തിരുവനന്തപുരം: ചൊവ്വാഴ്ച (ഡിസംബർ 17) ഒരു കൂട്ടം സ്റ്റുഡൻ്റ്സ് ഫെഡറേഷൻ ഓഫ് ഇന്ത്യ (എസ്എഫ്ഐ) പ്രവർത്തകർ തിരുവനന്തപുരത്ത് പാളയത്തുള്ള സർവ്വകലാശാല കാമ്പസിലേക്ക് പോലീസ് സുരക്ഷ ലംഘിച്ച് ഇരച്ചുകയറിയതിനെ തുടർന്ന് കേരള സർവകലാശാലയിൽ സംഘർഷം. സർവകലാശാലയുടെ ചാൻസലർ കൂടിയായ കേരള ഗവർണർ ആരിഫ് മുഹമ്മദ് ഖാൻ ഒരു സെമിനാറിൽ പങ്കെടുക്കുന്നതിനിടെയാണ് കനത്ത പൊലീസ് കാവൽ മറികടന്ന് ഗവർണർ പ്രസംഗിച്ച സെനറ്റ് ഹാളിൻ്റെ മുന്നിൽ വരെ കടന്നുകയറി എസ്എഫ്ഐക്കാർ മുദ്രാവാക്യം വിളിച്ചത്. രണ്ടര വർഷത്തിന് ശേഷമാണ് സർവകലാശാല ചാൻസലർ കൂടിയായ ഗവർണർ ആരിഫ് മുഹമ്മദ് ഖാൻ കേരള സർവകലാശാല ആസ്ഥാനത്തെത്തിയത്. ഗവർണർക്കെതിരെ പ്രതിഷേധമുണ്ടാകുമെന്ന് എസ്എഫ്ഐ നേരത്തെ പ്രഖ്യാപിച്ചിരുന്നു. പ്രതിഷേധം പ്രതീക്ഷിച്ചിരുന്നതിനാൽ രാവിലെ മുഴുവൻ സുരക്ഷ കർശനമാക്കിയിരുന്നു. സംസ്‌കൃത വകുപ്പാണ് സെമിനാർ സംഘടിപ്പിച്ചത്. രാവിലെ മുതൽ സർവകലാശാല ആസ്ഥാനത്ത് കനത്ത പൊലീസ് കാവൽ ഉണ്ടായിരുന്നു. 11.30ഓടെ ഗവർണർ യൂണിവേഴ്‌സിറ്റി ആസ്ഥാനത്തെത്തി. ഹാളിനുള്ളിൽ…
ഗവർണറുടെ സന്ദർശനത്തിനിടെ എസ്എഫ്ഐ സുരക്ഷാ ലംഘനം നടത്തിയതിൽ കേരള സർവകലാശാലയിൽ സംഘര്‍ഷം
