കാലം ചെയ്ത ഫ്രാന്‍സീസ് മാര്‍പാപ്പയുടെ പിന്‍ഗാമിയായി ആഗോള കത്തോലിക്കാ സഭയുടെ തലവനെ തെരഞ്ഞെടുക്കാനുള്ള കര്‍ദിനാള്‍ സംഘത്തിന്റെ കോണ്‍ക്ലേവിന് ഈ മാസം ഏഴിന് തുടക്കമാവുകയാണ്. റോമിലെ സിസ്റ്റൈന്‍ ചാപ്പലില്‍ നടക്കുന്ന കോണ്‍ക്ലേവില്‍ വോട്ടെടുപ്പിലൂടെ പുതിയ മാര്‍പാപ്പയെ തെരഞ്ഞെടുക്കും. ആഗോള ലത്തീന്‍ സഭയോടു ചേര്‍ന്ന് 23 പൗരസ്ത്യ സഭകളും പുതിയ മാര്‍പാപ്പയെ ആകാംക്ഷയോടെ കാത്തിരിക്കുകയാണ്. വോട്ടെടുപ്പില്‍ പങ്കെടുക്കുന്ന 133 കര്‍ദിനാള്‍മാരില്‍ അഞ്ചുപേര്‍ പൗരസ്ത്യ സഭകളില്‍നിന്നുള്ളവരാണ്. പുരാതനവും വ്യത്യസ്തവുമായ ആത്മീയ, ആരാധനാ പാരമ്പര്യങ്ങളുള്ള സ്വതന്ത്ര സഭകളാണ് 23 പൗരസ്ത്യ സഭകളും. ഈ സഭകളും ലത്തീന്‍ സഭയോടുചേര്‍ന്ന് മാര്‍പാപ്പയെ തങ്ങളുടെ മേലധികാരിയായി അംഗീകരിക്കുന്നു. കര്‍ദിനാള്‍മാരുടെ കോണ്‍ക്ലേവില്‍ അംഗവും വോട്ടവകാശമുള്ളതുമായ പൗരസ്ത്യ കര്‍ദിനാള്‍മാരിലൊരാളുമാണ് കേരളത്തിലെ സീറോ മലങ്കര സഭയുടെ മേജര്‍ ആര്‍ച്ച് ബിഷപ്പും മേലധ്യക്ഷനുമായ കര്‍ദിനാള്‍ ബസേലിയോസ് മാര്‍ ക്ലീമിസ്. 1959 ല്‍ ജനിച്ച ഐസക് തോട്ടുങ്കല്‍ 1986 ല്‍ മലങ്കര കത്തോലിക്കാ സഭയില്‍…
ക്രൈസ്തവ രാജ്യങ്ങളില്‍ പോലും ക്രിസ്ത്യാനികള്‍ ന്യൂനപക്ഷം ആകുന്നു: ക്ലീമിസ് ബാവ
