന് നോട്ടീസ് നൽകിയതായി രൂപാലി ഗാംഗുലിയുടെ അഭിഭാഷക സന റയീസ് പറഞ്ഞതായി മാധ്യമങ്ങൾ റിപ്പോർട്ട് ചെയ്തു. “അവരുടെ തെറ്റായ ആരോപണങ്ങൾക്കും രണ്ടാനമ്മയ്‌ക്കെതിരായ ദോഷകരമായ…

19 വർഷങ്ങൾക്ക് ശേഷം, ഇന്ത്യയിലെ ആദ്യത്തെ സൂപ്പർഹീറോ ‘ശക്തിമാൻ’ തിരിച്ചുവരവിന് ഒരുങ്ങുന്നു. മുകേഷ് ഖന്നയാണ് ഇക്കാര്യം അറിയിച്ചത്. ശക്തിമാൻ്റെ തിരിച്ചുവരവ് പ്രേക്ഷകർക്കിടയിൽ പഴയ ബാല്യകാല ഓർമ്മകൾ പുതുക്കും. അടുത്തിടെ അതിൻ്റെ പുതിയ ടീസറും ഭീഷ്മ ഇൻ്റർനാഷണലിൻ്റെ യൂട്യൂബ് ചാനലിൽ റിലീസ് ചെയ്തിട്ടുണ്ട്. ഇന്ത്യയിലെ ആദ്യത്തെ സൂപ്പർഹീറോ ഷോയായ ‘ശക്തിമാൻ’ വീണ്ടും ഒരു തിരിച്ചുവരവിന് ഒരുങ്ങുന്നു. 90 കളിൽ കുട്ടികൾക്കും മുതിർന്നവർക്കും ഇടയിൽ വളരെ പ്രചാരം നേടിയ ഈ ഷോ ഇന്ത്യൻ ടിവിയുടെ ഐക്കണിക് ഷോയായി മാറിയിരുന്നു. ഈ ഷോയിൽ ശക്തിമാൻ എന്ന കഥാപാത്രത്തെ അവതരിപ്പിച്ച മുകേഷ് ഖന്നയായിരുന്നു പ്രധാന വേഷത്തിൽ, അതിലൂടെ അദ്ദേഹം ആളുകളുടെ ഹൃദയത്തിൽ ഒരു പ്രത്യേക സ്ഥാനം സൃഷ്ടിച്ചു. നീണ്ട കാത്തിരിപ്പിനൊടുവിൽ ശക്തിമാൻ എന്ന ഷോ വീണ്ടും പ്രേക്ഷകർക്ക് മുന്നിലെത്തുമെന്ന് മുകേഷ് ഖന്നയാണ് അറിയിച്ചത്. അടുത്തിടെ അതിൻ്റെ പുതിയ ടീസറും ഭീഷ്മ ഇൻ്റർനാഷണലിൻ്റെ യൂട്യൂബ്…

തിരുവനന്തപുരം: മല്ലു ഹിന്ദു ഐ എസ് ഓഫീസേഴ്സ് വാട്സ്‌ആപ്പ് ഗ്രൂപ്പ് വിവാദത്തില്‍ വ്യവസായ വകുപ്പ് ഡയറക്ടർ കെ ഗോപാലകൃഷ്ണനെയും കൃഷി വകുപ്പ് സ്പെഷ്യൽ സെക്രട്ടറി എന്‍ പ്രശാന്തിനെയും സസ്‌പെന്‍ഡ് ചെയ്തു. മല്ലു ഹിന്ദു വാട്‌സാപ് ഗ്രൂപ്പ് വിവാദത്തിലാണ് കെ ഗോപാലകൃഷ്ണനെ സസ്‌പെന്‍ഡ് ചെയ്തത്. അഡീഷണല്‍ ചീഫ് സെക്രട്ടറി ജയതിലകിനെതിരായ പരസ്യപ്രതികരണത്തിലാണ് എന്‍ പ്രശാന്തിനെതിരെ നടപടി. ഇരുവരും സര്‍വീസ് ചടങ്ങള്‍ ലംഘിച്ചുവെന്ന് ചീഫ് സെക്രട്ടറി കണ്ടെത്തിയിരുന്നു. ഇതിന്റെ അടിസ്ഥാനത്തില്‍ ഇരുവരേയും സസ്‌പെന്‍ഡ് ചെയ്യണമെന്ന് ആവശ്യപ്പെട്ടുള്ള ശുപാര്‍ശ ചീഫ് സെക്രട്ടറി മുഖ്യമന്ത്രി പിണറായി വിജയന് സമര്‍പ്പിച്ചിരുന്നു. ഇത് അംഗീകരിച്ചാണ് നടപടി. സസ്‌പെന്‍ഷന്‍ ഉത്തരവില്‍ കെ ഗോപാലകൃഷ്ണനെതിരെ ഗുരുതര കണ്ടെത്തലുകളാണ് ഉള്ളത്. ഐഎഎസ് ഉദ്യോഗസ്ഥര്‍ക്കിടയില്‍ സ്പര്‍ധയുണ്ടാക്കാന്‍ ഗോപാലകൃഷ്ണന്‍ ശ്രമിച്ചു എന്ന് സസ്‌പെന്‍ഷന്‍ ഉത്തരവില്‍ പറയുന്നു. ഗോപാലകൃഷ്ണന്‍ നടത്തിയത് ഗുരുതര ചട്ടലംഘനമാണ്. ഫോണ്‍ ഹാക്ക് ചെയ്തു എന്നുള്ള വാദം തെറ്റാണ്. ഫോറന്‍സിക് പരിശോധനയ്ക്ക്…

കല്‍പ്പറ്റ: ചേലക്കരയും വയനാടും നാളെ പോളിങ് ബൂത്തിലേക്ക്. മണ്ഡലങ്ങളില്‍ ഇന്ന് നിശബ്ദ പ്രചാരണം. പരമാവധി വോട്ടര്‍മാരെ നേരില്‍ കണ്ട് അവസാന വോട്ടുറപ്പിക്കാനുള്ള ശ്രമത്തിലാണ് സ്ഥാനാര്‍ത്ഥികളും പാര്‍ട്ടി പ്രവര്‍ത്തകരും. ബൂത്ത് തലത്തിലുള്ള സ്‌ക്വാഡ് പ്രവര്‍ത്തനങ്ങളും നടക്കും. പൗരപ്രമുഖരുമായിട്ടുള്ള കൂടിക്കാഴ്ചകളാണ് സ്ഥാനാര്‍ത്ഥികളുടെ പ്രധാന പരിപാടി. വോട്ടെടുപ്പിന്റെ പോളിങ് സാമഗ്രികളുടെ വിതരണം ഇന്നു രാവിലെ എട്ട് മണി മുതല്‍ വിവിധ കേന്ദ്രങ്ങളില്‍ ആരംഭിക്കും. ഉച്ചയോടെ വിതരണം പൂര്‍ത്തിയാകും. തുടര്‍ന്ന് പോളിങ് ഉദ്യോഗസ്ഥര്‍ വൈകീട്ടോടെ നിശ്ചിത പോളിങ് കേന്ദ്രങ്ങളിലെത്തും. വയനാട്ടില്‍ കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധിയാണ് യുഡിഎഫ് സ്ഥാനാര്‍ത്ഥി. തെരഞ്ഞെടുപ്പില്‍ പ്രിയങ്കയുടെ കന്നിപ്പോരാട്ടമാണ്. സിപിഐയിലെ സത്യന്‍ മൊകേരിയും, ബിജെപിയിലെ നവ്യ ഹരിദാസുമാണ് പ്രധാന എതിരാളികള്‍. ചേലക്കരയില്‍ സിപിഎമ്മിലെ യു ആര്‍ പ്രദീപ്, കോണ്‍ഗ്രസിലെ രമ്യ ബരിദാസ്, ബിജെപിയിലെ ബാലകൃഷ്ണന്‍ എന്നിവര്‍ തമ്മിലാണ് പ്രധാന മത്സരം. പാന്‍ ഇന്ത്യന്‍ പോരാട്ടമാണ് വയനാട്ടില്‍ നടക്കുന്നത്.…

ഫ്ലോറിഡ: യു എസ് പ്രസിഡൻറ് തെരഞ്ഞെടുപ്പിൽ വൻ വിജയം കൈവരിച്ച ഡൊണാൾഡ് ട്രംപ് തൻ്റെ സർക്കാർ രൂപീകരണ നടപടികൾ ആരംഭിച്ചു. യുഎസ് സെനറ്റർ മാർക്കോ റൂബിയോയെ സ്റ്റേറ്റ് സെക്രട്ടറിയായി ട്രംപ് തിങ്കളാഴ്ച തിരഞ്ഞെടുത്തു. ഈ തീരുമാനത്തിന് ശേഷം, പല രാജ്യങ്ങളിലും ചർച്ചകൾ ആരംഭിച്ചിട്ടുണ്ട്. കാരണം, അമേരിക്കയുടെ പ്രധാന ഭൗമരാഷ്ട്രീയ ശത്രുക്കളായ ചൈന, ഇറാൻ, ക്യൂബ എന്നിവയ്‌ക്കെതിരെ മാർക്കോ റൂബിയോയുടെ കാഴ്ചപ്പാട് വ്യത്യസ്ഥമാണ്. അതേസമയം, ഇന്ത്യയോടുള്ള അദ്ദേഹത്തിൻ്റെ മനോഭാവം വളരെ പോസിറ്റീവാണ്. അദ്ദേഹത്തെ ഇന്ത്യയുടെ നല്ല സുഹൃത്തായാണ് കണക്കാക്കപ്പെടുന്നത്. ഫ്ലോറിഡ നിവാസിയായ ഈ 53-കാരന്‍ സ്റ്റേറ്റ് സെക്രട്ടറി പദവിയിലെത്തുന്നതോടെ ഈ പദവിയിലെത്തുന്ന ആദ്യത്തെ ലാറ്റിനോ വംശജനായിരിക്കും അദ്ദേഹം. ട്രംപിൻ്റെ അടുത്ത സഖ്യകക്ഷിയെന്ന നിലയിൽ, റൂബിയോ യുഎസ് വിദേശനയത്തിൽ പ്രത്യേകിച്ച് ചൈന, ഇറാൻ, ക്യൂബ എന്നീ രാജ്യങ്ങള്‍ക്കെതിരെയുള്ള നയങ്ങളില്‍ മാറ്റം വരുത്തും. അദ്ദേഹത്തിൻ്റെ കാഴ്ചപ്പാടുകൾ ട്രംപുമായി പൊരുത്തപ്പെടുന്നു, ഇരുവരുടെയും നയങ്ങളിൽ…

ബ്രാം‌പ്ടണ്‍ (കാനഡ): 2024 നവംബർ 17 ന് ഇന്ത്യൻ കോൺസുലേറ്റ് സംഘടിപ്പിക്കാനിരുന്ന ലൈഫ് സർട്ടിഫിക്കറ്റ് പ്രോഗ്രാം കാനഡയിലെ ബ്രാംപ്ടൺ ത്രിവേണി കമ്മ്യൂണിറ്റി സെൻ്റർ റദ്ദാക്കി. ഖാലിസ്ഥാൻ മതമൗലികവാദികളിൽ നിന്ന് അക്രമാസക്തമായ പ്രതിഷേധം ഉണ്ടാകാനുള്ള സാധ്യത കണക്കിലെടുത്താണ് ഈ തീരുമാനം. “ഇന്ത്യൻ കോൺസുലേറ്റ് ആതിഥേയത്വം വഹിക്കുന്ന ലൈഫ് സർട്ടിഫിക്കറ്റ് പ്രോഗ്രാം നവംബർ 17 ന് ബ്രാംപ്ടൺ ത്രിവേണി ക്ഷേത്രത്തിൽ നടത്താൻ നിശ്ചയിച്ചിരുന്നു. എന്നാൽ, പീൽ റീജിയണൽ പോലീസിൽ നിന്ന് വിവരം ലഭിച്ചതിനെത്തുടർന്ന് പരിപാടി റദ്ദാക്കി,” കമ്മ്യൂണിറ്റി സെൻ്റർ പ്രസ്താവനയിൽ പറഞ്ഞു. ഇത്തരം ഭീഷണികൾ ഇല്ലാതാക്കാനും കാനഡയിലെ ഹിന്ദു സമൂഹത്തിൻ്റെ സുരക്ഷ ഉറപ്പാക്കാനും കമ്മ്യൂണിറ്റി സെൻ്റർ പീൽ പോലീസിനോട് അഭ്യർത്ഥിച്ചു. കാനഡയിലെ ജനങ്ങൾ ഇപ്പോൾ ഹിന്ദു ക്ഷേത്രങ്ങൾ സന്ദർശിക്കാൻ ഭയപ്പെടുന്നതിൽ ഞങ്ങൾ ഖേദിക്കുന്നു. ത്രിവേണി ക്ഷേത്രത്തിനെതിരെ പ്രചരിക്കുന്ന ഭീഷണികൾ നിർത്തി ഹിന്ദു സമൂഹത്തിൻ്റെയും പൊതുജനങ്ങളുടെയും സുരക്ഷ ഉറപ്പാക്കാൻ പീൽ പോലീസിനോട്…

ഡാളസ്: ഡാളസിലെ സാമൂഹ്യ സാംസ്കാരിക വിദ്യാഭ്യാസ രംഗത്ത് സജീവമായി പ്രവർത്തിക്കുന്ന ഇന്ത്യ കൾച്ചറൽ ആൻഡ് എജ്യുക്കേഷൻ സെൻ്റർ  ജനറൽ ബോഡി യോഗം 2024 ഡിസംബർ 8-ന് ഉച്ചകഴിഞ്ഞ് 3.30-ന് പ്രസിഡൻ്റ് ഷിജു എബ്രഹാമിന്റെ അദ്ധ്യക്ഷതയിൽ സംഘടിപ്പിക്കുന്നു. മുൻ മീറ്റിംഗ് മിനിറ്റ് അവലോകനം ചെയ്യുകയും അംഗീകരിക്കുകയും ചെയ്യുക, അംഗത്വ അപ്‌ഡേറ്റ് ഒ പുതുക്കിയ ഫോം അല്ലെങ്കിൽ പുതുക്കിയ ലിസ്റ്റ്,ബൈലോ ഭേദഗതി ഒ ബിഎൽ കമ്മിറ്റിയുടെ പ്രവർത്തന പദ്ധതി, ബിൽഡിംഗ് സെക്യൂരിറ്റി ഒ അപ്‌ഡേറ്റ് ചെയ്ത ക്യാമറ സിസ്റ്റം,പ്രൊജക്റ്റ് അപ്‌ഡേറ്റുകൾ ,അർദ്ധ വാർഷിക അക്കൗണ്ട്, 2025-2026 ലേക്കുള്ള ബോർഡ് ഓഫ് ഡയറക്ടർമാരുടെ തിരഞ്ഞെടുപ്പ് എന്നിവയാണ് അജണ്ടയിൽ ഉൾപ്പെടുത്തിയിരിക്കുന്നത് . എല്ലാ അംഗങ്ങളുടെയും  സജീവ പങ്കാളിത്തം പ്രതീക്ഷിക്കുന്നതായി സെക്രട്ടറി സൈമൺ ജേക്കബിന്റെ അറിയിപ്പിൽ പറയുന്നു